𝙳𝚘𝚎𝚜 𝙰𝚗𝚢𝚘𝚗𝚎 𝙺𝚗𝚘𝚠 𝚆𝚑𝚎𝚛𝚎 𝚃𝚑𝚒𝚜 𝚁𝚘𝚊𝚍 𝙻𝚎𝚊𝚍𝚜?!
+____________+
دوای ئەوەی فەرمان بە سەربازەكان كرا بچن بۆ دارستانەكە و دارەكان ببڕن و بەشێكیان دارەكان لێكەوە ببەستن و ئامرازێکی لاكیشەیی دروست بكەن و شەش مەشخەڵ بخەنە سەری
هەموو بەردەوام بوون لە كارەكانیان بەبێ پشوودان ، پاشا لە چادرەكەی هاتە دەرەوە كاتێک فەرماندەی پاسەوانەكانی لە دواوەی وەستا بوو و ئامادە باشی وەرگت بوو بۆ هەر فەرمانێكی پاشا كاتێک ئاسمان كەمێک هەوراوی بوو و شنە با'یەكی هێواش دەهات كە نیشانەی پایزی دەردەخست
"فەرماندە سیۆک جین"
"بەڵێ خاوەنشكۆ"
فەرماندەی پاسەوانەكان جین هاتە پێشەوە و كەمێک سەری خۆی هێنا خوارەوە و چاوەڕێی فەرمانی پاشا بوو ، پاشا هەناسەیەكی قوڵی دایەوە و بەردەوام بوو لە قسەكانی
"هیچ شتێكت دۆزیەوە دەربارەی ئەوان!؟"
"ببورە خاوەنشكۆ.....تاكە زانیای كە هەبێت ئەوەیە كە ئەوان زیندوون....بەڵام شوێنەكەیان نادیارە....دوێنی كۆمەڵەی سەربازی نهێنی نامەیەكیان نارد كە تەواوی سەر سنووری گۆگۆریۆ گەڕاون لە باكوورەوە....بەڵام هیچ شتێک سوودی نەبوو"
پاشا چاوەكانی داخست و كەوتە یادی بیست و دوو ساڵ بەر لە ئێستا كاتێک هەستی دەكرد وەک ئەوە وابوو كە دوێنێ ئەوانە ڕوویاندا بێت
𝙵𝚕𝚊𝚜𝚑𝙱𝚊𝚌𝚔
>________<
"ئەوانە زۆر بچووكن"
"بێگوومان وایە...ئەوانە تازە لەدایک بوون"
پاشا سەیری هەموو گۆشەیەكی ڕووخساری منداڵە دوانەكانی دەكرد كە كەمێک بەر لە ئێستا لەدایک بوونە ، هەردووكیانی لە ئامێز بوو كاتێک كوڕەكەی لە قۆڵی چەپ بوو و كچەكەشی لە قۆڵی ڕاستی
سەری هەڵبڕی بۆ شاژنە گەنجەكەی و زەردەخەنەیەكیان بەرەو ڕووی یەكدا كرد كاتێک خزمەتكارێكی شاژن لە ژوورەوە وەستا بوو و بە خۆشەویستیەوە لە نێوانی پاشا گەنجەكە و شاژنە گەنجەكەی دەڕوانی
"سوپاس...تۆ دوو دوانەی شیرینت بۆ هێناومەتە دوونیا مەگەر من دەتوانم چیت بۆ بكەم بۆ ئەوەی شایەنی تاكە ئازارێكی بچووکی تۆ بێت"
"تەنها هیواخواز بووم كە بتوانم میراتگریێكی تەندرووستت بۆ بهێنمە سەر دوونیا....بەڵام پێم وابێت كچەكەمان بەرگەی نەگرتووە و غیرەی لە براكەی كردووە"
YOU ARE READING
گەڕانەوە بۆ كات "𝙱𝚊𝚌𝚔 𝚃𝚘 𝚃𝚒𝚖𝚎"✔︎
Fantasyئایە هیچ كاتێک بڕوات بە گەڕانەوەی كات هەبووە لەكاتێكدا كە یاسای كات بریتیە لە نە وەستان و نەگەڕانەوەی كات !؟ من بوومە ئەو كەسەی گەشتی كاتم كرد بە نەزانینی ، من گەشتمە زەمانێک كە چەند هەزار ساڵێک لە دواوەی جیهانەكەم بوو ، بەڵام وەک هیچ كەسێک هەوڵی گە...
