عشقهُ خنجر في خاصرتي

البارت التاسع والعشرون

_٢٩_

#عشقه_خنجر_في_خاصرتي

#بقلم_أسماء_ديمير_مع_Roro_Rose

خليت اديه على وجهي يبو يارعد.، شنو ديحطني جدام امر الواقع هذا ، ركضت كبل على جهازي احاجي ..

دكيت عليه ، ينطيني رفض ..

دزيت اله رساله رددددد اني الك ..

دكيت بسرعه فتح كبل ضحك ويكلي انطيني مجال لا تعصبين ..

نترت رعدددد  ، شسووويت شكتلك اني ..

هذا الي عندي ايمان ..

انطيني مجااال ..

احبج شسوي ..

سكتت ، نفسي انتظم ، رمشت بهدوء هااا ..

احبج والله ، قابل اخطفج تردين اخطفج ؟؟

لااا بس ليش هيج مو كتلك لا ..

مو كتلج راح احتلج وبعدين نتفاوض ..

مجنون انته والله ..

وانتي جبانه ..

اني ..

اي والله تخافين من الحب ، جربي حبي وياي جني تصرفي بدون تفكير لا تفكرين الباجر اضحكي وتونسي اليوم وباجر غلسي علي منو يكول نعيش لباجر ..

سكتت من صدك خاايفه حيل ..

حجه ادخلج بحياه غير عن حياتج والله ، اطلعج من الي انتي بي ..

امي ماراح تقبل ..

ليش  شبيه اني ..

ماتعرفك واذا عرفت مزوج وعندك جهال تتخبل علينه ..

مطلك ترى ..

الله كريم ..

انهزمي وياي ونتزوج ونرجعها اذا ماقبلت …

ضحكت ، تذكرت الي مضى ، حجيت تريدني انهزم وياك ..

الي يحب كلشي يسوي ، والله اخذج وننهزم ونزوج بالشمال ، ونرجع لعد اشلون نخليهم جدام امر الواقع ..

مخطط لكلشي رعد ..

لا ممخطط بس هذا عقل ضابط امن هيج يكون ..

تمام سيدي عود اذا ماقبلت انهزم وياك ..

وعد ..

ضحكت لاتاخذ وعد من مره ترى تخلف بي ..

هم صدك ههههه ..

سديته منه ، مبتسمه لزمت شفتي سرحانه ، فزيت على صوت جدو ايمان جدو جبت الحاجاات ..

طلعت ركض عليه حظرتهم نوب انتبهت على نفسي ، لابسه ملابس بيت ، طلعت بسرعه نفتوف بسيط وطويل ، لونه فاتح وشلت شعري شوي ،  ومشيت اقدمهن الهم ..