သဂြိုလ်စက်ကနေတစ်ငွေ့ငွေ့ထွက်လာတဲ့ မီးခိုးငွေ့များကို ဒီမွန်ငေးကြည့်ရင်း ရင်ဘတ်တစ်ခုလုံးဟာလာဟင်းလင်းဖြစ်ခဲ့လေ၏။
ဖေဖေနဲ့ကျွန်တော့်ရဲ့ရေစက်ကဒီလောက်ထိပဲပါခဲ့တယ်ဆိုပေမယ့် ဖေဖေ့အပေါ်မှာကျွန်တော်သားသမီးဝတ္တရားကျေပွန်ခဲ့တာမို့နောင်တမရပါဘူး။ဖေဖေတစ်ယောက်ငြိမ်းချမ်းရာအရပ်မှာကောင်းမွန်စွာအနားယူနိုင်ပါစေ!ဇက်စက်ခေါင်းတိုင်ကိုသတိလက်လွှတ်ငေးကြည့်နေတဲ့ဒီမွန့်ရဲ့နားနားသို့ကပ်ကာ
"ငိုချင်ရင်ငိုချလိုက်ပါလားနိုင်း စိတ်ကိုတင်းမထားနဲ့လေ"
ဇက်စကားကြောင့်ဒီမွန်ကတည်ငြိမ်စွာပြုံးပြလာသည်။
"ကျွန်တော့်မျက်ရည်တွေခမ်းသွားပြီထင်တယ်ဇက်"
ဇက်တို့ကြည့်နေတုန်း ရေဝေးအတွင်းဘက်ကနေ ဒီမွန့်အမေနဲ့အစ်မကိုလူတစ်စုကတွဲလျှက်ထွက်လာတွေ့လိုက်တော့ ဒီမွန်ကဇက်နောက်ကျောမှာဝင်ကွယ်လိုက်သည့်အခါ ဇက်ကလည်းအလိုက်သိစွာ ကာပေးခဲ့သည်။ မမြင်စေချင်လို့တောင်အဖေ့ရုပ်အလောင်းနားကိုမသွားခဲ့ဘဲ အဝေးကနေပဲလှမ်းကြည့်နေခဲ့တာ သူ့ကြောင့်မေမေနဲ့မမ ပိုစိတ်ဆင်းရဲနေမှာကိုမကြည့်ရက်ဘူး!
"နိုင်း သူတို့သွားပြီ ကိုယ်တို့လည်းသွားကြရအောင်"
ဒီမွန်ခေါင်းညိတ်ပြလိုက်တော့ ဇက်ကဒီမွန့်လက်ဖဝါးလေးကိုဆုတ်ကိုင်ကာ ကားနားဆီပြန်လျှောက်ခဲ့သည်။
"အခုကိုယ်တို့ကိစ္စတစ်ခုကိုသွားရှင်းကြရအောင်"
"ကျွန်တော်ကြောက်တယ်ဇက်"
"မကြောက်ပါနဲ့အဆင်ပြေသွားမှာပါကိုယ့်ကိုယုံနော်"
မကြာခင်အချိန်လေးမှာတော့ဇက်တို့ရဲ့ကားလေးက
ဒီမွန်နေထိုင်ခဲ့တဲ့ ခြံလေးရှေ့မှာထိုးရပ်သွားသည်။
ဇက်ကကားပေါ်ကချက်ချင်းဆင်းလိုက်သော်လည်း ဒီမွန်ကတော့ကားပေါ်ကဆင်းရမှာဝန်လေးနေမိသည်။ကြောက်တယ် မေမေနဲ့မမကိုရော ပတ်ဝန်းကျင်ကလူတွေရော သူတို့ရဲ့အကြည့်တွေကိုပါကြောက်တယ် ။ဖြစ်နိုင်ရင်အဲ့အကြည့်တွေနဲ့ထပ်ကြည့်မှာမခံချင်ဘူး!
![](https://img.wattpad.com/cover/295911793-288-k618747.jpg)
YOU ARE READING
My Love Is Demon(Complete)
Romanceငါ့ရဲ့ရည်မှန်းချက်က အသက်ကြီးလာတဲ့အခါ Gay barဖွင့်ပြီးCctvထိုင်ကြည့်ရင်း ဘဝကိုရိုးရှင်းစွာဖြတ်သန်းချင်တာပဲ ! ငါ့ရဲ႕ရည္မွန္းခ်က္က အသက္ႀကီးလာတဲ့အခါ Gay barဖြင့္ၿပီးCctvထိုင္ၾကည့္ရင္း ဘဝကို႐ိုးရွင္းစြာျဖတ္သန္းခ်င္တာပဲ ! Start date - 31 Dec 2021 End date...