ندى بصراخ و قد فتحت باب الغرفة بقوة: أنت بتخوني يا أحمد!!!!!أحمد و قد أصفر وجهه و ارتبك بشدة ، قام بإغلاق
الهاتف: ندي ايه اللى مصحيكِ دلوقتى ؟ندى : صاحية علشان أكشف خيانتك ليا و كدبك عليا
زي كل مرة ، أنا اللي غلطانة كان لازم أعرف أنه عمرك ما هتتغير.أحمد باستهزاء: متعمليش فيها الضحية ها ، أنتِ متفرقيش عنى كتير .
ندى بدهشة: أنت بتخرف بتقول ايه؟ طلقني حالا.
أحمد: طب يلا يا شاطرة .. عايز أنام.
ندى : أنت بتقول ايه, أنا بكلمك رد عليا بقولك طلقني وولو مطلقتنيش.......
قاطعها أحمد بسخرية: هااا هتعملى ايه يعني ... هتروحى لأهلك اللي زمانهم اتبروا منك أكيد بسبب الفضيحة اللى عملتيها ولا هتروحي لحبيب القلب اللي كسرتي قلبه يوم فرحكم وسبتيه و فضلتينى عليه .
صمتت وهي تنكس رأسها لأسفل، وتعض علي شفتيها بندم ف معه حق في كل كلامه .
أحمد: أظن المفروض تعقلي و تعيشى هااا تعيشي، يلا ننام.
تركت ورائه بقلة حيلة فهي من فعلت بنفسها ذلك منذ البداية!
~~~~~~~~~~~~~~~~~~~~انتهى قيس و تيا من أداء صلاة الفجر.
تيا : تقبل الله ، أخبار صداعك ايه دلوقتي؟قيس : منا و منكم، الحمد لله بقيت أحسن بكتير ....
هتنامى دلوقتي ؟تيا بخجل: اه ... ممكن أطلب منك طلب ؟
قيس : أكيد اتفضلي.
تيا : أن شاء الله بكرة عايزة أنزل أشتري شوية هدوم
و حاجات كدة.قيس بتلقائية: ليه هي هدوم ند.....ثم قطع حديثه
أنا قصدي أنه الهدوم اللي جوا كلها جديدة لو مش هتلبسيها ، نتبرع بيها أفضل.تيا : مقاس ندي مش زي مقاسي ، ف نتبرع بيهم أفضل و معرفتش أروح شقتي أجيب هدوم من هناك .
قيس بحيرة : صحيح يا تيا أنا عمري ما سألتك عن أهلك لحد دلوقتي هما فين ، مش المفروض يعرفوا أنك اتجوزتي؟
سيطر الحزن علي ملامحها : أهلي الله يرحمهم ماتوا من زمان و مكنش ليا غير ندى و أهلها.
قيس: أنا آسف جدا، الله يرحمهم ويغفر لهم
تيا : يارب .
قيس : طب ملكيش أي عم أو خال حتي .
توترت وهي تجيب: لا ...لا مليش .
نظرت له قبل أن تضيف بتردد:
قيس أنت لسة زعلان من ندي ؟نظر لها و لم يجيب بل دلف إلي غرفته و أغلق الباب وراءه.
تنهدت بحزن ف هو مازال غاضب من ندي مما يوضح
أنه مازال يحبها ، ربما لن يحب غيرها أبدا.
YOU ARE READING
قلبه لى أنا
Romanceفى يوم الزفاف تضطر تيا للزواج من قيس خطيب صديقتها ندى بعد هروب الأخيرة مع حبيبها السابق أحمد، ف تتنكر تيا لإكمال حفل الزفاف منعا للفضيحة. ماذا سيحدث بعد ذلك؟ هل تستطيع تيا جعل قيس يحبها خصوصاً عندما يعرف أنها تحبه؟ و ماذا ستفعل بعد عودة ندى مجددا و...