كانت علي وشك المغادرة عندما فجأة وجدت قيس
قد عاد إلي المنزل.
قيس بإستغراب و هو يغلق الباب وراءه: تيا، ممكن أعرف كنتِ راحة فين و ايه اللي في إيدك ده؟
تيا بتوتر: و....ولا حاجة أااانا كنت بس...
قيس بمقاطعة: أنتِ كنتِ ناوية تمشي ؟
اشاحت بوجهها عنه و هي تحاول إخفاء دموعها: بصراحة اه كنت ناوية أمشي، أنا مبقتش قادرة استحمل معاملتك ليا ، طول الوقت حاسة أني مُهمشة و كأني السبب فى كل حاجة حصلت ، و اتهامك و احتقارك ليا ده
بيجرحني ، على العموم متقلقتش مش لازم تطلقني
دلوقتي أنا هرجع أعيش في بيتي عادي ولما يجي الوقت المناسب ننفصل .
أخذ نفس عميق قبل أن يتحدث: تيا لو سمحتِ ممكن
تقعدي شوية عايز اتكلم معاكِ.
نظرت له بتردد ، ف استعطفها: من فضلك خمس دقائق بس .
تيا : تمام ماشي.
ثم ذهبا و جلسا متقابلين علي الأريكة.
صمت قليلا و قد بان علي وجهه التردد : تيا أنا مش عارف كلامي هيكون له لازمة ولا لا ، بس أنا بجد حابب أعتذر منك ، أنا آسف علي الكلام اللي قولته ليكِ ،
الموضوع كان غلطة مشتركة بيننا بس أنا رفضت أعترف بغلطي و حملتك اللوم كله ، أنا أساسا لازم أشكرك علي كل حاجة عملتيها معايا من البداية
مكنتيش مجبرة تتجوزيني علشان تحمينا و أنتِ ملكيش أي مصلحة شخصية في الموضوع وكمان اهتميتي بيا و أنا تعبان بس أنا جوايا كنت لسة مصدوم و حاسس بالاذى ف لقيت نفسي
بأذيكِ و مش قادرة أفهم نفسي ولا ابرر اللي بعمله
يمكن ده متأخر بس بجد آسف جدا و بعيدا عن الاتفاق أتمني أنك تفضلي هنا .
صمتت قليلا و قد تحول الحزن بداخلها إلي فرح
، لا تعرف كيف لكن اعتذاره أدفئ قلبها و وجدت نفسها قد نسيت تماما ما كان يضايقها منه ، رغبته ببقائها أصابتها بالسعادة و الأمل رغم أنها تعرف تحديدا ما يقصده و لكن مجددا لم تستطع منع الأمل من أن يتسلل إلي قلبها .
ابتسمت: اعتذارك مقبول ، و أنا مش همشي هفضل
هنا خلاص .
نظر لها بدهشة فلم يكن يتوقع أن تكون بهذه الطيبة
و تغفر له بسرعة ، و تذكر أن ندى لو كانت مكانها
لم تكن لتغفر له بسهولة ، ذُهل من نفسه لهذه المقارنة
و لماذا يقارن بينهما من الأساس.
أبعد عن ذهنه هذه الأفكار و نظر لها وجدها مازالت
تنظر إليه وعلي ثغرها الابتسامة الجميلة .
قيس بارتياح : شكرا لتفهمك يا تيا ، أنتِ بجد إنسانة
جميلة ، ده علشان نبقي مرتاحين أكتر و ميبقاش
فيه أي إحراج بيننا .... إيه رأيك نبقي أصحاب؟
تيا بسعادة: أكيد طبعا ، هقوم أحضر الغداء بقا .
قيس بإبتسامة: وأنا هساعدك .
STAI LEGGENDO
قلبه لى أنا
Storie d'amoreفى يوم الزفاف تضطر تيا للزواج من قيس خطيب صديقتها ندى بعد هروب الأخيرة مع حبيبها السابق أحمد، ف تتنكر تيا لإكمال حفل الزفاف منعا للفضيحة. ماذا سيحدث بعد ذلك؟ هل تستطيع تيا جعل قيس يحبها خصوصاً عندما يعرف أنها تحبه؟ و ماذا ستفعل بعد عودة ندى مجددا و...
