وحان الآن الوقت لبدايه يوم جديد بأحداث كثيره دعونا نذهب بعدستنا لبطلنا فها نحن نراه يستيقظ من النوم ثم دلف للاستحمام وبعد بضع دقائق خرج مرتديا بنطال اسود جينز مع قميص اسود ايضا فيبدو في غايه الوسامه ثم ادي فرضه وبعد ان انتهي دلفت فتاه مسئوله عن توضيب غرفته فتتفاجأت بوجود سيدها بالغرفه فتخرج سريعا لعلمها بان كونها موجوده وهو معها بنفس الغرفه لن يسره علي الاطلاق فأخبرت رئيسه المساعدين بالامر فهرولت الي رغده قائله..
نعيمه رئيسه المساعدين: بقولك يا ست هانم انا بعت عفاف عشان توضب اوضه كنان بس بتقول انها لقته بيصلي
رغده: يا خبر انا نسيت اقولك خالص انه جه امبارح
محمد زوجها: ايه ده هو كنان رجع من السفريه؟
رغده: اه جه امبارح الفجر
محمد: شوف الجزمه من غير ما يقول ولا يصحيني حتي
كنان: ماشي يا بابا بتشتمني من ورا ضهري انا عن نفسي مش مسامح يا باشا بس سبحان الله نفس رد فعل ماما
محمد: وده ملفتش نظرك لحاجه
كنان: حبيبي يا بوب وربنا يا كسفني
محمد: المهم طمني عامل ايه
كنان وهو يجلس بجواره: الحمد لله يا بابا كله تمام
محمد: ربنا يوفقك يابني
امنت رغده علي دعائه ثم اردف كنان: امال فين آسيل صحيح سحاب عارف انها في المدرسه
رغده: نايمه فوق زي الاتوبيس المقلوب مش راضيه تصحي
محمد بضحك: ما شاء الله مخلفين عاهات في البيت
كنان: يا رافع معنويتنا انت يا محمد
محمد: قوم من قدامي بدل ما اضربك
كنان: انا اصلا قايم يخويا مش لاعب معاكوا اصلا تاني ثم اكمل بخبث اطلع انا بقي اصحي حبيبه قلبي سوسو ونروح ناخد سحاب نتفسح ما تيجوا معانا
رغده: لا يا حبيبي روحوا انتوا عيشوا حياتكوا وسبكوا مننا احنا احتمال نروح الملجأ نشوف لو عيزين حاجه هناك
كنان: تمام عن اذنكوا
ثم هم بالصعود ولكن نادي عليه والده فقال: اؤمر يا بابا
محمد: مش عايز جنانك علي الصبح تصحي اختك زي الناس العقلين
انفجر كنان في الضحك ثم قال: يا فقسني انت يا بوب من عنيا علي اقل من مهلي
محمد: ربنا يستر يخويا...
دلف كنان الي غرفه آسيل ثم تسحب الي ان وصل لها ثم فجاه....
بالاسفل قال محمد لرغده: هنسمع صريخ حالا انا عارف
رغده: مش علي الصبح كده يعني متخفش
محمد: اتحداكي ثم قال بخفوت واحد... اتنين... تلاااته
وبالفعل سمعوا فجأه صريخ اسيل يعم الفيلا
فضحكت رغده بشده عليهم وقال محمد بيأس: ابني وانا عارفه
وجدوا كنان يجري وهو يضحك بشده وخلفه آسيل التي كانت مبتله بالكامل فانفجروا في الضحك عليها
آسيل: والله ما سيباك يا كنان تعالي هناااااااا انا هورييييك
ظل كنان يضحك عليها بشده وقال: ما انتي مش راضيه تصحي اعمل ايه لا بس بجد شكلك يجنن
آسيل بصراخ: يابنييي هتشلنييي يا بابااا اتصرف مع ابنك ده
والله هولع فيه
محمد بضحك شديد: والله يابنتي حقك
رغده: يابني مش احنا قلنا تصحيها براحه
كنان: الاه ما براحه اهو يا امي اعمل ايه اكتر من كده مش كفايه موقعتهاش من علي السرير
آسيل: لا بجد اخلاقك دي احرجتني يا جدع
كنان:حبيبه قلبي
نظرت له بغضب ولم تتحدث ثم ابتسمت بحب وتوجهت له واحتضنته بقوه قائله:حمد الله علي السلامه يا كنان كنت واحشني والله
كنان بحب وهو يشدد من احتضانها :وانتي اكتر والله يا حبيبتي عامله ايه في شغلك
آسيل:كله تمام الحمد لله المهم جبتلي هديه ولا لا
كنان وهو يقرصها من خدها:يغتي علي الناس الطماعه
آسيل:يعم اعتق وشي بقي وبعدين يا كنونه لو مكنتش اطمع معاك هطمع من مين داده نعيمه يعني
نعيمه بعد ان جائت:ملها نعيمه دلوقتي مش نعيمه دي اللي بتعملك الاكل اللي بتحبيه
قامت آسيل باحتضانها وقالت:قلبي انتي والله بس سبيني استنفع منه بقرشين وهو اهبل وهيصدق
كنان:انا اهبل اومال انتي تبقي ايه يختي اقعدي علي جنب ثم وجه كلامه لنعيمه بحب قائلا:ازيك يا داده عامله ايه وحشاني والله
نعيمه وهي تربت علي كتفه:بخير طول ما انت بخير يا قلب داده (كانت نعيمه معهم منذ طفوله كنان وساعدت رغده في تربيته لذلك يكن لها حب شديد)
رغده:هطلع البس بقي عشان نروح لسحاب يا كنان
كنان:ماشي بس متتاخريش
آسيل:فوريره ثم عادت قائله:انت رجعت امتي صحيح
كنان:امبارح الفجر
آسيل:اشطا استناني.........
