عشقهُ خنجر في خاصرتي

البارت الرابع عشر

_١٤_

#عشقه_خنجر_في_خاصرتي

#بقلم_أسماء_ديمير_مع_Roro_Rose

التفتت بخوف مخترعه لان فرقد مدد بصفي ونايم ..

وخرت ايده ، هذا شجابه لهنا شوكت اجه اصلا  ..

من بعدته عني جلب بيه حيل ومغمض ..

حاولت ادفع ايده بس ماكو ، تمددت بصفه ساكته ، حجه بهدوء شلونج ..

سكنت وسكتت ، مارديت ..

- حجه اني زين بوجودي يمج ..

مارديت ، همس اني اعرف شلون احجيج ، نزل ايده على فخذي دفعته ، لزم ايدي ونكتها ،

حجيت بضوجه :- فرقد وخر ..

- طلع صوتج موو، دفعني وصعد فوكي ، دفعته من صدري جلب باديه اثنين ، باديه  حجه كاافي ..

- وخر كلت ..

- صار اشهر خلص فاض صبر وياي ..

عقدت حواجبي نترت ،  وخرر كلت ..

رفع اديه ليفوك ، تقرب على وجهي يبوسني درت وجهي لعبانه نفسي .

لزم وجهي باديه اثنين وباسني كوه ، نكتت ادي احيل دفعته ..

بس هو جلب كوه ، كوه مروه رفع دشداشه حتى ماكدر ينزعها الي كثر ما دفعته وجلبت بيها .

بس يبقه رجال بالاخر شكد اكدر اقاوم واصارعه ، ماراح اكدر علي ..

ولااحد يكلي حقه ، وانتي مقصره ، لعد اني حقي وين ، حقي بالاحترام وين ، حقي لزياده امي وشوفتها وين ، ابسط حقوقي ما نطاها الي ..

ليش اني اسايره وادوس على نفسي ، بس لخاطر لحد يكول مقصره ، اي اني مقصره ، مقصره لانو اني بشر ..

مو حيوان واضغط على نفسي في سبيل ارضي ، اني هم اريد الرضى هم اريد شخص يمسد على راسي ويكلي يجرالج يابنت ناس ..

شخص من يشوف دموعي  تجري على امي ، يكلي يخسى زعل وياخذني اشوف امي بكلب طيب ..

عود اذا سوه وياي هيج ، وكسب خاطر قابل اضل اكره ، لا والله ، احنه النسوان بكلمه حلوه تنكسب كلوبنه ، بنضره عين حنينه تلين كلوبنه ...

بس رغم مايعرفون متعلقه باهلي وبجدي وبامي كلش ، رغم هذا اذوني بيها ، عادوني وكسروني ، جابوني مثل فصليه لو هديه ..

يحسسوني مفضلين عليه من صغيرهم لجبيرهم ، حتى فرقد من صبره علي ماجان حب ابد .

بس لان كادرلي ، ودليل من يوصل لدرب مسدود وياي يستعان بابو ، ويجي عمي غصب عني يفرض رايه ..

ارجع واكرر واكول مالكيت الايد الحنينه ، ولا كلمه طيبه ، ليش ام فرقد من دونهم حبيتها ، مره تخاف الله وصبرت علي واحتوتني ..