أبناء الأسد

البارت التاسع 🌹

صلوا على من جلس على ركبتيه يواسى طفلا مات عصفوره
ــــــــــــــــــــــــــــــــــــــــــــــــــــــــــــــــــــــ
كان سيف جالس على الاريكه و يتابع مالك بعينيه وهو يعد القهوه
"لسه مبتحبش تشرب قهوه من ايد حد غيرك"

ابتسم مالك بهدوء
"عادة بقا يا كبير بحب اعملها بنفسي مبحسش بطعمها من حد تاني" ليكمل حديثه وهو يمد الكوب لسيف ويجلس بجانبه

"احكيلي بقا ايه الي حصل معاك خلاك تقرر انك تجمع العيله"

اغمض سيف عينيه بالم واخذ نفسا طويلا اخرجه على هيئة كلام

"فى بيت عيلة السويدى كان فيه سته كبار وسبعه شباب بابا سليم راس البيت و والدتى همس وانا الابن الكبير وبعدى حسام بابا كان يتيم عشان كده معندناش قرايب من نحيته اما عيلة امي ملناش علاقه بيهم انا متجوز ماسه كانت دكتوره عندنا في المقر اعجبت بيها واتجوزنا وحسام متجوز نور كانت معايا في الفريق شافها وحبها واتجوزوا بعدنا بسنه ابنى الكبير ياسين شخصيته مغروره وعصبي بدرجة كبيره بيحسب الناس الى اقل من مستواه حشرات يقدر يدوس عليهم قائد الفريق ولقبه الفهد وابنى التانى يحيي شخصيته بارده جدا مبيهتمش بحد حتى اخواته لقبه الذئب فى الفريق، عندي بنتين رحمه الاولى دكتورة عدوانيه دايما بتبعد الناس عنها واما سألتها ليه صدمتنى وقالت امشيهم انا بدل ما يمشوا من نفسهم واتأذى، بنتي الصغيره حور خلصت السنه دى طب هي الوحيده الى كانت بتحاول تجمع العيله مع بعض بس هما خلوها تبعد عنهم واخدت جانب لوحدها بعد ما كانت مرحه وعفويه خلوها هاديه وقعده دايما لوحدها"

قطعه مالك من اكمال حديثه
"ايه...... فى ايه يا كبير انت حافظ وجاى تسمع عندى  ايه ده كله، اخوات ازاي دول كل واحد عنده شخصيه بعيده كل البعد عن التاني"

تنهد سيف بقوه وهو يكمل كلامه

"انا عارف بس استنى اما اخلص عشان تفهم كل واحد هتدخله منين"

تكلم مالك بغيظ مصطنع ليخرج سيف من حالة الحزن التى سيطرتت عليه

"ادخله منين هو انت ليه محسسنى أنى داخل علي ارض ملغمه انا كده هخلع ومش هكمل"

ابتسم سيف بخفه فهو يفهم تصرفات مالك جيدا

"لا متخفش أنت قدها هكملك حازم ابن حسام الكبير هادى جدا بس بعيد عن الكل بيحب نفسه اكتر من اى حد تاني لقبه الثعلب و نوران التانيه بتدرسه أدارة أعمال حياتها كلها خروجات  وشوبنج والنادى مع صحبتها الى  اسوء من بعض وبعدها حمزه اصغر واحد  ولد مهمل مع انه ذكى فى شغله لقبه النمر بس حياته فاسده خروجات مع صحاب السوء وسهر للصبح واما كنت اعترض كان يقول لو قصرت فى شغلى ابقى اشتكينى هو فعلا مبيقصرش بس حياته دى غلط وهتأذيه عشان كده جيتلك انت الوحيد الي تقدر تعمل اللي انا وكبار العيله معرفناش نعمله"