"အာ့ရို့..အေးရက်ရာ...ခစ်ခစ်..."
မျက်နှာကို ရေနွေးနွေးလေးဖြင့် အသာအယာသစ်ပေးနေခိုက် ထွက်ပေါ်လာသောသားအသံလေးကြောင့်
"အေးလို့လား သားရဲ့..."
"ခစ်ခစ် အေးအေး..."
"ဟက်...သွားလေးတွေစိပါဦး သွားတိုက်ရအောင်...ကျန်းမာတဲ့သွားလေးတွေဖြစ်ဖို့ ဘာလုပ်ရမလဲ..."
"တွားတိုက်ရပါရယ်..."
"သွားမတိုက်ရင် ဘာဖြစ်မှာလဲ..."
"တောင်တောင်ယေးတေ တိုက်ယိမ့်ရယ်..."
"အာ လိမ်မာလိုက်တာ..ဒယ်ဒီ့အသဲတုံးလေးက...ရေလေးနဲ့ပလုပ်ကျင်းလိုက်ပါဦး...ဒီထဲကို သေချာလေးထွေး...."
ကုဋေ စိတ်ရှည်လက်ရှည် မျက်နှာသစ်ပေးပြီးနောက် သားကိုပါ သေချာနွေးနွေးထွေးထွေးလေးဖြစ်စေဖို့ ဝတ်ပေးလိုက်ပြီး သားအဖနှစ်ယောက် အောက်သို့ဆင်းခဲ့လိုက်သည်။
"မင်းမြတ်ကုဋေဟန်ရေ...ခုထိဆင်းမလာသေးဘူးလား..."
ဒေါ်မြခတ် ဇွန်းကြီးကိုကိုင်ရင်း အပေါ်ထပ် တက်အော်ဖို့ပြင်လိုက်ရာ လှေကားမှဆင်းလာသော သားအဖနှစ်ယောက်ကြောင့် ကိုယ်ရှိန်သပ်လိုက်သည်။
"လာပါပြီမာမီရာ...လာပါပြီဗျ..."
"တကယ်ထဲ နေရာတကာ လိုက်ပြောနေရတာပဲ...မပြောလိုက်ချင်ဘူး ..သွား ငါ့သားလေးကိုခေါ်ခဲ့...အဖေရောသားရော အချိန်ကိုဆွဲလွန်းတယ်..."
မဆီမဆိုင် ဧကလေးပါအပြောခံလိုက်ရ၍ မေရီးကို မျက်ဝန်းဝိုင်းကြီးများနှင့်လိုက်ကြည့်လိုက်သည်။
"ဟုတ်ကဲ့ မာမီ..ကိုယ်ခုပဲသွားလိုက်ပါ့မယ်..."
"ဒယ်ဒီ..."
"ဗျာ..."
"မေရီး ချိတ်ချိုးနာရား..."
"အွန်း ဒယ်ဒီနဲ့သားက သူ့သမက်လေးကိုသွားခေါ်ဖို့နောက်ကျနေလို့တဲ့..."
"ဝုတ်ရား...အာ့ချို ညန်ညန်တွားမယ်ယေ..."
"အိုကေဗျာ...."
"အိုထေဂျာ...ခစ်ခစ်..."
ထို့နောက် အသေးလုံးလေးနှင့်အသေးလုံးလေး၏ဒယ်ဒီဖြစ်သူတို့ နောက်ထပ်အသေးလုံးလေးတစ်ယောက်ဆီသို့ထွက်ခဲ့ကြသည်။
*********************
သဇင် စောစောထဘုရားပန်းလဲနေရင်း ဆရာဝန်ပြောလိုက်သည့်ကိစ္စကိုစဉ်းစားနေမိသည်။
အကြာဆုံးတစ်ပတ် အမြန်ဆုံး၃ရက်ကြာမည့်DNAရလာဒ်အတွက် သူအတကယ်ပင်စိတ်မရှည်ချင်ပေ။
ဘယ်လောက်ပဲ သိချင်သိချင် ၃ရက်လောက်အောင့်အီးပြီး သူမစောင့်ရပေဦးမည်။
Episode 24✨🍁
Start from the beginning
