[Unicode]
"ဒါဆိုလည်း ကောင်းပြီလေ" ရန်ကျန့်ကျန်း ခဏလောက်တွေးလိုက်ပြီး ပြောလာသည်။ "မင်းမင်္ဂလာပွဲသတင်းကို လူသိရှင်ကြားကြေညာလိုက်ရင် Followerတွေ မဆုံးရှုံးရုံသာမက ပရိသတ်တွေတောင် တိုးလာလိမ့်မယ်ထင်တယ်။"
ပထမအချက် ရှောက်ယန်ရှီးသည် လူသိများပြီး ချမ်းသာကြွယ်ဝသော နာမည်ကြီးပုဂ္ဂိုလ်တစ်ဦးဖြစ်သည်။
ဒုတိယအချက်မှာ ရှောက်ယန်ရှီးသည် မသမာသည့် စီးပွားရေးနည်းဗျူဟာများ သို့မဟုတ် လှည့်ကွက်များကြောင့် လူသိများနေခြင်းမဟုတ်ဘဲ ရောဂါများကိုကုသပေးပြီး လူသားများ၏အသက်ကို ကယ်တင်ပေးနေသည့် လုပ်ငန်းများကြောင့် ဖြစ်သည်။
သူ့နာမည်အောက်တွင် ဆေးရုံများ၊ ဆေးဝါးစက်ရုံများနှင့် ဆေးပစ္စည်းဆိုင်ရာကုမ္ပဏီများလည်း ရှိကြသည်။ အားလုံးသည် ရောဂါများကိုကုသပေးရန်နှင့် လူ့အသက် ကယ်ဆယ်ပေးရန်ဖြစ်သည်။
ထို့ကြောင့် ရှောက်ယန်ရှီးသည် လူသိများရုံသာမက လူအများကြားတွင်လည်း ရေပန်းစားသည်။
တစ်ယောက်ယောက်က ရှောက်ယန်ရှီးကို မဝေဖန်နိုင်ခင် ရှောက်ယန်ရှီး Fansများ၏ မောင်းထုတ်ခြင်းကို ခံရလိမ့်မည်ဖြစ်သည်။
"ကျွန်တော်လည်း အဲ့လိုပဲထင်ပါတယ်" ရန်ကျန့်ကျန်း၏စကားကို ကြားသောအခါ လျှိုယွီအန်း အပြုံးလေးနှင့် ပြန်ပြောလိုက်သည်။
တကယ်တော့ လူသိရှင်ကြားကြေညာချင်သည်ဟု သူပြောလိုက်တုန်းက ဒီလောက်ရှည်ရှည်ဝေးဝေး သူ မတွေးခဲ့မိပေ။ ဒီလိုလုပ်လိုက်ရင် ရှောက်ယန်ရှီး ပျော်သွားလိမ့်မည်ဟုသာ တွေးခဲ့ခြင်းဖြစ်သည်။
ဒီကမ္ဘာသို့ မကူးပြောင်းလာခင်ကတည်းက 'အဆုံးမဲ့ည' ဝတ္ထုဇာတ်ကြောင်းကို သူအကျွမ်းဝင်နေပြီးသားဖြစ်ပေမယ့်လည်း လိုရမယ်ရ သူပြန်ဖတ်ထားတာကောင်းလိမ့်မည်။ ထို့ကြောင့် လျှိုယွီအန်းသည် ဇာတ်ညွှန်းကိုပြန်ဖတ်ရန် ဆုံးဖြတ်လိုက်သည်။
'အဆုံးမဲ့ည'သည် စာလုံးရေ ၉သန်းခန့် ပါဝင်သော ဝတ္ထုရှည်တစ်ပုဒ်ဖြစ်သည်။ ၎င်းကို 'လူလောက'၊ 'မသေမျိုးလောက' နှင့် 'နတ်ဘုရားလောက' ဟူ၍ သုံးပိုင်းခွဲခြားထားသည်။ အခု သူတို့ရိုက်မည့်အပိုင်းက 'လူလောက'အကြောင်းဖြစ်သည်။
YOU ARE READING
ဝိညာဥ်ကူးပြောင်းလာပြီးနောက် ဗီလိန်ကိုငိုအောင်လုပ်ခဲ့တယ် (မြန်မာဘာသာပြန်)
RomanceI've got permission to translate from English Translator! You can read English version here: https://travistranslations.com/novel/20024/after-transmigrating-i-made-the-antagonist-cry/#toc Title: After Transmigrating I Made The Antagonist Cry English...
