Pay Attention To Me [Myanmar Translation]

Chapter - 15

ကျန်းကျောင့်ကျူးသည်တော့ လုပ်ပုံလုပ်နည်းအတိုင်း လျင်မြန်တိကျစွာပင် လုပ်ဆောင်လေသည်။ ရက်သတ္တပတ်ပြီးနောက်မှာပဲ public notice board မှာ ထုတ်ပြန်စာတစ်ရွက်ချိတ်တင်လာတယ်။

''လခွမ်း၊ ထန်ရှရှက အပြစ်ပေးခံရတာလား? ဘာဖြစ်တာလဲမသိဘူး"

ဖြတ်သွားဖြတ်လာကျောင်းသားတွေဟာ ပထမထပ်က notice boardနားမှာဝိုင်းအုံလာကြသည်။ အပြစ်ပေးခံရသည့်နေရာတွင် တခြားတစ်စုံတစ်ယောက်သာ ဆိုလျှင်တော့ သူတို့တွေ သိပ်အာရုံစိုက်မိကြလိမ့်မည်မဟုတ်၊ သို့သော်ထန်ရှရှဆိုသူမှာ အနုအညာရသဌာနမှခေါင်းဆောင်ဖြစ်ကာ ကျောင်းရဲ့စည်းကမ်းတွေထုံးတမ်းတွေအတွက်တာ၀န်ရှိသူလည်းဖြစ်လေသည်။ ကျောင်းသားအတော်များများသူမကို သိကြသည်ကြောင့် အကြောင်းအရာကို စိတ်၀င်စားသူမှာများပြားလျက်ရှိသည်။

နေ့လည်စာအတန်းစဆင်းချိန်ဖြစ်သည်။ နေ့လည်စာစားအပြီး စာ‌သင်ဆောင်ဆီပြန်လာသည့် ကျောင်းသားများက notice boardကိုမြင်ကာ ကြည့်ကြ၊ ထိုသိတဲ့သူတွေကနေ မသိသေးတဲ့သူတွေကို ထပ်ဖြန့် ထပ်ဖြန့်နှင့် သတင်းမှာပျံ့နှံ့လျက်။

‘’ဟေ့‌၊ ငါကြားတာတော့ ဒါရန်းရီလဲ့ကိစ္စနဲ့ပက်သက်တယ်ဆိုပဲ၊ ရန်းရီလဲ့နဲ့ အဲ့ဒီအယုတ်တမာကောင်အကြောင်း ကောလဟာလတွေဖြန့်တာ သူမပဲတဲ့”

‘’အဲ့ဒါက ကောလဟာလလား? ငါကတကယ်ကြီးမှတ်နေတာ......သူမကရော ဘာကိစ္စဒီလိုမျိုးလုပ်ရတာတုန်း? ရန်းရီလဲ့နဲ့ဖြင့် ဘာအငြှိုးမှလည်းမရှိပဲနဲ့”

‘’မင်းမသိဘူးလား၊ ထန်ရှရှက အနုပညာရသဌာနက ရွှယ်တိအသစ်‌ကလေးကို ကြိုက်နေတာလေ၊ သူနဲ့ဆို နေ့တိုင်းတရင်းတနှီး၊ ဒီအကြောင်းကို ဌာနကလူတွေအားလုံးလိုလိုသိကြတယ်၊ ဒါမယ့်လည်း နောက်ဆုံး ရွှယ်တိလေးက သူမကိုအရေးမလုပ်ပဲ ရန်းရီလဲ့နဲ့ပိုပေါင်းပြီး နီးစပ်လာကြတာလေ၊ ထန်ရှရှလည်း ကျွဲမြီးတိုတော့တာပေါ့ကွာ”

‘’မနာလိုလို့ ကောလဟာတွေဖြန့်တယ်တဲ့လား? စိတ်ပျက်စရာပဲကွာ......’’

‘’သူမအပြစ်ပေးခံရလို့အားလုံးက ကျေနပ်နေကြတာ၊ ငါလည်း သူ့ကိုကြည့်မရတာကြာပြီရယ်၊ ဌာနခေါင်းဆောင်‌လေးဖြစ်နေတာကို တရား၀င်ပဲ အမိန့်တွေရထားသလိုလို၊ သူက omegaလေ ဘာကိစ္စ alphaတွေအထက်ကနေချင်နေမှန်းမသိဘူး”