(الجري نص الجدعنه😂)
النادل:شكلكم كده نصابين..أنا هندهلكم الأمن يشوف شغله معاكم ..
رؤيا بغيظ:شوفت مش قولتلك ان أحنا من الطبقه اللي مينفعش تخش الأماكن النضيفه دي ..
سام وهو محرج جدا من اللي حصله:طب هنعمل إيه دلوقتي ..
ولسه رؤيا هتتكلم لقيت النادل جه ومعاه الآمن ..فقالت للنادل
-أستني بس أنا معايا فلوس وهحاسب ..النادل مكنش مصدقها فقال :طب يلا حاسبي مستنيه إيه..
رؤيا بأرتباك :ما أنا هحاسب أهو ..حد قالك إني مش هحاسب ..ولا يعني مش هحاسب ..
لقيت أنها بتتكلم زياده عن اللزوم لم لمحت بصاتهم المتغاظه والغاضبه..فسكتت..وقربت من سام وهمست بصوت واطي جنب ودانه:بتعرف تجري
سام بصلها بصدمه وهمس:أنتي ناوي علي إيه
رؤيا:بيقولوا الجري نص الجدعان والنص التاني مش عايزاه المهم ننفد بجلدنا ..شكلهم ناويين يفسحونا
سام وهو مش فاهم معني يفسحونا في قاموس البلطجه:طب ما ده كويس ..خليهم يفسحونا..
بصتله بغيظ لكنها تمالكت اعصابها وقالت:انت فاكر نفسك في بلطيم ..دول ناووين يشقلطونا
سام بردوا مش فاهم وبصلها وهو متنح..زفرت بنفاذ صبر وهي بتدعي ربنا يصبرها علي ما بلاها وقالا:يعني بالبلدي كده ينفخونا ..يلا أستعد
وهمست بصوت واطي : ١النادل فاض بيه وقال:يلا منتظرين
رؤيا بأبتسامه خبيثه:حاضر بدور عليهم في شنطتي ..
وكملت عد :٢..٣..يلا يا عادل .
صرخت بيها وهي بتجري وسام بيجري معاها..أما النادل والأمن وقفوا متنحين للحظه يستوعبوا اللي هم عملوا . وبعدين طلعوا ييجروا وراهم عشان يلحقوهم ..
............
نزل من العربيه وهو بيتوعد في سره للي عمل كده في عربيته..وشه كان غضبان جدا ..لمح بنت واقفه في نص الطريق وحالتها متبهدله جدا ..وكانت بتقرب منه
وقفت قدامه وقالت بغضب :عاجبك اللي انت عملته فيا دهبصلها من فوق لتحت وكانت شبه نقار الخشب ..ضحك علي منظرها ..وهي أتغاظت جدا منه ..وقالت بصوت أم حسن بتاع الشاي
-وفوق أنك غلطان ومفروض تعتذر ..رايح سيادتك تضحك..بصلها بعين ونص وقال :أعتذر ..أعتذر ليكي أنتي ..
غضبت بشده وكانت هتفقد أعصابها لولا أنها عدت في سرها لحد ٥ ..وقالت من تحت أسنانها
-ومتعتذرش ليه..علي راسك نقش الحنه مثلا ..ولا يكونش الباشا أبن رئيس الوزراء ..برغم السخريه في اللي في كلامها اللي أنه قال ببرود وهو بيبص ليها ولعربيته اللي أتكسر زجاجها:
-لأ عشان أنا ما بعتذرش لحد ..وبعدين أنتي كسرتي ازاز عربيتي وعايزاني كمان اعتذر ..دا أنتي بجحه أوي..شهقت بصدمه وهي مش مصدقه أنه أتجرأ وشتمها وقالت بغيظ
-أنت قليل الأدب
يوسف:أتلمي مش معني أنك بنت اني أسكتلك..
مروه:هو أنت كده ساكت ..يا شيخ لا أتكلم ..بالله عليك تتكلم ..ما تتكلم..
BINABASA MO ANG
رواية (الوسيم والكاذبه)
Romanceروايه كامله بتتناول قصتين حب.. القصه الاولي شاب غني بيشوف بنت فقيره وبيقع ف غرامها م اللحظه الأولي ..ولما بيقرب منها بيخبي عنها حقيقته وبيفهمهاا أنه مجرد شاب فقير خوفا من أنها تبعد عنه.والقصه التانيه عن كازانوفا اللي بيبجبره أبوه ع الجواز من بنت مش...