يا ويـل قلبـيّ من دلٌـع كامـلْ الـزيـنّ

Part 11

عبدالله : لاهي كلافه ولا هي شين بس لزوم نفرح بعيالنا .
ابتسم ذياب : كثر الله خيركم .
جا عبدالعزيز ومعاه اربع صحون عشا ونزلهم عند الرجال .
عبدالعزيز : تفضلو انا بروح اودي صحنين للحريم عندهم .
وراح عبدالعزيز وخذا معاه صحنين للحريم ، وقف عند العريش وقال : يا عمه العشا وصل .
سمعته عبير وقالت : نوف البسي عباتك وروحي هاتي الصحون .
نوف ابتسمت بداخلها : ابشري
لبست نوف عباتها وبرقعها وطلعت وشافت عبدالعزيز واقف عند العريش ومعاه صحنين عشا شايلهم .
تقدمت نوف منه باستحياء وقالت : هاته .
عبدالعزيز استغل الوضع ومد الصحون لنوف
نوف وهي تاخذ الصحون منه عبدالعزيز مسك ايد نوف ،  نوف خذت الصحون بسرعه ووخرت ايدها وقالت
نوف : عيب عيب .
عبدالعزيز : عيب ايّل ها!
نوف : ايه .
عبدالعزيز ابتسم : طيب اسمعي نوفتي .
نوف ابتسمت من سمعت دلعها وقالت : لبيـه
عبدالعزيز : حضري روحك الاسبوع الياي .
نوف باستغراب : ليه شنهو فيه؟
عبدالعزيز: انشالله اذا الله كتب لي عمر بييّ اتقدم لك .
نوف : صدق؟
عبدالعزيز ابتسم : ايه صدق مو كانك طولتي الموضع كل مره تقولين لي اجلها ؟
نوف ابتسمت باستحياء وقالت : خلاص هالمره مافيها تأجيل .
وبسرعه دخلت داخل الغرفه ، اما عبدالعزيز ضل واقف مو مصدق ان نوف واخيرا وافقت انه يخطبها وقال بهمس : اهه يا نوف وش سويتي فيني؟
وراح دخل المجلس .