Unparalleld Leveling (Realm - 8) [Myanmar Translation]

Chapter - 27

Unicode

၅၃၅။ သံမဏိကျောဝံပုလွေများ
____________________

လျိုချင်းယန်က နဉ်ရှုရဲ့လေလျှပ်စီးလင်းယုန်ကိုစီးကာ ထွက်ပြေးချင်နေ၏။ ကောင်းကင်ဥပဒေဂိုဏ်းမှ ကျန်ဂိုဏ်းသားနှစ်ဦးမှာ သံမဏိကျောဝံပုလွေတွေရဲ့ သေသည်အထိ ကိုက်ဆွဲကုတ်ဖဲ့ခြင်းကို ခံလိုက်ရပြီဖြစ်၏။

"ဂိုဏ်းတူညီလေးဝေ့၊ အတူတူသွားကြရအောင်။ ဝံပုလွတွေက ငါတို့ကိုမှီတော့မယ်!"

လျိုချင်းယန်က အဆောတလျင်ဆိုသည်။

ကျန်ဂိုဏ်းသားသုံးယောက်က နဉ်ရှုနဲ့လေလျှပ်စီးလင်းယုန်ကို ဝိုင်းထားလိုက်ကြသည်။ နဉ်ရှုရဲ့အမူအရာက မှောင်မည်းသွားပြီး သူမက အေးစက်စွာဆိုလေ၏။

"ဒါဘာသဘောလဲ? မင်းတို့က ဒီဖေဖေကြီးရဲ့လေလျှပ်စီးလင်းယုန်ကို ခိုးချင်တယ်ပေါ့လေ?"

လျိုချင်းယန်က ခနဲ့တဲ့တဲ့ရယ်သည်။

"အထင်မလွဲပါနဲ့ ဂိုဏ်းတူညီလေးဝေ့ရာ။ ငါတို့က အန္တရာယ်နဲ့ကြုံခဲ့ရလို့ မင်းရဲ့ဝိဉာဉ်သားရဲကောင်လေးကို ခဏလောက်ငှားချင်ရုံပါ။ အတူတူသွားကြရအောင်။"

လျိုချင်းယန်က ဝေ့လျန်ယွဲ့အား ဂိုဏ်းကိုနည်းနည်းလေးမှအကျိုးမပြုသည့် အမှိုက်ကောင်အဖြစ်ရှုမြင်သည်မို့ သူ့အစား သူတို့အသက်ရှင်တာက ပိုကောင်းသည်ဟုတွေးသည်။ ဒီလိုဆို ဝေ့လျန်ယွဲ့က ဂိုဏ်းကိုကူညီဖို့ နည်းနည်းထောက်ပံ့ပေးသည်ဟု ပြောလို့ရနိုင်သည်။

သူတို့က တကယ်ကိုလွန်လွန်းနေပြီ! နဉ်ရှုက လက်သီးဆုပ်ကာ အေးစက်စွာဆို၏။

"လေလျှပ်စီးလင်းယုန်က ဒီဖေဖေကြီးရဲ့သားရဲဆိုတာ မမေ့လိုက်နဲ့။ ဒီဖေဖေကြီးက သူ့ကို အတွေးတစ်ချက်လေးနဲ့တင် သတ်ပစ်လိုက်လို့ရတယ်။ မင်းတို့က ဒီဖေဖေကြီးပိုင်တာကို ခိုးချင်တယ်ပေါ့? ဒီဖေဖေကြီးက မင်းတို့ကိုအရင်ဖျက်ဆီးပစ်မယ်!"

လျိုချင်းယန်မှာ နဉ်ရှုရဲ့တည့်တိုးဆန်လှတဲ့စကားကြောင့် မျက်နှာဖြူဖျော့သွားသည်အထိ ဒေါသထွက်သွားရသည်။ မိန်းကလေးဂိုဏ်းသားတစ်ယောက်ကပြောလာသည်။