"ဒါဆို မင်းကို မင်းအဖေက အဆက်အသွယ်တွေကနေတဆင့် ခေါ်သွင်းပေးတာပေါ့"
"အိုင်း ငါ့အဖေမှာသာ ဒီလိုအဆက်အသွယ်မျိုးရှိရင် ဘယ်လောက်ကောင်းလိုက်မလဲ!"
ချိန်ကျန့်ရှန်က ချက်ချင်းဆိုသလို အနည်းငယ် စိတ်ဆိုးသွားတယ်။ တစ်ခုက အတိတ်က အရမ်းကိုသောက်ရမ်း*ထူးခြားနေခဲ့တဲ့အတွက် သူ့ကိုယ်သူ စိတ်ဆိုးမိတာ။ သူဘာဖြစ်လို့ ဒီလိုမျိုးပြောနိုင်ခဲ့ရတာလဲ။ ဒုတိယတစ်ချက်က ကျွမ်းကျိုးကိုလည်း စိတ်ဆိုးတယ်။ သူက နည်းနည်း စိတ်လှုပ်ရှားစွာနဲ့ ပြောတယ်: "မင်း... ပေါက်ကရတွေ မပြောနဲ့! ငါ့အဖေက ဗိုလ်ချုပ်ကြီးဝမ်ကိုတွေ့ဖို့ခေါ်သွားတာ..... တခြားကိစ္စအတွက်ကွ!" (T/N *ရွဲ့ပြောတဲ့သဘောပါ)
သို့ပေမဲ့ ဘာကိစ္စများရှိဦးမှာလဲ၊ လူအားလုံး နားလည်လိုက်တယ်။
ချိန်ကျန့်ရှန်က အကြောင်းပြချက်တချို့ ပေးလာတယ်။ ဘယ်သူကမှ သူ့ကိုမယုံတာကိုတွေ့တော့ နည်းနည်း သုန်မှုန်လာပြီး ကျွမ်းကျိုးကို မေးခွန်းထုတ်တော့တယ်: "ဒီအကြောင်း ဘယ်လိုလုပ်သိတာလဲ"
ကျွမ်းကျိုးက ပြောတယ်: "သေချာပေါက် ကျွန်တော်သိတာပေါ့၊ ကျွန်တော့်ကို မှတ်မိတယ်မဟုတ်ဘူးလား"
အခု ဒါက တကယ် ချိန်ကျန့်ရှန်ကို နည်းနည်း စိတ်ရှုပ်ထွေးစေတယ်။ သူက တစ်ဖက်လူကို မှတ်မိတယ်။ ဒီလူကလည်း အားလုံးကို ပွင့်ပွင့်လင်းလင်း ဝန်ခံလိုက်ပြီးပြီမဟုတ်ဘူးလား။
ကျွမ်းကျိုးက မရှက်ဘူး။ သူ့မျက်နှာထက်က နှာခေါင်းစည်းကို အောက်ထိဆွဲချလိုက်ပြီး နှာခေါင်းစည်းနောက်ကွယ်က လက်ရာမြောက်လောက်အောင် ပြီးပြည့်စုံတဲ့ မျက်နှာကို ပြသလိုက်တယ်။ သူက ချိန်ကျန့်ရှန်ကို လခြမ်းကွေးလေးကဲ့သို့ ကွေးညွတ်နေတဲ့ မျက်ခုံးတွေနဲ့အတူ ပြုံးပြလာတယ်။ အလွန်ကိုမှ တောက်ပနေပြီး ရွှင်မြူးနေဟန်ရတယ်။
သူကပြောတယ်: "ကျွန်တော့်ကို တခြားတစ်ယောက်နဲ့များ မှားနေသလား။ ကျွန်တော့်ကို အရင်က တွေ့ဖူးပါတယ်။ တတိယတပ်ဖွဲ့မှာလေ။ ခင်ဗျားအဖေ ဝမ်ရှောင်းယွင်နဲ့တွေ့ပေးဖို့ ခင်ဗျားကိုခေါ်လာတုန်းက ကျွန်တော်လည်း အစည်းအဝေးခန်းထဲမှာ ရှိတယ်။ ဒါပေမဲ့ အဲဒီတုန်းက...."
YOU ARE READING
Worship Me, I Can Make You Rich (Myanmar Translation) U+Z (Complete)
FantasyAuthor: Fly Far, 向远飞 Genre: Action, Comedy, Fantasy, Mecha, Romance, Sci-fi, Shounen Ai, Xuanhuan Status: 63 chapters + 4 extras Associated Name: 拜我,我让你发财 Raw: http://www.jjwxc.net/onebook.php?novelid=5280651 English Translator: Infinite, Link MM...
Chapter 38 (U+Z)
Start from the beginning