قصة بالدارجة المغربية🌹تحت عنوان🌹:#مصير عاشقين🔞

💞📝 بارت 65 📝💞

وصلو لطبقة ديال سيف الدين دخلو مجموعين مشاو لصالون ياله جلسات فراح و أيتبعها أدم يجلس حداها تا كيحس براسو تجر من تيشورط من جيهة لعنق
سيف الدين عينيه حمرين: بربي تا كتقلب عليا نحو*يك ما فيهاش
طلق منو و خنزر فيه و نطق: دوز تقو*د جلس لهيه ا أدم راك عيقتي
فراح ركبها لخوف بدات كتسرط فريقها و تشوف هنا و لهيه  جلس حداها سيف الدين و شاف فيها و غمزها بتساؤل
سيف الدين: اش ديك لحالة لي درتي اشريفة لبارح
فراح بدات كتفرك فليديها و كدوي بتوتر: اشمن حالة
سيف الدين خنزر فيها: لي درتي فلقهوة
فراح سرطات ريقها عرفات إن فالموضوع: را راه معقلت ع على والو من غير ملي كنا انا وياك طالعين و طحت راه لحد الأن باقة كولي معطوبة
سيف الدين: ونتي لي فركة مكتعرفي تا تمشي
ادم كان غير كيتسنط مي تال هنا و مات بضحك : ههههههه لا سمحو ليا مي راه قال ليك صح ديما كتعكلي واخا بوعيك
فراح دلات شفايفها: ياك ا ادم عقل
سيف الدين شير مخدة حداه على أدم و خنزر فيه: تعاود ضحك عليها و لا نسمع هاد لكلمة نقتلك
أدم وسع عينيه بصدمة: مي نت لي قلتي ليها فركة
سيف الدين بغضب: نقولها ليها انا و منخليش شي حد إيقولها ليها
ادم ميق فيه: دغيا دورتوني
سيف الدين : طرومبيا نت
فراح هنا هي لي ضحكات تا تسدو ليها عينيها، بجوجهم ضارو شافو فيها و بتاسمو بلا هواهم
فراح و هي كضحك و تقبة زين بارزة: عبر عليك ياله
سيف الدين شاف فأدم بان ليه كيشوف فيها و كيبتاسم بلا مايحس وقف قدامو حاجب عليه فراح
أدم ستغرب هز راسو بان ليه عينيه حمريييين و عاقد غوباشتو و مزير على قبضة ليديه
أدم نطق فخاطرو: هاوا عوتاني بدا
أدم موجه هضرتو لسيف الدين: مالك
و على ديك مالك هبط تا ولا وجهو حدا وجه أدم و نطق من تحت سنانو
سيف الدين بصوت خافت: أدم راه بربي تا نقتلك و انا مشاعرش كنحدرك متبقاتش تشوف فيها هكاك
أدم خنزر فيه و نطق تاهوا بصوت خافت: وا عيقتي ازب*ي واخا ماعرت اشمن مرحلة ديال غيرة اتوصل متكونش كتشك فخوك
سيف الدين قرب وجهو كتر باقي على نفس لحالة و عاد ما بدا كيترعد و عروقو تنفخو: راااه خوها ملي كنشوفو كيضحك معاها كنبغي نحرقو و هو حي بقا ليك غير خويا أ أدم
أدم شاف فيه مصدوم من حالتو حيت لهضرة لي كان كيقول كيعنيها و زائد نظرة ديال خوف لي فعينيه أنه يدير شي حاجة ليه و هو ما باغيش
أدم: لا هادشي بزاااف
هنا سيف الدين بلا مايزيد كلمة ناض لبيت نعاس دخل و سد لباب بخبطة قفزاتهم و بدا كيمشي و يجي كيحاول إتهدن مقدرش كيحس براسو غير ما زاد تعصب ملي تفكر راه خلاهم بجوج برى حيد لقبية و بقا عريان من فوق بدا كيمشي و يجي بغا إتكالما و مقدرش هز لگارو شعلو و كينتر منو تفكر عوتاني راه هما بجوج برة و هو يتمشا ناحية لباب معصب مي توقف ملي بان ليه أدم داخل

فراح مافهمات والو ياله كان بيخير تا تقلب شافت فأدم و سرطات ريقها نعتات جيهة لباب و نطقات
فراح: مالو
أدم شاف فيها شحال: والو شوفي فراح هبطي لدار لتحت هاني هابط باش نشرح ليك اش وقع لبارح
فراح وقفات و دوات بصوت حنين: و الى غوت عليا
أدم قرب ليها شد ليها حناكها و شاف فيها بحنان: ماتخافيش اسيري
فراح بتاسمات ليه: واخا و شوف مالو متخليهش مقلق صافي
أدم بتاسم: حب و مايدير صافي أختي كوني هانيا
فراح تزنگات دغيا بعدات منو و خرجات مخلياه موراها حضاها تا مشات تنهد و دخل تابع سيف الدين تا كيلقاه خارج و هو عريان من فوق و اول حاجة مشات ليها عينو هي وشمة لي بسمية فراح بقا مدة كيشوف فيها عاد هز عينو شاف فيه كيبان معصب و حالتو ،قرب ليه و هو خاشي ليديه فجيب
أدم بجدية: اش واقع أ سيف الدين حالتك ما عجبانيش
سيف الدين بقا ساكت ماحس براسو تا مشا جيهة لحيط خبطو و حط راسو على لحيط و نطق بصوت عيان و باين هاز جبل فوق ظهرو
سيف الدين: ماعرفتش ماعرفتش هادشي لي كنحس بيه أ أدم خنقني
أدم تماشا تال ناحية ديالو حط ليديه على كتافو و نطق: خوي قلبك
سيف الدين شاف فيه و عينيه جغمة دم مي باين فيه  لمعة ديال خوف: خايف نتهور أ أدم و ندير شي حاجة ما باغيش راه حبها كيسلب ليا عقلي كنحس براسي أنحماق مابقيتش قادر نبعد عليها و لكن قربها كيهيجني كيخليني نتصرف بلا تفكير كرهت ديلمو حب راه ماشي مرة ماشي جوج كنفكر نقتل راه غير ملي كنشوفها كضحك مع شي حد من غيري كنبغي نتسطى كنبغيها ضحك معايا غير أنا راااه أحلام لي بنت و ختي و مابقيتش باغيها تبقى معاها بزااااف راه هدشي لي كنحس بيه بزاااف عليا راه داكشي لاش كنقول ليك تقا شري ا أدم راه تقدر تشوف فيها عادي و ضحك معاها و لكن انا منبغيهاش راه نقتلك و انا محاسش ماشي متايقش فيك لا كون مكنتش تايق فيك گعما نخليها تبات فدارك و لكن راه بدون شعور كنتصرف بعد المرات مكنكرهش تكون دايرة نقاب باش تولي حاجبة مكدوي مع حد ما تشوف حد
شد فراسو و نطق بصوت عاليي: رااااه هادشييي بزاااف أأدم راه فت مرحلة حب و عشق و هيام راااه وليت مهوووس بيها وليت خايف على راسي لا نأديها شي نهار بلا منحس راه هادشي علاش مابغيتش نخلي شي وحدة دخوول لقلبي مي هي دخلات بلا إذن بلا متشاور من شوفة لولة دخلات راه ولات نقطة ضعفي لي بغاني نموت إقيسها هي ،عمر ذيب ما كانت عندو نقطة ضعف تا ولات عندو وتخيل معايا أ أدم كانكون هايج كتر من هكا مي غير بكلمة او شوفة منها كنبرد راه راسي مابقيتش عارفو
غير ختم كلامو تم هابط مع لحيط و جلس فلأرض و راسو خاشيه شاد فيه بليديه لي حاطهم فوق ركابي
أدم بقا فيه سيف الدين بزاااف اول مرة يشوفو فهاد لحالة ضعيف عمرو شافو هكا و مكدبش ملي قال ولات نقطة ضعف ديالو حيت هاد لحالة بزاااف و بصح أدم خاف حيت شافو وصل لمرحلة ديال لهوس و لي يقدر إدخول على قبلها لحبس لي طول حياتو عمرو عتبو  تحدر لعندو و عنقو بلا سابق إنذار شكون لي قال رجال مكيحتاجوش أحضان وراه قويين لا راه اي واحد كيبغي لحنان واخا مكيبغيش إبينو مي اي واحد كيقلب على داك لحضن لي كيدفيه
بقاو هكاك مدة عاد بعدو من بعضياتهم وقفو و جلسو فوق ناموسية و جلس حداه
أدم: بصراحة انا مزاال ماوصلت لهاد لمرحلة اه بصح كنبغيها و نقدر نفديها حياتي و مكنبغيش نشوفها مع شي حد غيري مي هادشي لي وصلتي ليه نت فات بزااف مرحلة ديالي نت حاول غير تولي تشد راسك و تخدم عقلك بيما لقينا حل لهاد زواج حيت انا عارف غير تولي ساكنة معاك و قريبة ليك غادي ترتاح و تنقص من هاد تفكير حيت ديك ساعة من حقك تبغيها تفطر و تغدا و تعشا معاك و بلا متنزلو و لكن خاصك تعرف انا راه حسبها بحال أحلام وعمري شفت ولا غنشوف فيها بشي نضرة خرى اه نهار لول لي شفتها قلت الى كانت بوحدها و لا مامرتابطاش نتوكل على الله مي ربي لي شاهد غير قالت ليا أحلام راها ديالك من تماك قلبت وليت شايفها ختي و حالف تا نحميها ملي متكونش نت

يتبع....✏️
ويلي على لمسخوط بقا فيا زغبي🤧