တီ ! တီ ! ပွမ်...........!
ကားဟွန်းသံတွေဆူညံသွားတဲ့ ကားလမ်းမထက်မှာတော့ ဇက်ရဲ့ မီးခိုးရောင်နောက်ဆုံးပေါ်ကားလေးဟာ ဘာကိုမှတွန့်ဆုတ်မှုမရှိအပြေးအလွှားမောင်းနှင်နေပါတယ်။
စီယာတိုင်ကို ကိုင်ထားတဲ့ ဇက်ရဲ့လက်တွေဟာအကြောစိမ်းများတင်းထနေပြီး မီးခိုးရောင်မျက်ဝန်းများသည်လည်း သိမ်းငှက်တစ်ကောင်လိုစူးရဲကာ ကားအရှေ့လမ်းကြောင်းကိုသာမျက်တောင်တစ်ချက်မခတ်ဘဲစူးစိုက်ကြည့်နေလေ၏။ အံကြိတ်ထားသောကြောင့် မှေးကြောများက တင်းနေကာနဖူးကြောများကလည်းပေါ်လုနီးပါးအနေအထားမှာပင်ဖြစ်သည်။ဒီနေ့က ဇက်နဲ့ဒီမွန်တို့ရဲ့ ဟန်ဆောင်ချစ်သူစာချုပ် 6လပြည့်သည့်နေ့ပင်ဖြစ်သည်။ ဇက်က ကုမ္ပဏီမှာ ရှယ်ယာရှင်ဆွေးနွေးပွဲရှိတာကြောင့် မနက်စောစောထ၍ ကုမ္ပဏီကိုထွက်လာပြီး ဒီမွန်ကတော့ ညကဇက်သောင်းကျန်းခဲ့သည့်ဒဏ်တွေကြောင့်ဟိုတယ်မှာပဲအိပ်ကျန်နေခဲ့ရသည်။ ကုမ္ပဏီကိုစောစောထွက်ခဲ့ရပေမယ့် ဒီမွန်နိုးလာလျှင်စားဖို့အစားအစာနဲ့သောက်ဖို့ဆေးတွေပါပြင်ဆင်ပေးခဲ့သည်။
ဒီမွန်နိုးလောက်သည့်အချိန်လောက်မှ ဖုန်းဆက်ပြီးကုမ္ပဏီကိုလာဖို့ ပြောကာ ဒီမွန်ရောက်လာခဲ့လျှင်နေ့လည်စာအတူစားမယ်။ ပြီးရင်ဒီမွန်သွားချင်တဲ့နေရာတွေလိုက်ပို့ပေးမယ်။ တစ်နေကုန်ဒီမွန်နဲ့ပဲအချိန်ဖြုန်းဖို့စဉ်းစားထားပြီး ညကျရင်တော့ ဟိုတယ်မှာပဲ dinnerစားကာ စာချုပ်ကိုမီးရှို့ဖျက်ဆီးကြမည်ဖြစ်သည်။ မနက်မိုးလင်းတည်းကတစ်နေ့တာအစီအစဉ်များကိုတွေးပြီး သဘောတကျရှိနေခဲ့သည့် ဇက်က လွန်ခဲ့တဲ့နာရီပိုင်းလောက်က သူ့ထံပေးပို့လာသည့် message တစ်စောင်အားမမြင်ရခင်အထိပေါ့။
ဒီမွန့်အားသူ့ဆီလာလျှင်ရိုးရိပ်ကိုလာခေါ်ခိုင်းမည်ဟုဖုန်းဆက်ပြောတုန်းက ဒီမွန်ကသူ့အားစိတ်မပူဖို့နှင့် ကုမ္ပဏီအလုပ်တွေကိုအမြန်လက်စသပ်ဖို့ ပြောခဲ့လေသည်။ ကုမ္ပဏီကိုသူ့ဘာသာ taxi နဲ့လာခဲ့မည်ဟုအတင်းဂျစ်တိုက်ပြောနေတာကြောင့် ဒီမွန့်စိတ်တိုင်းကျ လက်လျော့ပေးခဲ့မိသည်။ ဒီလိုတွေသာဖြစ်လာမယ်မှန်းကြိုသိနေခဲ့လျှင် သူမနက်က meetingကိုတောင်လာဖြစ်မှာမဟုတ်ဘဲ ဒီမွန့်အနားမှာပဲအချိန်ပြည့်ရှိနေပေးခဲ့မိမှာပါပင်။
![](https://img.wattpad.com/cover/295911793-288-k618747.jpg)
YOU ARE READING
My Love Is Demon(Complete)
Romanceငါ့ရဲ့ရည်မှန်းချက်က အသက်ကြီးလာတဲ့အခါ Gay barဖွင့်ပြီးCctvထိုင်ကြည့်ရင်း ဘဝကိုရိုးရှင်းစွာဖြတ်သန်းချင်တာပဲ ! ငါ့ရဲ႕ရည္မွန္းခ်က္က အသက္ႀကီးလာတဲ့အခါ Gay barဖြင့္ၿပီးCctvထိုင္ၾကည့္ရင္း ဘဝကို႐ိုးရွင္းစြာျဖတ္သန္းခ်င္တာပဲ ! Start date - 31 Dec 2021 End date...