Unicode
ပင်လယ်လှိုင်းသံတို့နဲ့နီးလာလေလေကားအတွင်းထဲရှိကောင်လေးနှစ်ယောက်ရဲ့အခြေအနေကလည်းပိုပြီးတိတ်ဆိတ်လာလေလေပင်။ ခဏလေးအတွင်းမှာပင်တိတ်ဆိတ်မှုကိုဖြိုကွဲလိုက်သူကထယ်ယောင်းပင်~
" ကားမှန်ဘက်ကိုကြည့်လိုက် "
ထယ်ယောင်းကမျက်လုံးဝေ့ပြကာပြောလေတော့မျက်ခုံးကျုံ့ရင်းလက်ပိုက်ကာဆူဆောင့်နေဆဲဖြစ်တဲ့ဂျောင်ကုကဘေးဘက်ကိုလှည့်ကြည့်လိုက်တယ်။
" ကမ်းခြေလေ ငါမမြင်ဖူးတာကျလို့ အထူးတဆန်းတွေဖြစ်နေလို့လား ဟမ် "
" အ.. မဟုတ်ဘူးလေ ကိုယ်ပြောချင်တာက ကောင်းကင်ကပြာလဲ့နေတာပဲလို့ "
" သူ့ဘာသာပြာတာလေ "
ဂျောင်ကုရဲ့စကားလုံးတိုင်းကဘုနဲ့ဘောက်နဲ့ပင်။ လူကြားထဲကနေဆွဲခေါ်လာခံရပြီးကားထဲအတင်းဆွဲခေါ်တာကြောင့်ရောထယ်ယောင်းရဲ့ကားနဲ့တစ်လမ်းလုံးလိုက်လာခဲ့ရတာကြောင့်ပါဂျောင်ကုတစ်ယောက်ထယ်ယောင်းအားအမြင်မကြည်ခြင်းပင်။
" ခဏလေး... ဘာလို့ဒီကားထဲဆွဲခေါ်လာရတာလဲ? ဟမ်... ငါ့မှာလည်းကားပါတယ်လေ "
" အဲ့တာက... အဟမ်း ဟမ်း... ကိုယ့်ကားကဂျောင်ကုရဲ့ကားထက်ပိုသစ်တယ်လေ။ အဲ့တော့... အဲ့တော့ "
" အဲ့တော့ ငါကမင်းကားအသစ်နဲ့လိုက်စီးပြီးဇိမ်ကျနေမယ်လို့ထင်နေတာလား "
" အင်း အင်း.. ဒါပေါ့ ဟုတ်တယ် "
ထယ်ယောင်းတစ်ယောက်ပြောဖို့စကားလမ်းရှာနေချိန်ဂျောင်ကုကလည်းထင်ရာကိုပြောချလိုက်တော့ ထယ်ယောင်းလည်းခေါင်းအတင်းငြိမ့်ပြကာရေစုန်မျောချပစ်လိုက်တယ်။
" အဲ့တော့ ငါ့ကားကကားအစုတ်လို့ပြောချင်တာပေါ့။ ငါကမင်းလိုကားအကောင်းစားမစီးနိုင်ဘူးလို့ပြောချင်တာလား "
" အင်း...အဲ မဟုတ်ဘူး..မဟုတ် "
" ကင်မ်ထယ်ယောင်း! လာစမ်း! ငါ့ကားကိုအစုတ်လို့ထင်နေတဲ့နှာဘူးကောင်! "
" အား! မ.ဟုတ်.ဘူး! "
ဂျောင်ကုတစ်ယောက် လက်ဖောင်းဖောင်းလုံးလေးတွေနဲ့ထယ်ယောင်းရဲ့ဆံပင်တွေကိုလှမ်းဆွဲလေတော့သည်။ ထယ်ယောင်းကလည်းဂျောင်ကုလက်တွေကိုပြန်ကိုင်ရင်း အတင်းရုန်းလေတော့တယ်။ အဝေးပြေးလမ်းမပေါ်မှကားလေးထဲကနေရုန်းရင်းဆန်ခတ်တွေဖြစ်ကြလျက် မန်နေဂျာဖြစ်သူဟိုဆော့မှာလည်းလေပူတွေထုတ်ချရင်းပင်ကားဆက်မောင်းလေတော့သည်။
YOU ARE READING
ONE+TWO=Winner//VK✔
Fanfiction" အရှုံးပေးထားတာမို့ဆုချသင့်တယ်နော် " " အရႈံးေပးထားတာမို႔ဆုခ်သင့္တယ္ေနာ္ " VKOOK TOP-Kim Tae Hyung Bottom- Jeon Jung Kook My OWN CREATION // Don't Copy // Both Unicode and Zawgyi ✅