🚫 عشــــق لا قــانــونـــــي 🚫
⭐ بقلم لمياء الشادلي ⭐
💄 البارت 12💄
نزلت من الطاكسي كتدور عيونها على أرجاء المكان كان الحي صامت تماما
جمعات صاكها بين يديها وتوجهت ناحية دارهم كتمشى بسرعة وكتنهد من فرط الضغط
وسعت عيونها بصدمة ما إن حسات بشي يد تحطت عليها جراتها من يديها وزدحتها على حيط
سهام : شنو بغيتي مني عاوتاني نتا
هشام : لهاد الدرجة نتي رخيصة
سهام : مفهمتش نتا اش كتقصد
هشام : نتي عارفة قصدي
سهام : ورخيصة ولا شريفة فاش كيهمك
هشام : مكتفكريش في ديك مك اللي كتنوض في الصباح بكري وكتمشي تجيب ليك متاكلي باش نتي تسل&كطي ؟
سهام : مفهمتش علاش كتدخل في اللي مكيعنيكش بيني وبين مي
هشام : شحال كيعطيوك
سهام : ومشي سوقك
هشام : 100 درهم 200 ؟ 500 ؟ 1000 ؟
سهام طلعت حاجبها ونطقت باستهزاء : شوف شكون كيهضر ياكما خلصتي عليا في الريسطو كيحساب ليك راك بوكو حبة وغدي تبقى تصرف عليا
هشام : فمك كياكلك الكلبة مكفاتكش ديك الصقلة كتقلبي على وحداخرا
سهام : ومشي سوقك وممنحقكش تضربني
هشام : الى عطيتك تديها في راسك وترفعي راس مك متدليهش بشوهتك
سهام عقدت حاجبها ونطقت باستفسار : اش غدي تعطيني ؟
هشام جبد من جيبو البزطام ديالو خدا منو 1000 درهم لاحها ليها : تحركي تق&ودي نعاود نشوفك مع شي كلب وجهك نخسرو ليك
سهام كمشاتها في يديها ونطقت بتساؤل : علاش كتدير معايا هكا انا مشي ختك ولا مك اللي تبغي رأسهم يبقى ديما مرفوع ؟
هشام فيكسا عيونو عليها ونطق ببرود : مشي على قبلك على قبل مك
سهام : منين نتا عندك هاد الفلوس كاملين علاش ساكن هنا ؟
هشام: متدخليش في اللي ميعنيكش
سهام زيرت على فمها ونطقت بإستغراب : علاش نتا هكا مرة كتدور في ماما وكتضربني ومرة تجي تعطيني الفلوس باش نرفع براسها
هشام رفع حاجبو ونطق بهدوء تام : قلت ليك متدخليش في اللي ميعنيكش ودبا تحركي لداركم توصلني خبارك ق&ودتيها
سهام حركات عيونها بتوتر متسائلة واش تنطق ولا بلاش ما إن عقلها تاخد قرار واحد وقررات تقولوو : بغيت نقولك شي حاجة احم عندكم شي دار الكرا هاد الدار مغديش تبقى صالحة
هشام رفع حاجبو مستغرب من كلامها ونطق بتساؤل : كفاش ؟؟
سهام : احم دبا كيفما كتعرف انا كذبت على ماما وقلت ليها صاحبتي باها اللي كاري لينا ولكن هي في الحقيقة سيمو اللي كان كاري ..... ضغطت على شفايفها كتقلب على شي كذبة ما إن ظهرت على شفايفها ابتسامة خفيفة نتيجة أفكارها ...... ولكن نتا قلتي ليا نكلس للارض والى مبقيتش كنخرج معاه غدي يخرجنا ويخلينا بلا دار
هشام ربع يديه كيرمقها بنظرات استهزاء ضغط على يديه ونطق مستفزها: لفعة وسمك كتطلقيه في أي لحظة
يتبع.......
ВЫ ЧИТАЕТЕ
عشق لا قانوني
Любовные романы⚠️#يحـــــــــلل_النشــــــــر_بـعـــد_طـــــــلب_الادن⚠️ 🔱 حصريا على ماضـــــي الشهيـــــرات 🔱 🚫 عشــــق لا قــانــونـــــي 🚫 ⭐ بقلم لمياء الشادلي ⭐ عدت من جديد بتحفة مغايرة من روائع القصص والروايات...
