مـن نـسل المتحولين ( مكتمله)

"البادي اظلم"

_ النهارده هنبدأ بتحدي المنظمات دي ونرجع عدد كبير من إللي في الحصن يلا يا أيوب

_ في رأيي لازم تعرف الجده
"قالها سهيل ليردف سيف بجدية "
_ هعرفها متخافش

وضع يده على كتف أيوب وانتقلوا بداخل المنظمه

_ أحمي ضهري و هحمي ضهرك
"قالها سيف بجديه ليخرج أيوب سلاحه ويبتسم

_ دقت ساعه الحرب دقت ساعه الانتقام أيتها الروح الجائعه اذهبي للجحيم هنضيع يابت المفتريه

وجدوا أمامهم بودي جاردات يقتربون منهم ومعهم اسلحه أردف سيف بهمس

_ أدخل الحصن وأنا هخلص على دول

_ خلي بالك يا صاحبي
قالها ايوب ودخل الحصن

دخل ايوب الحصن ليجد حارس يقف ومعه بندقيه اقترب من خلفه و امسكه من رقبته بقوه وكسرها
سقط الرجل أرضا واقترب أيوب من سجين واردف

_ بقولك يا صاحبي بيفتحوا السجون دي إزاي

أشار له الرجل المسجون على لوحه تحك ليبتسم ايوب بغباء ويردف
_ فل الفل....

اقترب من لوحه التحكم وضغط على أزرار عشوائية لتفتح السجون ابتسم عندما وجد عدد كبير قد تحرر لكن هناك سجون من الزجاج ومنها سجن نادين.
تفاجأ بدخول سيف وهو ملطخ بالدماء من ضربه للحرس واردف

_ براڤووو عليك يا جدع فعلت الإنذار يا ابن المفضوحه

_ أنا مكنتش اعرف أن في انذار
"قالها أيوب بغباء ليردف سيف بصوت عالي

_ ساعدوني نخرج الباقي من الحصن

اطاع الجميع كلمته وبدأوا بمحاولة تكسير الزجاج ولكنه لا ينكسر

أبعدهم سيف وأمسك بالبندقية واردف بصوت عالي لنادين
_ وطي هكسر الازاز

بالفعل جلست على الأرض بخوف وأطلق سيف ثلاث طلقات لينكسر الزجاج كله دخل بنصف جسده وحمل نادين واخرجها وبدأ بفعل هذا مع الكل ليتحرروا جميعاً

_ خدهم يا ايوب بره الاوضه وانتقلوا كلكوا
"قالها سيف بجديه ليردف ايوب

_ لأ يا صاحبي مستحيل اسيبك

_ ايوب في حاجه في دماغي عايز أعملها روح أنت معاهم علشان متتأذيش
"قالها سيف ليردف أيوب ب

_ يخرجوا بره الحصن بخطوه واحده ويقدروا يستعملوا قوتهم وينتقلوا للقريه أنا مش همشي معاهم

استسلم سيف لطلب ايوب بأن يظل معه وانتقل الجميع للقريه عدا هم الاثنان

_ بص يا أيوب عامر كان كاتب في اجنده أن في مصل بيرجع قوانا لو سحبوها مننا ومافيش غير جرعه صغيره أوي وحقنه واحده إحنا بقى لازم نجيب المصل ده ويبقى معانا ونعرف المواد إللي فيه ونقدر نعمل منه كتير كعلاج لينا كمتحولون بس علشان ندخل المختبر لازم نكون بشر أنا لو دخلت هتعرف
"قالها سيف بتفكير ليبتسم أيوب ويردف