قد تظنون أنها حكاية هوس هوجاء ، قد كتبت أحداثها واعيدت آلاف المرات ولكنها حكاية مميزة حفرت على صخور البربرية وأيضا على الجدران
هي حكاية قرصان
عبر الكثير من الأراضي والمحيطات
وعندما وصل إلى ميناء الجزائر
أسرته الأميرة السمراء
ولازمته مثل منام
جم...
مسا الخير ... واش راكم مع الفطار والفوتوا الريتم ولا مزالاااااا
حلقاتنا لليوم هبطوا ... صوتوا وخلولوي ارائكم لتحت
الفائزة نتاع المرة الى فاتت هي سارا توقعاتها جاو سوا سوا مع توقعاتي
المهم خلولي توقعاتكم لتحت واي توقع يوافق افكاري رح تبنى عليه حلقات الفصل الجاي
بدانا
**********
تتمة للأحداث السابقة
في تلك الاثناء قريب ما عينين جاهيدة يخرجوا من بلاصتهم ، فاخر شيء توقعته هو انه الاميرة زفيرة المغرورة بحسبها ونسبها تخون الحاكم "سليم بن تومي" ، والى ماشي فقط يكون ابن عمها انما على حد قولها ﺃول رجل طرق ابواب قلبها وفارس ﺃحلامها ، شوفي هاذيك الوقحة الى طول عمرها رافعة نيفها الفوق ، بدأت تحس بالملل وصارت تخون في الحاكم بجلالة قدره
حاولت وصيفة نور شاه تستفسر ﺃكثر على هذا الموضوع ، بالأخص حول هوية الرجل هذا الى هز كاين زفيرة بجلالة قدرها وخلاها تطيح في عشقه وتوصل بيها المواصيل انها تخون الحاكم ،ولكن جيهان شاه سمعت حس جاي ناحية غرف المؤونة ولهذا حطت يدها على شفاف جاهيدة ، وقالت تحكي بنبرة ﺃقرب من الهمس
_امشي نتي ضرك ، بعدما نلقى دليل ادانتها غادي نبعثلك مكتوب لحتى السلطانة نور شاه تجي وتفضحها قدام الكل !
جاهيدة (بقات واقفة متسمرة في مكانها ، فالفضول كان ياكل فيها اكل لتقول بنبرة كلها رجاء ) صحا سؤال صغير برك !
جيهان شاه ( زمت شفافها وقالت بنبرة حادة ) قتلك روحي قبل لا يكشفنا كاش حد ، يلاه !
Oops! Această imagine nu respectă Ghidul de Conținut. Pentru a continua publicarea, te rugăm să înlături imaginea sau să încarci o altă imagine.
جاهيدة (زفرت بعصبية وبغضب ، يعني واش كان صرى لوكان خبرتها غير شكون هو ) حاضر ، حاضر هاني رايحة !
جيهان شاه (فتحت باب غرفة المؤونة خرجت راسها وشافت يمين وشمال ممبعد همست لجاهيدة ) اخرجي ضرك !
جاهيدة بمجرد ما مدلتها جيهان شاه الاشارة ،حطت القرمونة نتاع البرنوس على راسها وخرجت من غرفة المؤونة ومباشرة حلت الباب الثاني المطل على الزقاق الفارغ وخرجت تجري ،خشية من انه يحكمها شيء حد من سكان القصر !
