يا ويـل قلبـيّ من دلٌـع كامـلْ الـزيـنّ

Part 31

لطفاً فوت وتعليق يسعدني🥺💘
———————————-

الكـادي : خاينه .
الـزيـنّ وهي تنفض شعرها لورا : احم احم . 
قاطعتهم امل وهي تحط الدجاج المتبل على الطاوله : وهذا الدجاج وصار ياهز .
الـزيـنّ ونوف استنشقوا ريحه التتبيله بتلذذ .
نوف : الله وش هالريحه الحلوه ! .
الـزيـنّ : الله اشتهيت .
الكـادي باستغراب وهي تهمس لامل الي كانت واقفه جنبها : هذلي وش بهن ؟! .
امل همست لها : صدقيني او أعرف كان قلت لك ! .
نوف صفقت بايدها : يالله خلونا نبدأ .
وبدوا البنات يشوون مع بعض ويسولفون ويلعبون ، بعدها كلوا مع بعض عقب ما خلص الشوي وجلسوا يشربون الشاهي .
—— وبعد مرور بعض من الوقت
جأ عبدالعزيز وخذا نوف
وبعدها جأ ناصر وخذا الكـادي
وبعدها جأ حمد اخو امل وخذاها
وضلت الـزيـنّ جالسه بروحها ، وبعد نص ساعه جأ سلطـان للبيت واستقبلته الـزيـنّ .
دق سلطـان باب البيت ، وراحت الـزيـنّ فتحت الباب على كبره ووقفت قدامه .
الـزيـنّ : حي الله شيخ علـيـان .
سلطـان دخل : الله يحيك .
الـزيـنّ سكرت الباب وراحت لفت ايدها على ايده : قولي تعشيت ولا مشتهي اسويلك شين ؟ .
سلطـان : لا تسلمين تعشيت وخلصت .
الـزيـنّ : جعله عافيه .
سلطـان دخل الغرفه وما زالت الـزيـنّ ماسكه ايده : الله يعافيك .
الـزيـنّ تركت ايد سلطـان وراح سلطـان للتواليت وقام يرمي بشته وشماغه والزين واقفه وتناظر له .
سلطـان : الا يا أم البندري طلعي لي من الدولاب لبس .
الي ن ناظرت له بتوتر ونطقت بتلعثم : اا ام وشو !؟ .
سلطـان ناظر لها وقرب منها : ام البندري ؟ .
الـزيـنّ بصدمه وغباء : منو البندري ؟ .
سلطـان صار امامها وحط ايده على بطنها : بنتنا ! .
الـزيـنّ : وش دراك ؟ .
سلطـان ابتسم وكور وجهها بإيدينه : حلمت بها .
الـزيـنّ بصدمه : صدق ؟ .
سلطـان حط جبهته على جبهتها وغمض عيونه : ايه صدق .. وراح تطلع بنيـه .
الـزيـنّ ضحكت وهي مصدومه ، وضحكت مره ثانيه وهي تقوله : يعني بنت مهي ولد ؟! .
سلطـان فتح عيونه وابتسم : ايه يا أم البندري .
الـزيـنّ هزت راسها للايجاب وابتسمت بهدوء : سميتها البندري ؟ .
سلطـان قبل جبهتها وابتعد : أيه بأذن الله اسمها البندري .
الـزيـنّ قربت منه ورفعت رجولها لاجل توصل لطوله ولفت ايدينها حول رقبته وحضنته ، ابتسم سلطان وغرس راسه برقبتها ولف ايده على خصرها وايده الثانيه قام يمسد فيها شعرها وهو يستنشق عبيـرها بكل حُب .
بعد مرور اسبوع ونص وتحديداً يوم عرس أمل وسالم .
العصر..
طلعت الكـادي من غرفتـها وهي تمشي وتتغنج امام ناصر ، قربت من العريش الي جالس فيه ناصر ونفضت شعرها بغرور لورا وهي تقرب من ناصر .
نطقت بصوتها الانثوي : نصـور يلا انا خلصت مشينا ؟ .
ناصر ناظرها من فوق لتحت وهو يبلع ريقه من حلاوتها ! ، وكانت لابسه لبس ضيق لاصق على جسمها ويبين خصرها المرسوم وكان باللون العنابـي ، ومخليه شعرها مفلوت ومنسدل على أكتافها ، وريحه مسكها الي تفوح من وراها خلته يتجنن .
الكـادي عقدت حواجبها لانها ما رد عليها : ناصر ؟ .
ناصر قام من مكانه : هلا يا طوايف ناصر ؟ .
الكـادي استحت ونزلت راسها : يلا ما بنمشي ؟ .
ناصر قرب منها ولف ايدينه على خصرها وقبلها مع خدها قبله طويله ، ابتعد عنها وهمس باذنها وهو حاضنها : الليلـه بتكـون ليلتي يا الكـادي ! .
الكـادي فتحت عيونها على اوسعهم من صدمتها وبلعت ريقها بصعوبه ، طبع ناصر قبله ثانيه على خدها قبل لا يبتعد عنها ويخليها تحت صدمتها .
ناصر خذا فروته : يلا ناطرك بالسياره .
طلع من البيت والكـادي الى الان مصدومه !
نفضت الافكار من راسها وهي تواسي نفسها " لا مراح اسمح له ! "
راحت خذت عبايتها ولبستها وطلعت برا البيت وركبت السياره .
———
عند ابطالنا .
كانوا اثنينهم بغرفتهم يتجهزون للعرس .
قعدت الـزيـنّ على السرير وهي تلبس جزمتها ، رفعت نظرها لسلطان الي قاعد يلبس غترته .
الـزيـنّ : يالله سلطانـي بنتأخر ترا ! .
سلطـان وهو يعدل نسفته : يلا خلصت .
الـزيـنّ : البس عباتي يعني ؟ .
سلطـان التفت عليها : يالله .
الـزيـنّ ابتسمت وقامت من السرير وراحت خذت بشته المعلق وقربت منه تلبسه .
لف سلطـان ظهره للزين وهو يلبس بشته .
الـزيـنّ : دقيقه بس .
وراحت للتواليت وخذت المسك وفتحته وحطت على مكان النبض الي بأيدها وفركت ايدينها مع بعض ، وراحت قربت منه ومسحت مكان نبض ايدها على رقبه سلطـان وعلى كتوفه .
ابتسم سلطـان على حركتها يعني يعرف هو يحط مسك لروحه : وش تسوين ؟ .
الـزيـنّ بدلع : ما يصير أعطرك ؟!
سلطـان بابتسامه : الا يصير ! .
الـزيـنّ بخجل : احم .. يلا مشينا لا أتأخر على  .