عشق لا قانوني

🎀 بارت 8 🎀

🚫 عشــــق لا قــانــونـــــي 🚫

⭐ بقلم لمياء الشادلي ⭐

     💄 البارت 8 💄
    

غفلو ونزل عليه بكروشي طيحو وطلع فوقو كيسدد ليه لكمات واحدة تلو الأخرى خسرلو وجهه عيونو رجعت في اللون البنفسجي مما دل على انها تلقت للضرب المبرح

مريم عضت على شفايفها بفقصة وقربت ليه كتجرو من فوقو : براكة براكة طلقو راك غدي تقتلو هشام واش باغي ترجع للحبس واش ديما فاش كنبغيو نتزوجو كتبغي تخسرها علينا

هشام تنثر منها ووقف وجه ليها صبعو ونطق بعصبية : آخر مرة تولي تجي في طريقي الكلبة

مريم ابتسمت وحطات يديها على خدو غير مراعية للشخص اللي فاقد وعيه : كتبغيني ياك ؟ الغيرة اللي خلاتك تصرف هكا ؟

هشام طلع وهبط فيها ونطق باستفزاز : مكنغيرش على الق&حاب .... ختم كلامو وتوجه ناحية دراجتو المركونة جنب الطريق

مريم سرطت القمعة وتمشات ناحية سيمو اللي طايح : اوووف حتى نتا مجاك تفقد الوعي حتى لدبا تفوووو
    _____________
   
طلع فوق دراجتو النارية دار الكاسك وكسيرا بسرعة عيونو عاميها الغضب هادشي اللي دار مشي من غيرتو عليها ولكن حس بيها طعناتو في رجولتو بوقوفها مع شخص آخر

مدة مطويلاش وفرانة قدام مكان مهجووور حيد الكاسك دارو فوق الدراجة وحل صندوق ملصق خلفها جبد منو صاك صغير ورجع سدها

دور عيونو كيسكاني المكان مكانش حتى واحد  تنهد براحة وكمل طريقو طلع من دروج راشيين وقف في الطبقة الثالثة ودخل من بابها اللي مكانش مركب من أصله .

حط صبعانه داخل فمو وصفر بقوة ظهر شخص قوي البنية

الشخص : جبتي السلعة

هشام لاحلو الصاك ونطق بنبرة ثقة : المطلوب كاين تما ونتا جبتي علاش تافقنا ؟

الشخص حل الصاك جبد منو قطعة دالح&ش&يش مع موس من جيبو دوز الموس على الغلاف تحل خدا كمية صغيرة دوزها بصبعو على نيفو ورجع راسو للور منشوي

حل عيونو بعد مدة ونطق بحدة : السلعة ديما عندك ناضية وحتى فلوسك كاش ..... صفر على صاحبو جاب ليه مانيطة حلها قدام هشام ودورها ناحيتو ..... عشرة دالمليون مليون ينطح مليون

هشام طلع حاجبو قرب منو سد المانيطة وهزها بين يدو : سلم على الشاف ديالك ....... ختم كلامو وتوجه ناحية الدروج حاضي جنابو عارفة مزيان أنه خدمتو فيها الغدر وممكن في اي لحضة يا يص&فيوها ليه يا يبلغو بيه

قرب ناحية دراجتو ركب فوقها دار الكاسك حط المانيطة قدامو وكسيرا بسرعة

_________

نادية : امضرا ابنتي شنو قالت ليك خالتك فاطمة

سهام : قالت ليك هما عندهم كاين

نادية : اوى شنو المشكل

سهام : باينة غدي يكون ممخلصش

نادية : وقيلة ممكن اوى حتى نمشي نخلصو بداك الفلوس اللي عطيتيني

سهام كلست فوق السداري كترتاح : دبا بعد غدا انمشي لافاك اذن غدا اتخليني نخرج

نادية : فين عاود

سهام : نضرب دويرة مع صحاباتي

نادية : براكة من قوة الدوران راه شي نهار اتجيبيها في راسك

سهام : الخروج مفيه والو غير نتوما افكاركم قديمة

نادية : وقوليلي افكاركم قديمة

🚫 عشــــق لا قــانــونـــــي 🚫

⭐ بقلم لمياء الشادلي ⭐

     💄 البارت 8 تتمة 💄

فرانة قدام الباب نزل من دراجتو هز الكاسك وتمشى ناحية باب الدار جبد السوارت دخل سد موراه الباب تقدم ناحية الباب الداخلي حلو ودخل لقاها كالسة مربعة يديها وكتشوف فيه

هشام عقد حواجبو ونطق بإستغراب: مالك

فاطمة : هشام انسولك ومتكذبش عليا اولدي

هشام ضغط على شفايفو ونطق بملل : اك سولي

فاطمة : بلان منير مفيهش غير مسألة ختو اللي كنتي كتخرج معاها

هشام : بغيتي تقصدي مصاحب معااها بلا متزوقي في الهضرة

فاطمة : حتارمني راني مك

هشام تنهد ونطق بنبرة شبه غاضبة : دبا كملي

فاطمة : وجاوبني شنو البلان اللي خلاك تضربو وكنتي اتوصلو للموت

هشام : من التالي قولي ليا شكون كيدخل ليك هاد الافكار لراسك

فاطمة : دبا سولتك جاوبني

هشام : حتى تقولي شكون قالك هادشي

فاطمة وقفت وقربت ليه نطقت بنبرة غاضبة : سهام بنت نادية جارتنا الجديدة اللي جات في الصباح قالت لي نتا قت&ال

هشام : اذن هي اللي دخلت ليك هاد الافكار لراسك ؟

فاطمة : ودبا جاوبني اولدي قولي الحقيقة متكذبش عليا

هشام : هي اللي دارهم لاصقة علينا ؟

فاطمة نطقت على نيتها: آه شنو بغيتي بيها اولدي

هشام حرك راسو بالايجاب ورجع بخطواته للوراء حل الباب وخرج معصب تبعو بالباب ديال الدار زدحو ووقف قدام باب دارهم حط يديه عليه واستعد كيضربو بقوة . رجع اللور ونطق بصراخ : سهاااااااااااااام خرجي عندي الق&حبة

⚠️ التعاليق داخل الرد ⚠️
❌ بعد 150 جادوغ لكل بارت انكمل ليكم ❌