رواية (الوسيم والكاذبه)

البارت الثامن

سام قبل ما يقابل رؤيا كانت حياته يقتلها الروتين العادي..كان دايما وشه مكشر وملامحه جاده جدا مع كل اللي حواليه ..لكن بعد ما عرفها وقابلها وحبها ..حياته اتبدلت تماما ..

دخل من بوابة الشركه ورايح مكتبه وكالعاده يحاوطه مساعديه من الموظفين ..وسكرتيره الخاص ومدير أعماله ..وعددا من الرجال المهمين ..بيدخل الشركه بهيبه ووقار ..والموظفين بيقفوا احترام ليه وخوف منه ...ودي العاده ..لكن اللي مش عادي انه يبتسم في وشوش موظفين الشركه وكمان يلقي عليهم السلام ..كل اللي موجودين كانوا مستغربين جدا من تحوله معاهم ..ومدير اعماله والسكرتير كانوا بيتبادلوا بينهم نظرات مصدومه ومذهوله من اللي بيحصل ..دا حتي الساعي ابتسم في وشه وقاله :صباح الخير ..بليز تجيبلي قهوتي علي المكتب ..
وبعدين غمزله بنشاط وضحكه مرحه ..وسابه ومشي،والساعي وقف متنح ومصدوم في مكانه ..
وقرب من احد الموظفين اللي كان مصدوم هو التاني وقال وهو لسه مستوعب اللي حصل
-هو اللي دخل ده سام بيه ولا أنا كبرت وبيتهيألي ..
الموظف بصدمه:مش عارف🙄🙄🙄
............
-أنت متأكد أنها تساوي الإيجار ده ..

صاحب البيت بصلها بثقه وقال :طبعا ..صاحب العماره صاحبي ولما حكيتله عن ظروفك قرر يخدمني وينزل إيجارها في حدود اللي تقدري تدفعيه ..أصله راجل بتاع ربنا وبيحب يعمل الخير كتير.

رؤيا وهي مش قادره تصدق كلامه:بس أنا ليه حاسه أن في أنّه في الموضوع..

صاحب البيت بأرتباك:ولا أنّه ولا حاجه انتِ بس اللي بتفكري كتير ..دي فرصة العمر مش محتاجه تتوتري كده..وبعدين طلع من جيبه مفتاح الشقه وقال
-أمسكي ده مفتاح الشقه..مبروك عليكي ..وأتمني متكونيش زعلانه مني علي اللي عملته معاكي ..يلا أسيبك بقي عشان تتفرجي علي الشقه براحتك ..

ومشي وسابها ..وهي فضلت واقفه مكانها وهي مش مستوعبه اللي حصل ..لكنها في نفس الوقت فرحت من قلبها..واخيرا هتسكن في مكان نضيف وكويس زي البشر..
تأملت الشقه اللي كانت مجرد حلم بالنسبه لها صعب يتحقق ..شقه واسعه وأنيقه وأثاثها يدل علي الفخامه والرقي ..وأول شخص جي علي بالها تكلمه عشان تفرحه بالخبر هو عادل ..وبسرعه طلعت موبايلها المحمول من شنطتها وكلمته
سام بأبتسامه:أخبارك إيه؟؟
رؤيا بسعاده:أنا فرحانه ..فرحانه جدا ..

قلبه كان طاير من الفرحه وهو بيسمع صوتها اللي بيدل علي مدي فرحتها وقال بصدق:يارب دايما تكوني مبسوطه..بس خير فرحيني معاكي ..
رؤيا:تعالي علي العنوان(____)..وأنت تعرف ..

سام بص لساعة الرولكس في إيه وقال:دلوقتي ..بس أنا

قاطعته بترجي:عشان خاطري يا عادل ..انا مبسوطه جدا وعايزاك تشاركني فرحتي ..

قال بحب:حاضر ..دقايق وتلاقيني واقف قدامك ..

بعد ما خلص المكالمه..بص لمدير اعماله اللي كان واقف منتظره عشان يمضي بعض الملفات ..ومديره قال
-سام بيه .. بالنسبه للصفقه اللي عقدناها مع شركة "بي أس الإيطاليه"..هم قرأوا العقود وموافقين علي كل الشروط اللي فيه ..باقي بس سفر حضرتك عندهم عشان نوثق الصفقه ..