مساء الخير وصحا فطوركم تقبل الله منا ومنكم
ااااا ياوحد العوريانات .. صار هكا
منال نحبوا قصصك وينه جديدك وقت حطيت والو فص ملح وذاب
اعقلوا يا وحد العوريانات يكمل الشهر الفضيل ونبداكم
على العموم نحب نقلكم حلقات الليلة لا يعلى عليها صوتوا على الحلقات وخلولي ارائكم لتحت
****
تتمة للأحداث السابقة
ما عرفش كيفاه حتى هاذيك الكلمات خرجت من بين شفافه ، ولكنهم خرجوا و انتهى الامر ربما لانه عروج رجل صريح او ربما لانه الامور بدات تنفلت من بين اليدين شوي شوي ، فهو وبدون ما يشعر كان خايف عليها من نيران جهنم وانه تكتب في صحيفتها زانية ، بسبب صورها الى صارت ما تفارقش خياله ولكن بالرغم من محاولاته الامور خرجت عن السيطرة وفات الحال !
زفيرة ( ما فهمت حتى حاجة من هدرته .. الى كانت عبارة عن الغاز .. لترفع حاجبها الفوق متسائلة ) وش قصدك بالهدرة هاذي ، ممكن تفهمني اكثر !
عروج ( ما عرفش كيفاه خرجت الكلمات من بين شفافه ولكنها خرجت وصرى الى صرى ليزفر بعصبية ) المعاودة فالطعام يا اميرة !
زفيرة ( استفزها بزاف بهدرته هاذيك .. بحيث سكتت شوي ممبعد شافت فيه وصارت تحاول تحلل فيه ) هدرتك كلها الغاز في الغاز ، انت اصلا لغز بحد ذاتك معليش تخبرني واش الى جابك لهنا من الاساس ، يعني بصراحة ومن الاخير لاني بديت نشك انك انت ورى دخول الاسبان لقصر "عزيزة " !
عروج (انطلقت من ثغره ضحكة عالية صاخبة ثم توقف وملامح وجهه رجعت جدية ) للمرة الالف نقولها ونعاودها ،انا جيت للدزاير لحتى نسلك اهل البلاد هاذي من الاسبان ،الى راجلك شلاغمه يربط بيهم بغل ما قدرش يخرجهم بالعكس صاحبهم وصار ولي ليهم !
زفيرة ( مررت لسانها فوق شفافها .. مزاله مصمم على رايه لتقول ب استهزاء بقدراته ) ما درت والو ما غير انك زدتهم هم على هم هذا الدزيريين !
YOU ARE READING
شتاء دافئ بين أحضان قرصان / الكاتبة منال منولة
Historical Fictionقد تظنون أنها حكاية هوس هوجاء ، قد كتبت أحداثها واعيدت آلاف المرات ولكنها حكاية مميزة حفرت على صخور البربرية وأيضا على الجدران هي حكاية قرصان عبر الكثير من الأراضي والمحيطات وعندما وصل إلى ميناء الجزائر أسرته الأميرة السمراء ولازمته مثل منام جم...