عشقهُ خنجر في خاصرتي

البارت السابع والعشرون

_٢٧_

#عشقه_خنجر_في_خاصرتي

#بقلم_أسماء_ديمير_مع_Roro_Rose

............
في قوانين الحياة...
*الصدمة ان تفعل بك شيئان اما تكسرك ...او تزيدك قوة لو عرفت كيف تتعامل معها؟؟؟؟

*الخذلان الحقيقي هو أن أدخر عمري لكِ، وأغلف قلبي لأهديه إليكِ، وأصون عواطفي من الالتفات لغيرك، لأبقى دائماً على أهبة الاستعداد لكِ وأنتظرعمركِ أن يشاركني باقي العمر وفي منتصفه اجد نفسي وحيدة!!!!

*قمة الخذلان أن أهبك الثقة فتضيعيها، أن أنشد في ظلك الأمان فتسلبني أماني وإستقراري، وتتركني هائمة على وجهي وقد فقدت ثقتي بكِ وبنفسي وبكل من حولي، فأي خذلانٍ هذا الذي ألبسني إياه، حتى صار الخذلان ملبسي ووسادتي وغطائي.
......

مرام:

كاعدة وايديه فوك راسي هاي مر الاسبوع ركض وعادل بخلاله مرتين اتصل والمرتين يعيد كلامه ..

مو راضية اصدك ولا اقنع واكول لا يتشاقى ..لااكيد ديخوفني اعرفه يحب الشقى الثكيل بس مو هيج شقى ابد ما اسامحه عليه..

اسبوع واني نوم ما شايفه لا اكل ولا نوم ولا راحه خايفة من اهلي والاكثر خايفة من عمامي امي عبالها مريضة واخواني زادو بتعذيب ضميري ..

من كاموا يسالون عني وغافر يكول لامي ناخذها طبيب حسسوني بحنية كانت مغيبة عن بالي ما حاستها بيهم اصلا همه جلدين ما يهتمون بس يمكن وفاة ابوي فعلا غيرت هواي بينا ؟؟؟

  ....واليوم هو الموعد !!
رن موبايلي شلت عيوني مخليته عالميز مرايا واخاف اجاوب ....

كمت بثقل وشلته وحجيت بترجي

-عادل بداعة عزاز كلبك لا تسوي هيج

-مرام كلامي ما اعيده والفلوس اليوم يمي !!

-والله ما عندي

-الله شالج مو تكولين ورث واملاك وذهب

-والله ما اكدر اتصرف بفلس يحسون عليه

-مو شغلي دبريها ياما دبرتي ؟؟

سكتت بخيبة وهزيت راسي فقدت اخر امل

بعادل ...صار لسبوع تمنيت لو كل هذا جذب
ويتراجع لحد اخر لحظه واتمنى كل هاي ماكو وعادل بعده ذاك الحبني من مراهقتي لهاليوم ...
جاوبته باختصار

-اي خلص راح ادبر امري

-شلون تنطيهن الي