Falling Into The Depth

Kabanata 16

"Lieutenant, tama na 'yan. Ano bang nangyari ha?" Inis ko namang inalis ang kamay niya sa braso ko at muling ininom ng diretso ang alak na hawak ko.

Narinig ko naman itong bumuntong hininga at nakita ko rin sa peripheral vision ko ang pag-iling niya. Tumawa ako na parang baliw at maya-maya at pabagsak kong binagsak ang ulo ko sa bar counter.

"Ouch," tinatamad kong daing.

"Tangina? Bobo ka ba?" rinig kong sabi niya.

"'Wag mo 'kong mabobo-bobo dyan kundi sasamain ka sa 'kin," sabi ko habang nakapatong ang ulo ko sa bar counter.

Nakangiti kong kinumpas ang isa kong kamay habang nakahiga pa rin ang ulo ko sa counter. Mukha na akong tanga pero wala na akong pake. Alam ko ring wala na ako sa sarili dahil naparami na ako ng alak. Pero nanatili pa rin akong alerto dahil baka may mangyari gulo. Although, Reyes is here. Mabuti na rin 'yung nagiingat.

"Pare, bigyan mo nga ako ng jack daniels. Dali, naiinip na ako rito. Tangina kasi ng babaing 'to. Nag-aaya maglasing tapos hindi man lang ako alukin ng alak. Tangina'ng 'yan," sabi nito.

Hindi ko na lang siya pinansin at nagpatuloy lang sa pagkumpas ng kamay ko habang sinasabayan ang malakas na tugtog. I don't know where we are. Basta ang alam ko ay nasa bar ako. Bakit ba naman kasi si Reyes pa ang inaya ko. Imbis na nakapagrelax ako, mas lalo lang akong nagugulo dahil sa matabil niyang bunganga.

Natigil ako sa pagkumpas ng kamay ko nang muli ko na namang naramdamang nagvibrate ang cellphone ko sa bulsa. Bumuntong hininga ako at kinapa ito habang hindi pa rin inaalis ang mukha ko sa counter.

Napapikit pa ako nang masilaw ako sa brightness nito. Inis kong pinatay ang tawag nang makita ko na naman ang pangalan niya. Tangina, kanina pa siya ah. Ano bang kailangan no'n? Naka singkwenta na ata 'yong tawag sa 'kin at dahil sa inis ko, I turned off my phone and bring it back to my pocket.

"Oh, bakit hindi mo sinagot ang tawag ni Gauge? Magkaaway kayo? Kaya ba naglalasing ka? Malala na 'yan, hindi pa nga kayo tapos daig niyo pa ang magasawa kung mag-away." Inis naman akong napaangat ng ulo at sinamaan siya ng tingin.

Mariin pa akong napapikit nang mahilo ako sa biglaang paggalaw ko. Narinig ko naman itong napahagalpak sa tawa kaya malakas ko siyang sinapok sa ulo. Natigil naman ito sa pagtawa at nakanguso ako nitong tiningnan.

"Itikom mo nga 'yang mabaho mong bunganga. Fyi, hindi siya ang dahilan kung bakit ako naglalasing ngayon. Hindi ko lang sinagot ang tawag niya dahil sa 'yo pa nga lang ay halos magka uban na 'ko sa konsumisyon, ano pa kaya kung dalawa na kayo?"

"Grabe, hindi naman mabaho ang bunganga ko ah..."

I gritted my teeth in annoyance. Seriously? 'Yon lang talaga ang naintindihan niya sa pagkahaba-habang sinabi ko? Tangina... wala talaga siyang kwentang kausap.

"Hoy sa'n ka pupunta?" tanong niya.

Nilingon ko muna siya at saka inikutan ng mata. "Kung saan malayo sa mabaho mong bunganga. D'yan ka lang! Kapag umalis ka, mata mo lang ang walang latay!" sigaw ko at muling naglakad at nakipagsiksikan sa mga nagsasayawan.

Nagtatalon ako at binaliwala ko ang mga dumadaing na tao kapag nababangga o naaapakan ko sila. Tinaas ko sa ere ang dalawang kamay ko at nagpaikot-ikot sa dance floor. Tinanggal ko ang tali ko sa buhok at ginulo ito while I continue to sway my hips.

Muling nagbago ang music kaya tumigil ako sa sway ng hips ko. Napangisi ako nang marinig ko ang pamilyar na beat. Pati ang mga tao sa dance floor ay naging energetic. Many tried to talk and dance with me but I just refused them. Marami nga ang hindi naniwala na pulis ako. Pero ano bang pake ko kung hindi sila maniwala. Eh sa ayaw kong ako ang kumamot sa makati nilang longganisa.