Tame That Beast (Serie De Amor #1)

Chapter 11

Kabanata 11

Sure

Naalimpungatan ako kinabukasan nang maramdaman ang sakit ng ulo. Bumangon ako mula sa kama ko saka pumunta sa banyo ng kwarto ko.

Pagkatapos ay bumalik rin ako kaagad sa pagkakahiga sa kama ko habang hawak-hawak ang ulo.

I can't even remember what happened last night. Kung paano ako nakauwi. Sino ang kumuha sa akin. Nag-taxi ba ako o ano. Anong oras ba akong nakauwi at paano kasi.

Bahagya akong umupo saka isinandal ang likod sa headboard ng kama. Kinuha ko ang cellphone ko at hinanap kaagad ang number ni Marya. Siya nalang ang tatanungin ko.

Medyo matagal bago nya nasagot ang tawag.

"Hello? Marya!" kaagad kong sabi.

"Lancy! Ano ba? Ang aga-aga ay naninigaw ka!" aniya.

Suminghap ako bago nagsalita, "Okay, sorry! I just want to ask kung paano ako nakauwi kagabi."

Darn! I sound so crazy right now! Buhay ko 'to pero iba ang tinatanong ko. Of course! Hindi ko nga maalala kung paano ako nakauwi eh! Kailangan kong magtanong baka ano ang nagawa ko kagabi.

"Seriously, Lancy?" aniya at narinig ko ang pagtawa nya mula sa kabilang linya.

"Marya!" frustrated kong ani.

"Haha! Sorry. Natawa lang ako sa'yo. Anyway, si Jared ang naghatid sa'yo."

Nagpabalik-balik sa isipan ko ang sinabi nya. Si Jared... Jared... Jared... SI JARED ANG NAGHATID SA AKIN?! DARN!

Napalunok ako bago nagsalita.

"M-May g-ginawa ba akong kabaliwan?" tanong ko. Kinakabahan sa isasagot nya.

Sana naman wala! Sana ay normal na sundo lang ang nangyari. Sana wala akong nagawang kahihiyan.

"Uh... wala namang sinabi si Jared. Basta nung tinanong namin sya nang bumalik sya sa bar para kunin ang mga regalo namin sa'yo at ang purse mo ay sinabi nya lang na naihatid ka na raw nya."

Napahinga ako nang malalim dahil sa sagot nya.

Pagkatapos kong makipag-usap ay nagpaalam din ako kaagad kasi may kumakatok sa pinto kaya kailangan ko pang buksan 'yun dahil naka-lock.

Nang buksan ko ang pinto ay bumungad sa akin si tatay Jun na may dala-dalang tray ng pagkain.

"Good morning, po." ani ko.

Nginitian nya ako saka inilahad iyong tray, "Kumain ka muna, anak saka itong gamot sa gilid ay para sa hangover mo. Medyo madami yata ang nainom mo kagabi." aniya.

Tinanggap ko ang pagkain saka inilapag sa ibabaw ng mini cabinet ko.

"Si Jared po ba talaga ang naghatid sa akin dito?" tanong ko.

Umupo sya sa sofa ng kwarto ko bago tumango.

"Eh... wala po ba akong ginawa kagabi? Wala po bang nangyari?" kinakabahan na naman ako.

Ayokong makuntento sa sinabi ni Marya kasi alam kong hindi iyong ang kabuoan ng detalye sa mga nangyari kagabi kaya kailangan kong magtanong sa iba pa para makasiguro.