"သား..စာမေးပွဲဖြေနိုင်လား "
ဒီနေ့က စစ် ရဲ့ စာမေးပွဲ နောက်ဆုံးနေ့ ။ ကျောင်းကပြန်၍ ကားပေါ်တက်ကတည်း က လူကအလွန်ပေါ့ပါးသွားသည် ။အိမ်ရှေ့ရောက်သောအခါ မိုးခနေစဉ် အား နှုတ်ဆက်ကာ ကားပေါ်မှ လွှားခနဲ ခုန်ဆင်း၍ အိမ်ထဲ ပြေးဝင်လာလိုက်သည် ။
အိမ်ထဲတွင် အသင့်စောင့်နေသော အမေက စားမေးပွဲအကြောင်းလှမ်းမေးသည် ။
"အမေ..အမေသိလား.. သားတို့ သီတင်းကျွတ်ရက်ရှည် ကျောင်းပိတ်ပြီ..ဘာမှလည်းလုပ်စရာမလိုတော့ဘူး..စာလည်း လုပ်စရာမလိုတော့ဘူး..နားလည်းမပူတော့ဘူး.."
"အဲ့လောက်တောင် ပျော်နေလဲ..ကျောင်းသာထွက်လိုက်.."
စားမေးပွဲ အကြောင်း မေးသည်ကို ပြောချင်ရာပြော၍အပေါ်တက်သွားသော စစ် အား အမေ ကလှမ်းအော်သည် ။ စစ် က လှေကားထိပ်မှနေ၍..
"အမေက ထုတ်ပေးမှာကျနေတာပဲ.."
"ထုတ်ပေးမယ်..ထုတ်ပေးမယ်.. ပြီးတော့ နင့်လည်ပင်းမှာဗန်းကလေးဆွဲပေးပြီး ကားဂိတ်မှာ ကွမ်းယာ ဆေးလိပ်လိုက် ရောင်းခိုင်းမယ်..ဟုတ်ပြီလား..ဒါဖြင့် စာမေးပွဲ
ဖြေနိုင်လား "
"မဖြေနိုင်ပါဘူး..အမေရာ..ဒီ နှစ်ကျမှာ ကြိမ်းသေတယ်.."
စစ် ဒီလောက် အသည်းအသန် စာလုပ်ထားရသည်ကိုသိလျက်နှင့် ဖြေနိုင်လား ဟု လာမေးသဖြင့် စစ် လည်း တမင် မျက်နှာငယ်ကာ ပြောလိုက်သည် ။ အမေ က စစ် တမင် နောက်နေမှန်းသိ၍..
"ဒီကောင်လေး တမင်လာနောက်နေတယ်..ကဲကဲ..အဝတ်လဲ.."
"အမေ့..ဘာဟင်းချက်လဲ "
အိမ်နောက်ဖေး သို့ ဝင်သွားရန် ပြင်နေသော အမေအားစစ် မေးလိုက်သောအခါ အမေက လှည့်ကြည့်၍..
"ငါးကြင်းဆီပြန်.."
ပြောပြီးပြီးချင်း နောက်ဖေးသို့ ပြန်ဝင်သွားသော အမေ သည် လှေကားထိပ်မှ စစ် ဧ။် တဂျီဂျီအော်သံအား မကြားဟန်ဆောင်
သွားသည် ။
"မစားချင်ဘူး..ငါးဟင်းမကြိုက်ဘူး..omma. ."
စစ်က မကျေမနပ်ဖြင့် ခြေထောက်အား တမင် တဒုန်းဒုန်းဆောင့်ကာ အခန်းတွင်းသို့ ဝင် သွားသည်။ အခန်းတွင်းသို့ရောက်သောအခါ အဝတ်မလဲသေးဘဲ ကုတင်ပေါ်သို့
ဝုန်းခနဲ မြည်အောင် ခုန်တက်လိုက်သဖြင့် အောက်ထပ်ကအမေပင် လန့်သွား၍..
YOU ARE READING
Tie Up ( Completed)
Teen Fictionမင္း စိတ္ႀကိဳက္ ခ်ည္ပါ ပိုင္... #Zawgyi မင်း စိတ်ကြိုက် ချည်ပါ ပိုင်.. #Unicode Start Date -19.10.2021 End Date -19.01.2022 Cover pics from pinterest Crd to owners for pics
