🎶Boy,you got me hooked onto something..,who could say that they saw us coming?
Tell me..., do you feel that love?....
Spend the summer of a lifetime with me,let me take you to the place of your dreams..
Tell me....,do you feel that love?......🎶
ဦးညို အိပ်ယာဝင်ခါနီးကိုယ်လက်သန့်စင်ပြီးနောက် ဖုန်းလာသဖြင့်ကြည့်လိုက်ရာ ပြည်ပမှအဝင်ကောတစ်ခုဖြစ်နေသောကြောင့် အမြန်ကိုင်လိုက်သည်။"ဟယ်လို မေမေ..."
"သားလေး ...နေကောင်းလားဟင်..."
"ဟုတ်မေမေ...သားနေကောင်းပါတယ်...မေမေရော ဘယ်မှာလဲဟင်..."
"ခုမေမေက ဘန်ကောက်လေဆိပ်မှာ .. မြန်မာနိုင်ငံဘုရားဖူးခရီးစဉ်လာမလို့လေ...အစကတော့ သားလေးဆီအရင်ဝင်မယ်စိတ်ကူးထားတာ ခုက လမ်းကြောင်းပြောင်းသွားလို့..ပုဂံအရင်သွားကြမှာ အာ့ကြောင့် ဒေါက်တာNiပေးလိုက်တဲ့စာအိတ်လေးကို မေမေအရင်ပို့ပေးလိုက်တယ်နော် ...မေမေကတော့ အပြန်မှ သားလေးဆီဝင်ခဲ့မယ်...3,4လလောက်တော့ကြာမယ်ထင်တယ်..."
"ဟုတ်မေမေ ဂရုစိုက်နော်...အပြန်ကြရင် သားဆီ ကြာကြာလေးနေပါဦး...သား မေမေကိုလွမ်းနေလို့...."
"မေမေလည်း သားလေးကိုလွမ်းတယ်...လေယာဉ်ထွက်ခါနီးပြီမို့ ဒါပဲနော် သားလေးဦးညို..."
ခွန်ဝနီဒါဖုန်းကိုချလိုက်ပြီးနောက် လက်ထဲမှ ကျန်နေသေးသည့် ဖိုင်တွဲကိုကြည့်လိုက်သည်။
ဒါ ဒေါက်တာNiမှာလိုက်တဲ့ လူတစ်ယောက်ဆီပို့ပေးရမည့်ဟာပင်။
ထို့နောက် လေဆိပ်ရုံးမှတစ်ဆင့် ထိုဖိုင်တွဲအိတ်လေးကို ပို့ပေးလိုက်သည်။
ဦးညိုလေးဟာကတစ်နေရာ ထိုကောင်လေးစာအိတ်ကတစ်နေရာ နေရာမတူကြပေမယ့်
ဦးတည်ရာရည်ရွယ်ချက်ကတော့ တူသည်ဆိုတာ ဒေါက်တာမပြောလည်း ဝနီဒါသဘောပေါက်သည်။
သူမအနေနှင့်နဲ့တော့ အစစအရာရာအဆင်ပြေပါစေပဲ ဆုတောင်းပေးနိုင်လေသည်။ဦးညို မေမေလေးပို့လိုက်မည့်စာအိတ်က ဘာပါလိမ့်ဟုတွေးနေမိသည်။
ဒေါက်တာNiက သူ့ကိုဘာတွေများပြောပြချင်လို့လဲ ပြီးတော့ အဲ့စာအိတ်ကို မေမေကလည်း သူ့ဆီအရင်ပို့လိုက်တာလဲ သူတကယ်စဉ်းစားမရ။နောက်၃ရက်လောက်နေရင် ထိုစာအိတ်သူ့ဆီရောက်လာလောက်မည်။
*မဟုတ်မှလွဲရော သူကလေးလေးနှင့်ပတ်သတ်တာတစ်ခုခုများလား....*
ထိုအချက်ကိုစဉ်းစားမိခိုက် ဦးညိုသတိလက်လွှတ်ဖြင့် ဖုန်းတောင်အောက်ပြုတ်ကျသွားရသည်။
*မဖြစ်နိုင်တာ...ဒေါက်တာက အဲ့ဒါနဲ့ပတ်သတ်ရင်တော့ မပြောပြလောက်ပါဘူး....*
ဦးညို တုန်တုန်ယင်ယင်နဲ့ပဲဖုန်းကိုကောက်လိုက်ပြီး ကုတင်ပေါ်အသာလှဲလိုက်သည်။
မနက်ဖြန်မနက် ကိုကိုတို့အိမ်ကိုသွားတွေ့ရမည်ဖြစ်သောကြောင့် သူဘာမှမစဉ်းစားပဲ ဒီနေ့ညကောင်းကောင်းအိပ်ပျော်ဖို့လိုသည်လေ။
******************
4:45AM
"သားကုဋေရေ...ဒီနေ့ ဦးညိုလေးကိုအိမ်ခေါ်လာမှာမလားဟင်...မာမီ..သူကြိုက်လောက်မယ်ထင်တာလေးတွေ ဝယ်ထားတယ် ...မာမီကိုယ်တိုင်ချက်ကျွေးချင်လို့...".