نظرت ندي بصدمة بالغة للشخص الواقف أمامها، استردت وعيها عندما اقترب منها وهي يقول بشوق و حزن : ندي .... أنتِ فعلا هتتجوزي وتسبينى؟لتتكلم تيا بغضب وعدم تصديق: أنت ايه يا بني ادم أنت اللي جايبك هنا ثم تتجوز ايه و تسيبك أنت ناسي أنت عملت فيها ايه زمان و دلوقتي جاي تكمل و تبوظ فرحها ، يلا امشي من هنا.
أحمد برجاء و توسل: ندي اسمعيني بالله عليكِ ، أنا اتغيرت من ساعة ما بعدتي عني وأنا تايه و ضايع محستش بقيمتك غير لما خسرتك ، أرجوكِ يا ندى ارجعي لي .
ندي ببكاء: أنت جاي متأخر كدة ليه ، النهاردة فرحي.
أحمد: أنا لما عرفت أنه النهاردة فرحك ، مقدرتش استني وجيت مقدرتش اخسرك، بالله عليكِ يا ندي تعالي معايا ، سيبك من كل حاجة و تعالي معايا أنا اتغيرت بجد .
تيا بحدة و هي تمسك بذراع ندي: ندي متسمعيش كلامه اللي زي ده مبيتغيرش صدقيني ، هيفضل زي ما هو ، ده راجع تاني علشان يدمر حياتك مش أكتر ، مش بيحبك ولا هيسعدك بلاش تخسري قيس و المستقبل علشان أحمد والماضي، فكري بعقل .
نظرت ندي لهم وهي تبكي و أحمد ممسكا بيدها يتوسلها العودة إليه و تيا تنظر لها بعدم تصديق بسبب ترددها متمنية أن لا تصدق كلام أحمد و تذهب معه مدمرة حياتها بيدها لأجل لحظة تهور طائشة.
نظرت ندي أخيرا لتيا وهي تخلع دبلتها و تعطيها إياها مع طرحة فستان الزفاف.
ندي : أنا آسفة يا تيا بس أنا لسة بحب أحمد مقدرش أبدأ حياتي مع قيس علي كدبة وأنا بحب حد غيره، أرجوكِ قولي لقيس أني آسفة أوي بس مقدرتش.تيا بصدمة: ندي .... ايه اللي أنتي بتقولي ده ..... أرجوك متدمريش حياتك بايدك تاني .
ندي: أنا مش بدمرها، أنا راحة ابنيها مع حب حياتي ، أرجوكِ تقولي لقيس أني آسفة و أنه يسامحني.ثم أمسكت بيدي أحمد و خرجا من المكان محاولين ألا يلاحظهما أحد.
وقفت تيا و بيدها خاتم الزواج واقفة بحيرة وصدمة لا تعرف ماذا تفعل أو كيف تخبر قيس بأن ندي هجرته قبل كتب كتابهم بنصف ساعة !
دلف قيس إلي المكان وهو مبتسم : ايه يا تيا واقفة كدة ليه؟
ثم نظر بقلق : و وشك أصفر ولا كأن حاصل مصيبة و بعدين فين ندي؟نظرت تيا له لا تعرف ماذا تقول حاولت التكلم عدة مرات إلا أن لسانها لم يسفعها بالكلام.
قيس بإستغراب: في إيه يا تيا ما تتكلمي، بقولك فين ندي؟
تيا ببلادة : مشيت .
قيس بصدمة : مشيت ؟؟؟ مشيت يعني ايه؟ وضحي كلامك.تيا : يعني مشيت ، سابت الفرح و مشيت قالتلي أقولك أنها آسفة وارجعلك دي. ثم مدت يدها إليه بخاتم الزواج.
أخذها منها و قد بلغت الصدمة منه مبلغا عظيما ، لم ينطق لعدة دقائق وهو ينظر لخاتم الزواج في يده ، ثم سرعان ما استجمع هدوءه و اكتسب وجهه وضعية الجمود كأن لم يحدث شئ لتنظر تيا له بدهشة علي أثر ذلك.
YOU ARE READING
قلبه لى أنا
Romanceفى يوم الزفاف تضطر تيا للزواج من قيس خطيب صديقتها ندى بعد هروب الأخيرة مع حبيبها السابق أحمد، ف تتنكر تيا لإكمال حفل الزفاف منعا للفضيحة. ماذا سيحدث بعد ذلك؟ هل تستطيع تيا جعل قيس يحبها خصوصاً عندما يعرف أنها تحبه؟ و ماذا ستفعل بعد عودة ندى مجددا و...