يا ويـل قلبـيّ من دلٌـع كامـلْ الـزيـنّ

Part 9

الـزيـنّ : نوف روحي دخليهم  .
راحت نوف وهي بعباتها ودخلتهم وتوجهه سلطـان وابوه وجده وعبدالعزيز للمجلس
جلسوا وسلموا على ذياب وتطمنوا عليه وصب لهم عبدالعزيز القهوه وتقهووا وجلسوا يتعللون .
(عند الحريم)
بعد ما جلسوا وتقهوو وسولفوا شوي  نطقت عبير
عبير  بابتسامه : الـزيـنّ بنيتي يالله فرحيني  وبشريني بالخبر الي يسرني .. موافقه؟ .
الـزيـنّ نزلت راسها وخجلت وجداً فتكلمت بدالها الكـادي.
الكـادي  بابتسامه: موافقه الـزيـنّ موافقه .
وفجاة يببت عبير( زغرطت او هلهلت) من كثر فرحتها بالخبر الي سمعته .
عند الرجال بالمجلس كانوا قاعدين ويتعللون الا فجاة يسمعون صوت الهلاهيل من عند الحريم ، ناظر عبدالعزيز سلطـان بمعنى (شنو فيه؟) ناظره سلطـان بمعنى(ما اعرف) الا ابتسم ذياب وقال ..
ذياب : يعني الخبر الحلو وصل لام سلطـان  ، ابشرك ياشيخ خالد راح تصير نسيبي .
حس سلطـان بسعاده داخله ما تنوصف وبهذي اللحظه تحديدا ومن كثر الوناسه والسعاده ما عرف شنو يسوي يقوم يسلم على ذياب ولا يظل جالس ولا يسلم على ابوه وجده ما عرف شنو يسوي بالظبط  ، بس الي يعرفه الحين انه الحين في قمه سعادته ، حس بأنه امتلك الدنيا كلها وكأن الدنيا هي الـزيـنّ بنفسها ، واخيرا ! اخيرا الـزيـنّ صارت ملكه ، ملكه لحاله وبس  واخيرا راح تصير حرمه بيته ، بس غير ممكن ومستحيل يبين فرحته لاحد وكالعاده كان بارد جدا من الخارج ، قال خالد .
فرح خالد :  ونعم من يبشرني ، مبروك ياولدي الله يتمم لك على خير .
سلطـان بكل برود وثقل : الله يبارك فيك يبا.
عبدالله : الله يبارك لكم ويهنيكم .
سلطـان ببرود : ويبارك فيك يا جدي .