عشق لا قانوني

🎀 بارت 7 🎀

🚫 عشــــق لا قــانــونـــــي 🚫

⭐ بقلم لمياء الشادلي ⭐

     💄 البارت 7 💄

هشام : شنو جاية تديري هنا

سهام عقدت حواجبها ونطقت بتساؤل : نتااا ؟

هشام : نطقي خلاص اش باغة

سهام: مجيتش عندك جيت عند خالتي فاطمة

هشام خنزر فيها دور راسو ناحية الداخل ونطق بصراخ : فااااااطمة

فاطمة بصوت ضعيف : شنو اولدي

هشام : أجي شوفي هذي شنو بغات

ثواني قليلة وخرجات مرا في أواخر الأربعينات لابسة بيجامة طويلة ولاوية عليها زيف حياتي طولت الشوفة في سهام ونطقت بتساؤل: شنو بغيتي ابنتي

خطف منها نظرة أخيرة ودخل للدار مخليهم مندامجين في حوارهم

سهام : خالتي عندكم الما ؟

فاطمة : ايه ابنتي انا عاد كنت شاعلاه كنغسل الماعن

سهام : ولكن خالتي حنا عندنا مقطوع

فاطمة : شكون نتوما

سهام ضربت على راسها ونطقت مصلحة غلطها: نسيت معرفتكش براسي اخالتي انا سهام بنت نادية اللي عاد رحلنا جداد حداكم

فاطمة زينت وجهها بابتسامة خفيفة ونطقت : وكون قلتيها ليا ابنتي تبارك الله تبارك الله نادية والدة الزين

قاطعها صوت من خلفها : علاش كتكذبي عليها الوالدة في وجهها منين جاها الزين

فاطمة : هشام حشومة عليك تقول على هاد البلارة خايبة

سهام : متديش عليه اخالتي ضحكو باسل

هشام طلع حاجبو ونطق باستفزاز : كنعرفك انا باش تعرفي ضحكي واش باسل ؟

سهام وسعت عيونها من القمعة وتبعت جسدو المزين بكويرة مزيرة عليه مع سروال دجين في الاسود وكاط تبعات خيالو لاحظت انه ركب فوق دراجة نارية لبس الكاسك وكسيرا بسرعة دورت عيونها ونطقت موجههة هضرتها لفاطمة : خالتي عارفة ولدك قتال ؟

فاطمة شدات على قلبها من كلامها ونطقت بنفي : الله يا بنتي وشهادشي كتقولي فين عمرو قتل شي واحد

سهام : كندوي معاك اخالتي بصح فاش يلاه جينا شفناه هبط على واحد بمسطرة قدها قداش

فاطمة : هذاك منير هو اللي جبدو قالك على حساب ختو معرفتش شنو وقع ولكن عارفة ولدي ميظلمش وكون كان ظالمو غدي يدعيه

سهام : وخالتي بيناتهم حساب يقتلو؟

فاطمة : راه مماتش وبنتي انا كينديرلو ولفتو هكاا هو عصبي

سهام : اشمن اخالتي عصبي واش اللي فيه دودة دالاجر&ام يقولك الاعصاب

فاطمة : سيري ابنتي عند مك ردي عليها على الما والى بغيتوه أجي نعطيكم متشربو

سهام لقات عليها نظرة أخيرة وتمشات بأدراجها راجعة عند مها فهمت من كلامها انها مباغاش تدخل معاها في مواضيع ولدها وفضلت أنها تنساحب قبل ما يطوال الحوار

___________

في أحد الطرقان مكسيري بدراجتو النارية بسرعة كبيرة دور عيونو من تحت الكاسك قشعو من بعيد واقف عليها وشادها من يديها

وقف الدراجة جنب الطريق حيد الكاسك وحط رجليه على الارض . كيتمشى بخطوات موزونة ومتقونة مركز على هدفو بين عيونو

جبد التليفون اللي كيصوني طفاه رجعو لجيبو ووقف عليهم

هشام: قهوة ؟ عصير؟ شنو خاصكم باش تاخدو راحتكم اكثر

مريم دورت عيونها مصدومة إثر سماعها لنبرة صوتو حنات راسها ونطقت بعدم وعي : هشاااام ؟!

هشام : شنو كديري مع هاد الz*&&&

سيمو : حتارم راسك شكون نتا باش تهضر معايا بهاد الطريقة

هشام طلع حاجبو قرب منو ونزل عليه لراسو مما تسبب في نزيف على مستوى جبهته

مريم قربات لهشام جراتو من يدو ونطقت بترجي : هشام عفاك متديرش هكا والله مبيناتنا شي حاجة نتا عارفني كنبغيك غير نتا هو غير ولد خالتي...... جراتو من عنقو وحطات راسها على راسو ..... متهورش احبيبي عفاك غير على قبلي يلاه نمشيو من هنا

سيمو شد على راسو وهز يدو نزل عليه بكروشي : انا تسيل دمي اولد الكلبة ؟

مريم حطات يديها على فمها شاهقة من المنظر : ويلي سيمو شنو درتي

سيمو : اش درت شكون يكون هو في ملك الله حتى يضربني

هشام هز عيونو  الحمرة ونطق بغضب : هانتا اتعرف شكون انا اولد القح&بة

⚠️ التعاليق داخل الرد ⚠️
❌ بعد 150 جادوغ لكل بارت انكمل ليكم ❌