A Dream that never came (Sequel #4)

Chapter 7

"B-bakit ako? Maaga akong umuwi kagabi," Daddy said kaya naman natawa na lang ako at napa-iling.

Maaga daw umalis si Kuya Hob kaya naman hindi na kami nagkita pa sa bahay. Pagkapasok sa kwarto ay kaagad kong ibinato ang phone ko sa kama para sana makaligo na.

Muli kong kinuha ng makita ko ang ilang message ni Ahtisia sa akin na nagtatanong kung naka-uwi na daw ba ako.

Wala sa sarili akong napakagat sa aking pang-ibabang labi habang nag-iisip ng isasagot sa kanya. Madali lang namang sabihin oo, nasa bahay na ako pero gusto kong magtuloy tuloy ang conversation namin.

To: Ahtisia

Nasa bahay na. I was about to take a shower.

Napangisi ako ng pindotin ko ang sent button. Ano namang pakialam niya kung magsho-shower ka, Hundson. Ang gago ko talaga.

Buong akala ko ay hindi na siya sasagot sa akin dahil sa mga kalokohang pinagsasabi ko. Halos mapatalon na ako padapa sa kama ko ng makita kong nag-pop up ulit ang pangalan niya sa phone ko.

From: Ahtisia

You should rest first bago mag shower. Tapos na din ako.

Halos mariin akong mapapikit. Simpleng shower lang naman ang pinag-uusapan namin pero damn.

Nagpaalam ako sandali sa kanya na magsho-shower na since nakakahiya naman kung isipin niyang tamad akong maligo.

Nagpalitan kami ng messages ni Ahtisia the whole day. She even asked me something about our past lessons kaya naman sinagot ko kaagad ang mga anong niyang alam ko.

Mas lalo akong naging kampante na magtutuloy-tuloy na ang palitan namin ng messages since ramdam ko namang nagiging kumportable na siya sa akin.

I even received a message from Isabela about Sovannah being grounded ng malaman ni Tito ang nangyari sa kanilang dalawa. I'm worried for them pero they need to take the consequence ng ginawa nilang dalawa.

"Para ka kamong tanga," Pang-aasar ni Piero sa akin ng muli nilang balikan ang picture na ipinasa ni Kuya Hob sa group chat namin.

"Pagtatawanan din kita pag nanligaw ka," sabi ko kay Piero.

Ngumisi siya at inirapan pa ako.

"Hindi ako ang nanliligaw. Ako ang nililigawan," sabi niya sa akin kaya naman nakatanggap siya ng batok mula kay Kenzo.

"Tigilan mo nga 'yang ganyang pag-uugali mo," masungit na suway sa kanya nito.

"Alin? Yung pagiging gwapo ko? Mahirap 'yan," laban ni Piero sa kanya pero hindi na nagsalita pa si Kenzo at napa-irap na lang.

"Tanga mo," sabi ni Kuya Hob bago sila nag-asaran na dalawa.

Halos pagtinginan kami sa pizza house na kinainan namin, hindi ko alam kung dahil ba sa ma-ingay kami o ano. Nakatanggap pa kami ng libreng pizza ng makilala ng may-ari si Eroz na anak ni Tito Axus. Ang sabi ay fan daw siya nito Tito ng kasagsagan ng kasikatan nito sa pagkakarera.

"Daddy Axus," tawag ni Piero at pang-aasar na din sa mga kapatid niya.

Hindi pa din tumitigil sa kagustuhan na magpa-ampon kina Tito Axus at Tita Elaine kahit alam naman ng mga kakambal niya na mukhang siya ang favorite ni Tita Maria.

"Ganon talaga pag kulang sa aruga, ginagawang favorite..." pang-aasar ni Tadeo sa kanya.

"Mukha mo," asik ni Piero.

Maaga akong pumasok ng lunes dahil sa sunod sunod naming exam sa mga subjects namin. Naglalakad ako sa hallway papunta sa room namin nang makita ko si Sov kasama si Jasper.