عشقهُ خنجر في خاصرتي

البارت الرابع والاربعون

_٤٤_

#عشقه_خنجر_في_خاصرتي

#بقلم_أسماء_ديمير_مع_Roro_Rose

ايمان ...

من رجعت من بره ماترضه تحجي ، بس عصبيه ناار نار ، خالي دخل وراها يباوعلي ضايج ..

عفتهم وانسحبت ، اني شعليه ويلوموني بعيونهم ، بس ابتعدت جدي سألهم هاا شكوو شصار ..

ردت ابن الكلب اكو غيره ، عباله مراح اعرفه لو افوتها اله ..

خالي كله اشتكينه عليه بالمركز و حولنه الشكوه لدائرته الي يشتغل بيها لان هو جاي بسياره الدوام .

خليت ايدي على حلكي ، اتصنت ..

امي حجت والله حتى وضيفته اخلي يخسرها  بس صبره عليه ..

اني لعد يفوت لبيتي ويهجم سياره ذاك اليوم اخذتها ،   لا ومترهي فوكاها ، مأمن وعينه كوويه ..

عفتهم ودخلت همه اصواتهم واصله ليمي ، جدي دك على عمامه وحجه وصيح وخالي كمل عليهم ، سالفه جرت ايام ، وعمامه اجو يتوسطون .

بس امي قفلت حتى دوام ماخلتني اوصله ، صدك صار الي رادته ..

عاقبو ونزلو درجه ، وانقل من الدائره لغير دائره ، حتى سياره سحبوها منه ..

كلبي اذاني حيل مو عليه بس على صار وعلى سمعه الي طشت والحجي الي سمعته ..

الدائره كلها تحجي بي وبسوايته ، ماخلو شغله ما طلعوها علي ، ناس شامته وناس مقهوره ..

صبا دكت علي تتوسط و تحاول تصلح رديتها لا تدخلين رجاءا ماريد اخسر صحبتج اطلعي منها وفعلا انسحبت وتعذرت ..

كملت دوامي بدونه وبدون شوفته ، هدوء بس هدوء يخوف اعرفه مايسكت ولا راح يجوز ، سياره عفتها نهائي وتركتها .

ضلو اهلي يوصلوني ، فد يوم كاعده اكلب بالنت ، ومريت على صفحه شيماء ، صار هواي ماحاجيه وياها .

حلفتني امر اسلم عليها لو دقايق كتلها الله كريم يصير ..

اني بعد الي صار وبعد فشل علاقتي برعد اغلب الاصدقاء لغيت صداقتي وياهم بسببه .

تواعدت وياها بمطعم قريب  من دائره القديمه ..

وره ماطلعت للدوام كلت امر عليها ، وصلت لشارع الدائرتي القديمه يبوو هبت ريح الماضي و ، وعلت رياحه بروحي ..