Weigh Your Worth (Published Under GP)

Epilogue

"You did a great job, Miss Hadassah. Sigurado akong kikita na naman ito nang malaki sa market," Miss Pat, one of Ate Samantha's staffs, uttered sweetly at me.

Tumalon ang aking puso sa kaniyang papuri. Wala akong ibang nasabi kung 'di ang salamat at pareho naming sinuri ang mga larawan kong kinuha kani-kanina lang.

I am one of Ate Sam's models in her clothing boutique. Ang kagandahan kasi rito ay hindi lamang sexy na mga babae ang kinukuhang modelo kung 'di pati na rin ang mga kagaya naming plus-sized women at iba pang kababaihan na mayroong kaniya-kaniyang munti at kakaibang katangian.

"Your confidence makes you even more beautiful, Ma'am! No wonder kaya sobrang bumebenta ang mga damit na mino-model mo kasi kahit sinong makakakita rito sa picture mo, ma-fe-feel 'yong positivity at self-love!" She giggled.

Nagawa pa nitong hampasin ang aking braso na animo'y close na close kaming dalawa. Mabuti na nga lamang ay nagawa kong iwasan agad iyon. Hindi rin naman nagtagal ay tinawag na ni Ate Samantha ang lahat ng mga tauhan upang ipunin sa isang tabi ng studio.

She, then, began her heartwarming speech to each of us for the successful pictorial. Akala kasi namin ay hindi ito matutuloy dahil ang ilan sa mga kinuhang model ni Ate ay muntikan nang magsipag-backout nang malaman na swimwear ang isusuot namin.

But with the help of encouraging words from the whole staff, mabilis iyong napagtagumpayan.

"Kailan nga natin ilalabas ang mga ito?" tanong ni Ate sa isa niyang staff.

"Ay by next week po Ma'am, puwede na. Or much better kung mas maaga, kaya naman po namin iyon. . ."

Ate Sam crossed her arms and showed a satisfactory smile. "Excellent, then."

Pagkatapos nilang mag-usap-usap ay ako naman ang nilingon ni Ate. She just commended me and reminded some things also. Pagkatapos nga no'n ay ang ilang modelo naman ang kaniyang nilapitan at kinausap.

"Thank you so much, Miss Sam. Dahil po sa pictorial na 'to, tumaas po ang confidence ko. I felt like this was the first time I appreciated my body," Calina shyly muttered.

"Ako rin po, Miss Sam. Sobrang laking tulong po nito sa mga kagaya kong madalas na ma-body shame. . ." segunda pa ng isa na mababakas ang lungko sa kaniyang tinig.

Unti-unting sumilay ang mapait na ngiti sa aking labi habang pinakikinggan sila. Hindi maiwasang manumbalik ang lahat ng mga alaala noong mga panahong nasa ganoong katayuan pa lamang ako. Panahong pilit na binabago ang sarili para sa iba. Panahong hinihiling na sana ay ibang tao na lamang ako, nagbabaka-sakaling hindi na makakatanggap ng pangungutya pa.

I tremendously spent my whole life feeling so insecure with my body size. With all my tummy rolls and chafing thighs, I thought that there's something that needs to be fixed in me. I tend to question my worth and expect everyone's validation.

Noong umalis kami ng siyudad at tumungo sa probinsya, wala akong ibang dala at pinanghahawakan kung 'di ang panibagong pag-asa para sa sarili ko. Dahil noong mga sandaling iyon ay durog na durog ako at ni hindi ko makayang tingnan o makita ang katawan ko sa harap ng salamin.

Akala ko noon ay mahirap kapag nawalan ka ng kaibigan o ng kahit na sinong taong mahalaga sa iyo. . . pero wala na palang mas hihirap pa kapag ikaw na mismo ang nawala at bumitaw sa sarili mo.

Kaya isang malaking tamang desisyon lamang para sa akin ang paglayo kasi dahil doon ay marami akong bagay na napagtanto. Sa tulong na rin ng aking pamilya at bagong kakilala.

"I'm sorry for all the harsh words I told you. I've been an ass to you but I promise that I already reflected and learned about my mistakes. Sorry, Hadassah. . . sana bigyan mo ng chance para makabawi sa 'yo si Ate," wika ni Ate sa pagitan ng kaniyang malalakas na paghikbi.