عشق لا قانوني

🎀 بارت 14 🎀

🚫 عشــــق لا قــانــونـــــي 🚫

⭐ بقلم لمياء الشادلي ⭐

     💄 البارت 14💄

حط يديه على الباب طرق طرقات قوييين اللي ساهمو بشكل كبير في إيقاظها من عالمها المرير

بعدات على أمها بنظرات حزن وتمشات ناحية الباب حلاتو رفعت عيونها في عيونو ونطقات بصوت باكي : هشام ماما

هشام استغرب من حالتها قرب ليها وزير على وجها بين يديه : مالك شنو واقع

سهام هبطات وجهها ونطقت ببكاء : ماما وقيلة ........ صمتت لمدة وزيرت على يديها مقادراش تكمل الأمر صعيب عليها

تفهم الأمر بعد عليها وتمشى ناحية مها اللي كانت غايبة قام بنفس عمليتها وتنهد بقوة

قرب ليها جرها من يديها وخشاها في حظنه معارفش وضعها إلا أنه متأكد ماليها حد

إحساس صعيب كتعيشو الوحدة صعيبة بزاااااف وخصوصا إلى نتجت عن فقدان الوالدين ، حطات يديها على صدرو ونطقت بنبرة بكاء : عفاك قولي مالها ياك غير مريضة ياك ؟ غدي تفيق ؟ هي مغديش تخليني بوحدي ؟ شوف انا راه ماليا حد ، راه كنبين راسي خايبة غير باش مياكلونيش الذياب ولكن وقيلة ربي سخط عليا حيت مكنصليش وكنعصاه ، داكشي علاش دالي أعز الناس ليا ياك؟ شنو ندير قولي عاوني خرجني من هادشي اللي انا فيه ،ياك نتا صعيب ؟ اوى عاوني عفاك

بعدها على حظنه وحط جبهتو على جبهتها مزير عليها فيكسا عيونو على عيونها ونطق بصوت حنين: اششش سمعيني ، نتي قوية كيفما عرفتك ، وغدي تبقاي ديما قوية ، هادشي مغديش يغلبك

سهام ذرفت دمعة من عيونها ونطقت بعتاب : دبا علاش كتقولي هادشي ؟ ياك كتسبقو على الاخبار الخايبة ؟

هشام دوز يديه على شعرها بحنان أكثر ونطق بنبرة أول مرة تسمعها منو : سهام تقبلي الواقع ماماك ماتت ، صافي ماتت

سهام تنترات منو بقوة ونطقت ببرود : مماتتش...... بعدات عليه اكثر ونطقات بصوت أعلى منو ...... ممااااااتتش ..... حطات يديها على راسها وجبدات شعرها بقوة كتنتفو حطات يديها على قلبها كتضربو بقوة ....... راه مماااااااااتتش ميمكنش تخليني .... دموعها استعدت للتساقط ووجهت ليه نظرة عتاب على كلامو الاخير ليها ...... راه قلت ليك مماتتش علاش مكتسمعنيش ؟ راه منقدرش نعيش بلا بيها كلامك كيقتلني

هشام تنهد بقوة جبد التليفون من جيبو عيط للومبيلونص عطاهم العنوان ووجه ليها نظراتو : قربي

سهام حركات راسها بالنفي ونطقات بصراخ منغم بنبرة حزن طاغية : كتقهرني اهشام بهضرتك واش بغيتي تنتاقم مني ..... قربات ليه وحلات يديها عاطياه راسها .... هانا ضربني، قتلني ، رضي غرورك ، غير متعذبنيش بميمتي هي اللي عندي منقدش نسمح فيها، ومنقدش نعيش بلا بيها

هشام زير على يديه وجرها بقوة معنقها ضاغط عليها وكيدوز يديه على شعرها : نتي مغدي يوقع ليك والو ، ومزال غدي تعيشي حياتك

سهام عقدت حواجبها بحزن ونطقت ببكاء : مبقاش عندي علاش نعيش حياتي تدمرت ، انا بغيت نمشي معاها خليني نقرب ليها عفاك

هشام قلبها عاطي وجهو لجثة مها عمدا باش متشوفهاش طبع قبلة على عنقها ونطق بهمس في أذنها متعمد ينسيها في آلامها : نتي معندك فين تمشي نتي بلاصتك حدايا

حطات راسها على عنقو بقهرة وعطات الاذن لجسدها بالسقوط غير قادرة بتاتا على التحمل

يتبع ......