رواية (الوسيم والكاذبه)

البارت الحادي عشر

رؤيا:طيب هتعمل إيه عشان تغير شكلك
سام:روقي وسابيلي أنا المهمه دي..انا هكرب نفسي بنفسي ..قصدي هغير نفسي بنفسي ..

وبعدين أبتسم وغمزلها بعبث وقال:بقولك إيه مش ملاحظه اننا قدام شقتك

بصت علي الشقه وبعدين بصتله بعدم فهم وقالت:وفيها إيه ..
سام بخبث:يا بت احنا قدام الشقه ..مش عارفه بردوا

رؤيا برده مكنتش فاهمه قصده وقالت:لا مش عارفه يا خفيف ..
غمز ليها زي الشباب الصايعه وقال:أنا والعسل ده في مكان واحد وشوشو تالتنا ..هيكون في إيه يعني ..عايز حته تفك الحبسه

شهقت بصدمه وقالت بعد ما فهمت قصده:عادل معقول انت تقول الكلام البيئه ده
سام باستغراب :نعم ..يعني انتي فارقه معاكي الكلام ومش فارق معاكي مثلا اني بقشطك

(ده سام انحرف خالص)

بصتله بغيظ وقالت:اسمها بتشقطني مش بقشطك ..لما تحب تقلد ..قلد صح يا شاطر ..سلام

ودخلت الشقه وجه يدخل هوب قفلت الباب في وشه ..
سام وبيبص حواليه ..وارتاح انه مش لقي حد وإلا منظره هيكون زفت قدامهم ..خبط علي الباب وقال
-رؤيا علي فكره الهوا قفل الباب في وشي..أفتحي
رؤيا من ورا الباب:لا يا خفيف انا اللي قفلته
سام:طب ليه انا نفسي في كوباية شاي من ايدك
رؤيا:روح ياااض عند أمك ..
سام :ماشي يا رؤيا يبقي افتكريها كويس ..

وبعدين ضحك ومشي ..وهي كانت طايره من السعاده ..ابتسمت وفضلت ترقص مع نفسها علي نغمة"انا قلبي دليلي " اللي في خيالها ..
.........
روح البيت وأخته كانت في انتظاره،وهي متشوقه تسمع باقي قصة الغرام

اول ما شافته في وشها جريت علية وقالت:ها يا سام وافقت ..
سام :مش تستني لما أملي معدتي الاول ..أنا علي آخري
نورهان:علي فكره بقت سوقيه اوي من ساعات ما وقعت في الحب
سام بأبتسامه:رؤيا برده بتقولي كده ..
نورهان بمكر:سيدي سيدي علي الحب والغرام...
.......
لسه هيغمض عنيه وينام سمع تليفونه بيرن ..رد بسرعه علي التليفون اول ما شاف اسم رؤيا
سام: أيوه يا رؤيا
رؤيا:فكرت هتعمل ايه في الحفله
سام:دا لسه باقي عليها اسبوع ..عايزاني أفكر من دلوقتي يا مفتريه ..
رؤيا:خلاص تمام ..بس فكر بسرعه
سام:اوكيه..

وأبتسم وهو بيقول:بتعملي إيه دلوقتي
رؤيا:ولا حاجه كنت بقرء كتاب
سام :كتاب ..وبيتكلم بقي عن إيه
رؤيا بأبتسامه ماكره:أسمه "كيف تقتلين حبيبك "

سام أبتلع ريقه بالعافيه وقال:يا ساتر ..إيه يا بنتي كل الشر ده ..هو انا مضايقك في حاجه ..

فضلت تضحك علي نبرة صوته المرعوبه بطريقه هيستريه وهي بتتخيل علامات الرعب علي وشه ..

وهو تاه في ابتسامتها ونسي انه الوقت أتأخر ولازم ينام عشان عنده بكره شغل وحاله تغم ..