Worship Me, I Can Make You Rich (Myanmar Translation) U+Z (Complete)

Chapter 24 (U+Z)

ကယ်လုအန်းက အပြုံးတစ်ပွင့်နဲ့ ပြောတယ်: "သူက အင်မတန်အထင်ကြီးစရာကောင်းပြီး အလွန်ငယ်ရွယ်တဲ့ တီထွင်သူတစ်ယောက်ဆိုတာပဲ ငါပြောနိုင်တယ်၊ သူသာဒီမှာရှိရင် နောက်နှစ်နှစ်အတွင်းမှာ ကြယ်စုကမက်ခါတွေမှာ ကြီးမားတဲ့အပြောင်းအလဲကြီးတစ်ခု လုံးဝဖြစ်နိုင်ခြေရှိတယ်"

ဒါက ကယ်လုအန်းရဲ့ ကြေညာချက်မပါဘဲတောင် လူတိုင်းသိနိုင်တဲ့အရာတစ်ခုပဲ။

အတိတ်က လူကိုယ်တိုင်ထိန်းချုပ်ရတဲ့ မက်ခါတွေရဲ့ အားနည်းချက်တွေအပေါ် ကြီးမားတဲ့တိုးတက်မှုကြီးတစ်ခုဖြစ်တဲ့ စိတ်စွမ်းအားနဲ့ မောင်းနှင်နိုင်တဲ့ စူပါ AI မက်ခါတွေနဲ့ဆိုရင် ဘယ်သူက လူကိုယ်တိုင်ထိန်းချုပ်ရတဲ့ မက်ခါတွေကို ဝယ်ချင်ဦးမှာလဲ။

"ဆရာကြီးကယ်လုအန်း ကျေးဇူးပြုပြီး၊ ဒီဆရာကြီးက ဘယ်မှာလဲဆိုတာ ကျွန်တော်တို့ကို မပြောပြဘူးဆိုရင် အနည်းဆုံးတော့ သူ့နာမည်ကိုတော့ ပြောပြပေးပါ"

နာမည်နဲ့သာဆိုရင် အင်အားတောင့်တဲ့မိသားစုကသူတွေက သဲလွန်စတစ်ခုခုတော့ စုံစမ်းနိုင်မှာပဲ။

ကယ်လုအန်းကဆိုတယ်: "ငါမပြောနိုင်ဘူး၊ မင်းတို့တွေသိထားစရာလိုတာက သူက အသက်ငယ်တယ်ဆိုတာရယ်၊ သူက အင်မတန်အထင်ကြီးစရာကောင်းတဲ့ ဆရာလေးတစ်ယောက်ဆိုတာရယ်ပဲ"

"ဆရာလေး..."

ချက်ချင်းဆိုသလို အင်အားတောင့်တဲ့မိသားစုကလူတွေက သူတို့ရဲ့မိသားစုတွေကို ဒီသတင်းကို ပြောပြပြီး ကယ်လုအန်း စွန့်ပစ်ခံဂြိုလ်ကို ဘယ်တုန်းကလာလဲ၊ လမ်းမှာ ဘယ်သူတွေနဲ့ ဆက်သွယ်လဲ၊ တစ်ယောက်ယောက်ကများ 'ဆရာလေး' ဆိုတဲ့ အချက်နဲ့ ကိုက်ညီလားဆိုတာကို စုံစမ်းခိုင်းတော့တယ်။

သို့ပေမဲ့ တစ်လလောက်ရှာဖွေပြီးတာတောင် မိသားစုကြီးတွေအကုန်လုံး လက်ဗလာနဲ့ပဲ ပြန်လာရတယ်။ ဒါ့အပြင် #2 နဲ့ #3 အကြောင်း လူတွေ ပိုပိုပြီးသိလာကြတယ်။ ဒီ 'ဆရာလေး' ကလည်း ပိုပိုပြီး ဆန်းကြယ်လာတယ်။

အခုတလော ကျွမ်းကျိုးဟာ အလွန်အလုပ်များနေတယ်။ လူတစ်စုက သူ့အကြောင်း တိတ်တဆိတ် စုံစမ်းနေတယ်ဆိုတာ သူလုံးဝမသိဘူး။