عشقهُ خنجر في خاصرتي

البارت الخامس عشر

_١٥_

#عشقه_خنجر_في_خاصرتي

#بقلم_أسماء_ديمير_مع_Roro_Rose

ضليت بمكاني جامده ، عمتي ام فراس فزت ركضت علي ، تصيح :- اسم الله اسم الله يمه ..

عمتي صابرين ردت عليه :- عاب حلكك هيه هاي هم حجايه تنكال لمرتك ..

دنجت ارجف الم الكزاز و ابجي ، اطلع قهري ، عمتي تخبلت عبالها تعورت اني ذبيج حزني بيها لكيت حجه ..

ام مظهر ضلت تضحك تكله والله ردت احجيها قبلك بس سكتت ، بس انته عفيه مثل ابوك ماتعرف تجامل تنطيها بالوجه ..

اريد اشيل الكزاز بعد مابيه ، اديه ترجف لحد مادست على وحده بالغلط وكعدت ابجي بصوت ..

عمتي صارين رفعتني وبنات لمن الكزاز جواي ..

ام فرقد ردت علي تغلط :- ماتستحي ماعندك ذره خجل شلون تحجي هيج وياها ، فوك مامتلكيتك و مبتسمه بوجهك ..

مو صوجك ، صوج اني ، صوج الي يحاول يصلح حالكم. ..

وام مظهر ترد هم عوزه متتلكاه الولد حجه الي بكلبه لو تحبن الي يضحك عليجن انتن اكو وحده تسوي هيج بنفسها وهيه عد عيال ..

اني صعدت لغرفتي ابجي ، اسمع بس عمتي تطرد بام مظهر ، وعمتي صابرين شالت صينه الاكل من جدام فرقد تكله تاكل سم والله ولا اخليك تتغده .

كعدت على الدرج شبعت بجي ، خلت اديه على وجهي على موقف الي خلاني بي ..

سمعت خطواته ويحجي ويرد مالجن شغل ياهو مالتجن تدخل اني وياها شنوو كفررت ..

ردت امه دحجي عدل ولك شلون تكللها هيج ..

جااي اشااقه وياها شنو قصه هيه متتحمل ..

تكوم تبجيهاا هو هذا شقه من امداك ..

رفعت راسي شفت اديه كلها صخام عرفت مسكاره سالت ..

غميت حظي من صدك نوب هو يريد يصعد وشاف وجهي حجه هااك استلم نوب صارت بانده علي بعد بعد تحولي تمساح وفضيها ..

موتني من القهر بساعتها ..

البجي ماشفه غليله ومابرد كلبي ركضت للمغسله جلفت وجهي حيل ، اوخر المكياج ، جريت صابونه افرك بوجهي ، نوب عمتني الرغوه ..

جلفت وجهي حيل ابجي وافرك بعيني الي انعمت بسبب رغوه الصابون ..

صحت غصت الحكيني عمت عيني ضليت اشهك واصيح عيوني راحت عمه الحكيني ..

اجت عمتي تركض لزمتني تساعدني ، خلت راسي جوه الماي تكول عين الي ماصلت على نبي يبووو انحسدتوو يبووو ....

شدن شايله الخاولي واكفه بصفي ، فتحت عيوني كوه ، نوب شفتهن بالمرايه دم صارن .

نشفت وجهي على كيف كام يحركني ، مارضيت اصعد لغرفتي دخلت لغرفه عمتي ، هيه هم انقهرت علي ..