Worship Me, I Can Make You Rich (Myanmar Translation) U+Z (Complete)

Chapter 40 (U+Z)

ကျန်းကျွင်းကပြောတယ်: "စီနီယာ ကျွန်တော်တို့က မက်ခါဒီဇိုင်းဌာနကပါ။ ကျွန်တော်တို့ အတန်းတက်မလို့ အထဲဝင်ခွင့်ပေးပါ"

ကျောင်းအုပ်ကြီးက ကျွမ်းကျိုးကို ဒီအခန်းမှာ စာသင်ဖို့ စီစဉ်ပေးထားတယ်လို့ ကောလာဟလတွေ ကြားနေရတယ်။

မူလတန်းတောင် မတက်ရသေးတဲ့သူတစ်ယောက်က ဆရာဖြစ်နိုင်တယ်လို့ သူမယုံဘူး။ နောက်ပြီး ဆရာဆိုတာတောင် မက်ခါဒီဇိုင်းဌာနက ဆရာတဲ့။

ပိုဆိုးတာက ဒီလူက အဲဒီဆရာသခင်လေးဆိုတာကို သူမယုံဘူး။ သူ့ကိုယ်ပိုင်မျက်လုံးတွေနဲ့ အတည်ပြုရမှဖြစ်မယ်။

တိုက်ခိုက်ရေးဌာနက ကျောင်းသားက ကျန်းကျွင်းကို တစ်ချက်ကြည့်လိုက်တယ်။ မျက်လုံးတွေ တလက်လက်တောက်သွားပြီးတော့ သူ့ရဲ့ကိုယ်ပိုင်ဆက်သွယ်ရေးစက်ကို ကောက်ယူပြီး တစ်ချက်ကြည့်ကာ ပြောလိုက်တယ်: "အတန်းဖော် မင်း စောစောက ကျောင်းပေါက်ဝမှာ ကျွမ်းလောင်ရှီးကို သွားပိတ်ခဲ့တယ်မလား၊ ကျစ်.. ဖုံးထားဖို့ မကြိုးစားနဲ့။ ငါမင်းကို မှတ်မိတယ်! မင်းသွားလို့ရပြီ။ ကျွမ်းလောင်ရှီးက ပြောပြီးသွားပြီ။ မင်းတို့ကောင်တွေ သူ့အတန်းကို နားထောင်ချင်တယ်မလား။ ပြန်သွားပြီး အိပ်မက်သာ မက်နေလိုက်!"

ဒါကို ကြားတော့ ကျန်းကျွင်းရဲ့ အမူအရာက ကြည့်မကောင်းရှုမကောင်းဖြစ်သွားတယ်: "ကျွန်တော်က မက်ခါဒီဇိုင်းဌာနက ကျောင်းသားပဲ။ အတန်းအကုန်လုံးကို သင်ယူခွင့်ရှိတယ်။ ကျောင်းအုပ်ကြီးဆီကို တိုင်ကြားစာပို့မယ်!"

တိုက်ခိုက်ရေးဌာနက စီနီယာက ပခုံးတွန့်ပြလိုက်တယ်: "အဲဒါဆိုလည်း လုပ်လိုက်လေ၊ ကျောင်းအုပ်ကြီးက အဲဒီမှာပဲ ရှိလိမ့်မယ်"

စည်းကမ်းချိုးဖောက်တဲ့ကျောင်းသားကို ခေါ်ထားမလား ဒါမှမဟုတ် အကန့်အသတ်မရှိအောင် အလားအလာကောင်းတဲ့ ဆရာကို ခေါ်ထားမလား။ ကျောင်းအုပ်ကြီးက တုံးအတယ်များ ထင်နေလို့လား။

ဆန့်ကျင်ဘက်အနေနဲ့ ကျန်းကျွင်းက သူ့ကိုယ်သူ မလူးသာမလွန့်သာ အခြေအနေကို တွန်းပို့သလိုဖြစ်နေတယ်။