_٣٥_
#عشقه_خنجر_في_خاصرتي
#بقلم_أسماء_ديمير_مع_Roro_Rose
مرام:
صار ايام واني مقاطعة العالم وداخلة بحالة من الندم والخيبة ما وصلتها بيوم قبل ....
كلام نسوان عمامي يحفر بداخلي والعار الجبته لروحي راكبني ما اكدر اعيش هنا بعد !!!
صاحتني عمتي صابرين من المطبخ ..طلعت من الغرفة اسحل برجليه ما عندي اي هدف ولا غاية بحياتي ...
وصلت للمطبخ وانصدم بغدير الكاعد يمها وحاط ايده على راسه وصافن ..
اجيت ارجع لو ما هي توكفني شجابه وليش عمتي تصيحني هو اني ناقصة والله ، دا افكر افكار بس الله يعلم بيها وجزعت وكفران نفسي ورخصها عليه ..
.كوه مسيطرة عليه واحارب دواخلي بالصلاة والتزام قراءة القرأن ....
وكفت يم الباب وسلمت ورد السلام ما يحجي وياي وجهه لغير جهة ..
صابرين:تعاي اخوج محتاج مساعدتج ...كانت معصبة وتحجي بحرقة
مرام:خير؟؟ صاير شي بيكم شي غدير؟؟
-لا اني اجيت اريد منج تساعديني
-بشنو ؟؟
-محتاج فلوس
-بعيني ؟؟
صابرين :وين بعينج ولج غير تسالين ليش يريد وين يوديهن؟؟
غدير :عمه ما مسوي غلط ولا حرام
صابرين :الحرام بعينه هذا من تجمع بنات العم بعصمتك الاثنين تره حالهن حال الخوات وانت دتهجم بيوتنا..شدن شنو قصورها اريد افتهم
مرام:شنو ؟؟شبيها شدن ..
صابرين:اخوج يريد يتزوج عليها ومنو ؟؟مريم بنت عمج ابو محمد ..تخبلت تره حتى اهلها ما راح ينطوك .
غدير:هي موافقة
مرام:غدير تره والله ما يصير
غدير:هو هذا اليطلب منجن..كام وكف ضايج دفع الكرسي خلفه ..اندار عليه وحاجاني
-اريدج ترجعين للبيت هالايام يم امي مريضة وشدن ما رجعت بعد
فتحت عيني بقوة متفاجاة وعمتي لحكته من طلع لبره تريده يبطل ...
اني هم ما جذبت خبر رحت ركض لبيتهم ولكيت امي سودة عليه نايمة بالفراش وضغطها معلك فد مره متعاركة وياه قبلنا ...
اول ما شافتني صاحت بيه
-اتصلي بغسان خل يجي يلحك على اخوج خبل نفسه وراح يهجم بيته
-هي مو عافته وما تريده شنو الجديد
أنت تقرأ
عشقهُ خنجر في خاصرتي
أدب نسائيحين ينتهي الحُب , أَدرك انه لم يكن حُباً الحبّ لا بد أن يُعاش , لا أن يُتذَكر. ( القصه حقيقيه )
