YOU ARE READING

Unparalleld Leveling (Realm - 8) [Myanmar Translation]

Historical Fiction

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...

#counterattack #cultivation #historical #power #system #transmigration

Chapter - 13

2.5K 447 8 
                                    

                                              
Unicode

                          
၅၂၁။ အားလုံးက အင်အားမရှိလို့
___________________ 

                          
"ညီနောင်၊ မင်းသာ ငါ့အမြင်ကိုမေးခဲ့ရင် ငါ မင်းကို စေ့စပ်တာကိုဖျက်သိမ်းဖို့ပြောတာ ကြာပြီ။ တကယ်တော့ ရှစ်ဟွေ့တိက မင်းကိုမကြိုက်တာ အသိသာကြီးကွ။ ဒါပေမယ့် မင်း စေ့စပ်တာကိုဖျက်သိမ်းလိုက်နိုင်တဲ့အချက်က အနည်းဆုံးတော့ မင်းကို နည်းနည်းမျက်နှာပြန်ရစေတာပေါ့။"

                          
လျိုချင်းယန်က သည်လိုပြောနေပေမယ့် သူစကားကတော့ ကျေနပ်နေတဲ့လေသံတွေနဲ့ပြည့်နေသည်။ သူက နဉ်ရှုကိုအထင်သေးသည်မှာ သိသာ၏။

                          
ဒီလူတွေက မနာလိုဖြစ်နေတာမို့ မူလခန္ဓာရှင်ကိုမုန်းနေကြတာလို့သာ နဉ်ရှုခံစားလိုက်ရသည်။ မူလခန္ဓာရှင်က အသုံးမကျပေမယ့် သူ့အဖေရဲ့အကူအညီကြောင့် ယောက်ျားတိုင်း အိပ်မက်ပဲမက်နိုင်တဲ့ သတို့သမီးလောင်းလှလှလေးကိုရတယ်။ အခု သူမက စေ့စပ်တာကိုဖျက်လိုက်ပြီမို့ သူတို့ သူမကို လှောင်ချင်သလောက်လှောင်လို့ရပြီ။

                          
နင့်မှာ အရည်အချင်းရှိရင် ဝေ့မင်လိုအဖေမျိုးရအောင်လုပ်လေ! ဝင်စားတာကလည်း အရည်အချင်းတစ်ခုပဲဟဲ့။

                          
နဉ်ရှုက မျက်လုံးမှိတ်လိုက်ကာ ဒီလူတွေကို အရေးလုပ်မနေတော့ချေ။ ရှစ်ဟွေ့တိက ဝေ့လျန်ယွဲ့ကို စိတ်မဝင်စားရင်တောင် ဒီလူတွေက သူတို့မှာအခွင့်အရေးရှိတယ်များထင်နေလား? အလှလေးတွေဆိုတာ အမြဲတမ်း အမျိုးသားဇာတ်လိုက်အတွက်သီးသန့်ပဲ။

                          
နဉ်ရှုကို ဒီလိုမြင်လိုက်ရတဲ့အခါ လျိုချင်းယန်က သူမကိုစကားပြောနေတာရပ်လိုက်သည်။ ဘေးမှာရှိတဲ့လူက မျက်မှောင်ကုတ်ကာဖြင့် လျိုချင်းယန်ကိုမေးလာသည်။

                          
"မင်းက သူ့ကို ဘာအတွက် စကားသွားပြောနေတာတုန်း?"

                          
"အေးလေ။ ငါတို့ မြေအောက်ခန်းကိုရောက်ရင် သူက ငါတို့ကိုဆွဲချမယ့်ဟာကို။"

                          
မိန်းကလေးဂိုဏ်းသားတစ်ဦးကဆိုသည်၊ သူမလေသံက ရွံရှာမှုတွေဖြင့်ပြည့်နေ၏။

                          
နဉ်ရှုက မျက်လုံးဖွင့်ကာ မိန်းကလေးဂိုဏ်းသားကိုကြည့်သည်။
Unparalleld Leveling (Realm - 8) [Myanmar Translation]Where stories live. Discover now