လွန်ခဲ့သော ငါးနှစ်က ယံ့အသက်သည် ဆယ့်ခုနစ်။ ဆယ့်ရှစ်ပြည့်ဖို့ တစ်နှစ်သာလိုတော့သဖြင့် သခင်က အကြီးစားမစ်ရှစ်တစ်ခုကို ယံ့အားစေခိုင်းခဲ့သည်။ ဂိုဏ်း၏ စိတ်အချရဆုံး delivery man ဖြစ်သည့် ယံ့ကို သခင်က ပစ္စည်းတစ်ခု ပို့ခိုင်း၏။ ထူးခြားတာက ထိုပစ္စည်းသည် မိန်းမပျိုလေးတစ်ဦးဖြစ်နေခြင်းပင်။
မစ်ရှင်ကို လက်ခံရချိန်တွင် ယံ အနည်းငယ် တုန်လှုပ်သွားခဲ့သည်။ သခင် သူ့ကိုစစတွေ့ချင်းက ပြောဖူးသည့် ကုန်ကြမ်းဝယ်ပြီး ကုန်ချောပြန်ရောင်းသည့် အစီအစဉ်ဟာ ဒါပါလားဟု အဲဒီတော့မှ သဘောပေါက်ခဲ့သည်။ ဆိုတော့ ဒါသည် လူကုန်ကူးမှု။ သခင့် Main Business ။ ယခင်က သူ့ကိုခိုင်းခဲ့တာတွေသည် minor လေးတွေဖြစ်ကြောင်း အခုမှသဘောပေါက်တော့သည်။
သခင်သည် ယံ့ကို အပြည့်အဝ ယုံကြည်နေပြီ။ စိတ်ထဲက အလိုလိုပျော်သွား၍ မစ်ရှင်ကို တစ်ရာရာခိုင်နှုန်း တိကျသေချအောင် ဆောင်ရွက်မည်ဟု ဆုံးဖြတ်ထားလိုက်၏။
သို့သော် မိန်းမပျိုလေးအား မြင်လိုက်ရသောအချိန်တွင်မူ ယံသည် ခြေမကိုင်မိ လက်မကိုင်မိ။ ကောင်မလေးက အလွန်ဆုံးရှိမှ ဆယ့်ခြောက်နှစ်သာသာ။ ပါးစပ်ထဲ အဝတ်ဆို့လို့ လက်ပြန်ကြိုးတုပ်လျက် ဂါဝန်ဖြူဖြူလေးသာ ဝတ်ဆင်ထားပုံမှာ သနားဖွယ်အတိ။ ဖောင်းအစ်နေသည့် မျက်လုံးတွေက ထပ်ခါတလဲလဲ တောင်းပန်ရှာသည်။ "ကျွန်မကို သနားပါ။ ကျွန်မကို လွှတ်ပေးပါ" တဲ့။
ကောင်မလေးသည် underage ။ ယံကိုယ်တိုင်လည်း underage ။ လှိုက်ခနဲတက်လာသည့် ကိုယ်ချင်းစာစိတ်ကြောင့် ကြိုးထုံးကို ဖြေပေးမည်အလုပ် သခင့်မျက်နှာကြီးက ဘွားခနဲပေါ်လာသည်။ သို့ပေမယ့် ကောင်မလေး၏ဘဝက...။ ယံ ခေါင်းကိုလှုပ်ယမ်းပစ်ပြီး ကောင်မလေးကို လွှတ်ပေးလိုက်၏။ သခင် ခွင့်လွှတ်ပါစေ။
သို့ပေမယ့် သခင်သည် ယံ့ကို ခွင့်မလွှတ်ခဲ့ပါ။
သိသိချင်း ယံ့ကို မြေအောက်ခန်းဆွဲခေါ်ကာ သူကိုယ်တိုင် စစ်ဆေးမေးမြန်းတော့၏။ ကြာပွတ်ကြိမ်ဒဏ်တွေကြား "ကောင်မလေးကို သနားလို့" ဟု တိုင်တည်တော့ သခင်က လှောင်လို့ရယ်သည်။
BINABASA MO ANG
Blood of MIN
Action"A Submissive is so often a strong person looking for someone stronger. He is not weak. He just enjoys it." -Anonymous ❗️This story is written in Myanmar❗️
Part 12*
Magsimula sa umpisa