Pay Attention To Me [Myanmar Translation]

Chapter - 43

သူတို့ရဲ့ ကြည်နူးဆွတ်ပျံ့ဖွယ်ချစ်သူရည်းစားဘဝလေးဟာ ဒီလိုနဲ့ပဲ လေးရက်သာကုန်ဆုံးသွားတယ် အရင်က ရှုန်တိဆက်ဆံရေးနဲ့ ဘာမှမကွာလိုက်ဘူး။ ငါးရက်မြောက်နေ့ ဘာသာရပ်အကုန်ဖြေဆိုပြီးချိန်တွင်တော့ ဆောင်းရာသီပိတ်ရက်ရောက်ပြီဖြစ်ကြောင်း ကျန့်ယောင် သတိရမိတယ်။

သုံးပတ်တည်းကြာမှာဆိုပေမယ့်လည်း သူ့အတွက်က သူ့ကောင်လေးကို သုံးပတ်ကြီးများတောင် မမြင်မတွေ့ရပဲနေရမှာလေ။ အချစ်တွေပေါ့ကုန်ရင်ဘယ်နှယ့်လုပ်မလဲ? တော်ကြာ ပြိုင်ဘက်(ရည်းစားလုဘက်)တွေပေါ်လာရင်ဘယ်နှယ့်လုပ်မလဲ?

ချစ်ရတာ ဘာလို့များ ဒီလောက်ခက်ခဲရတာလဲကွာ?

သောကြာနေ့မနက်ခင်းစာမေးပွဲတွေပြီးချိန်မှာပဲ ဝူကောကျုံက ကျောင်းသားတိုင်းကို စာသင်ခန်းဆီပြန်လာကြဖို့မှာတယ်၊ အဓိကကတော့ ကျောင်းပိတ်ရက်အိမ်စာတွေကို မမေ့လျော့ကြဖို့၊ ဆောင်းရာသီပိတ်ရက် အကြောင်းသိကောင်းစရာလေးတချို့ ဝေမျှဖို့နဲ့ ကျောင်းပြန်လာရမယ့်ရက်ကို မှာဖို့ဖြစ်မည်။ သို့ပေမယ့် ဘယ်သူကမှ နားထောင်ချင်တဲ့ဆန္ဒမရှိကြပေ။ ထိုနေ့ကျောင်းဆင်းချိန်မှာတော့ အားလုံးရဲ့ အသံက ဝူကောကျုံအသက်ထက်ကျယ်လောင်နေတော့တယ်။

“တာ့ရှုန်း! ဘတ်စကတ်ဘောကစားကြမလား?”

“စိန်လိုက်လေ! သွားမယ်!”

“ကျန်းခဲ့! ဒီညနေ အဖွဲ့လိုက်ဂိမ်းကို မမေ့နဲ့နော်!”

“ငါသိပါတယ် မှတ်မိပါတယ်ဟ! ခါတိုင်းအချိန်ပဲမလား ငါ့ကိုလာအပြစ်တင်မနေနဲ့!”

“မျိုးရိုးဟန်ရေ!’’
ချန်ရင်းရင်းက ပြေးလာတယ်။
“လောင်ဝူပြောသွားတဲ့ ဆောင်းရာသီပိတ်ရက် လုပ်အားပေးအစီစဥ်ကို နင်လိုက်မှာလား? ရန်းရီလဲ့နဲ့ ငါတော့ ဝင်မလားလို့”

ဟန်မုန့် : “မနှစ်ကပဲ ငါပါထားတယ်လေ၊ မူကြိုသွားပြီးအ‌ကောင်စုတ်လေးတွေ တစ်ပြုံနဲ့သွားဆော့ပေးရတာပါပဲ အလကား အချိန်ကုန်လိုက်တာများ...ဟဲ့ ကျန့်ယောင်က ကလေးချစ်တယ်မလား? သူ့ကိုမေးလိုက်‌လေ”

“ကျစ် အကြင်နာတရားခေါင်းပါးလိုက်တာ”
ချန်ရင်းရင်းက တစ်ဖက်လှည့်သွားပြီး လှမ်းအော်သည်။
“ကျန့်ယောင်ရေ လုပ်အားပေးအတွက် နင်စာရင်းသွင်းမလား? အကောင်စုတ်လေးတွေကို ထိန်းရမှာတဲ့”