كرونيك زوجتي ( تونسية) حلمي&شيماء. The Moon

للجزء الاخير

قاعدة فوق الفرش و بجنبها اية و اميمة و يتفرجو في فيلم رعب
اية: ياخي احنا بالرسمي حبالا و مع بعضنا
اميمة:و الله حتى انا مزلت منيش مصدقة
شيماء: بلاهي نقصو و سيبوني نتفرج في لفيلم خليني نعرف كيفاش باش يقتلها
اية: ربي معاه راجلك بصراحة ههه يا بوڨلب حتى حبلة و ماكش خايفة
اميمة:ههه جاتك جديدة شيماء ياخي هههه
شيماء:انا و الخوف مناش في فرد صحن
اية :  مممم و شنو باش يصير تو
اميمة :فاش
اية:انت و راجلك وين وصلت حكايتكم
اميمة:اية
شيماء:ههه عادي يا بنتي انا و راجلي رجعنا و جونا فسفس
اية:و انا نقول شبيه وجهك منور هالايامات و زدت سمنت
شيماء:هههه الله غالب شاهيتي محلولة على راجلي
اميمة: كل ليلة يباتو عريس و عروسة ظاهر فيهم ههعه
شيماء : بلاهي يزو من تمنييك قول عليكم نتوما ناقصين
اميمة:لحق و الله لحبالة هاذي تعدت كالعسل على قلبي كان الدلال و الحب و الرومانسية وليت نعشقو راجلي الله لا تحرمني منو راو نور عيني
اية: اه اه يا قلبي يزو راكم باش تجلطوني من الحب
شيماء: مسكينة اية ظاهر فيه جوها مهوش لاكا لكل شبيكي ڨوليلي احسبيني كيف اختك
اميمة:زوجها مهوش لاكا لكل هههه ناقص ههه
شيماء:عندي عسل معبي بلوز و اكاجو و حاجات اخرين ينفعوك هههه و ينفعو راجلك مسكين هههه تحبش نجيبهملك
اية:بلاهي قداكمش ماسطين و يا حسرة عليكم تي انا الي وليت ما نحبش السخطة و الله كلالي ڨلبي اخر حل جبتكم بحذايا
طرشقو لكلهم بالضحك
امينة: حتى انا قلت اكيد خويا ما يحشمنيش ديما مشرفلي وجهي
شيماء:هههه يعطيكم بدا هههه ملا مهبلة اميمة:هي احكيلنا عاد كيفاش رجعتو يا شيماء
اية:باسلك يديك ولا ساقك هههه
شيماء:باسلي فمي هههه
اميمة:لا ظاهر فيه خويا واخذلك عقلك
اية:تي هحكي
شيماء:الحق باش نعطيكم تلخيص خاطر التفاصيل تضركم برشا كان تعرفوهم ههه
الجمعة ليفاتت عمللي مفاجئة و هزني لمطعم
اية طلعت حاجبها: كهو  !!
شيماء:اسكت خليني نكمل
اية:اوك
شيماء:المطعم كان فارغ و مزين محلاه و جاي عالبحر و فما موسيقى
اميمة:ممم
شيماء: نحاصل تعدا عشا رومانسي يفطق و بعد في اخر السهرية تمشينا علبحر و هبط على ركبة و نص و عرض عليا الزواج
اية :هي
شيماء:لبسني الخاتم و قعدنا شوي و روحنا
اميمة:واو تهبل الvازة
اية:ربي يخليكم لبعضكم
شيماء:امين عايش اختي
اميمة :حافظو على بعضكم و ما تخلو حد يفرقكم مرة اخرى
شيماء:لا تهنى ماني عطيتها طريحة و ما خليت فيها شي لهاملة لا عاد باش تفرقني لا تفرق غيري
اية:شكون
اميمة:تي على حذامي
شيماء:ياخي نسيت حذامي وقتلي عطيتها طريحة و نبهت عليها
اية: هههه اي  سمعت بيها  مشت نابل و ڨلبت منظرها
شيماء:ريح السد
اميمة:يهز ما يرد .
اية:فزو عاد
اميمة:وين
اية:ياخي مافيبالكمش
اميمة:اووف تي باش ؟
اية :غدوة طا سعاد عيد ميلادها و الاولاد يحبو يعملولها حفلة صغيرة الليلة مع  12
شيماء:شبيهم ما قالوناش
اية : قالو باش ما تتعبوش و انتم في هالحالة و تو راهم كملو
شيماء:و انا نقول شبيها امي هزت طا سعاد بحذاها لحلوفة
اميمة: مسكينة امي ما فيبالها بشي كي الطرش في الزفة
اية:قومو بدلو دبشكم فيديكم ربع ساعة
شيماء: هيا فزو .
بدلو دبشهم و عملو مكياج سامبل و هبطو يلقو الدنيا مزينة بالبالونات و الولاد قاعدين
حلمي شافهم : الله الله شوف شكون جا
اسامة مشا جاب اية و قعدها بجنبو و سيف كيف كيف
سيف:جيب مرتك ياخي وينو ذوقك
حلمي:انا ما نجيبهاش من ايدها يا جاهلين
اسامة:تجيبها من ساقها مالا ههههه
مشالها حلمي حملها و قعدها فوق الكناباي و خزر لاسامة و ضحكلو
حلمي:قلك عليا بهيم كيفكم ما تفهمو في شي
اية:ملا حالة فيكم تعلمو منو عالقليلة
اميمة: انا راضية براجلي هكا ههه
اسامة:باهي يالة ويني بنتك ياخي شبيها ما هبطتش
حلمي :ما فيبالكش
اسامة:باش
حلمي يضحك: ولدي انا نهار و ما يجي خوه و هو يبوس  ههههههه
اسامة:نعم ولدك انت يبوسلي بنتي الهامل عيطلو خير ما نمشيلو نعطيه طريحة
حلمي:اسررر يا اسرر
دخل اسر شاد يدين اسيا و يتبسم
فز اسامة جبدها في حملتو
اسر:شبيك عمي سيبها
اسامة: نعم بابا علاش نسيبهالك باش تبوسها يا هامل
اسر:بوستها من خدها اكهو
اسامة: و يزيد يتكلم زادا
اسر:عاد شبيه يا عمي مرتي راهي
حل فمو اسامة: م مرتك !! نعل والديك يا مسخ وقتاش عرستو
اسر:يا بابا شبيه عمي متغشش و يسب فيا ياخي انا عملتلو حاجة غالطة ياخي ماك انت قتلي هذيكا مرتك و كي تكبر باش نعرسلك بيها
اسامة:الله الله طلع بوك لهامل هو لي معمرك .
حلمي و سيف طايحين في القاعة يتبربسو بالضحك
اسامة:تفيه عليكم سقاط تضحكو و انت رد بالك تبوسها من خدها مرة اخرا باهي
اسر:مالا منين نبوسها يا عمي
اسامة طلعلو لعصب : ما تبوسهاش اصلا و انت شد ولدك غادي
تلفت اسامة لاية يلقها تضحك و عينيها مليانة بالدموع
اسامة:كشخي انت كشخي
اية: مالا شتحبني نعمل ههههه
حلمي:هههههه
اسامة:باهي باهي اضحك اما حط فيبالك الي قاعد يصير عليا انا ليوم يصير عليك غدوة و ولدي يردهولك
سيف:ههههه الله يهلكم دخت بالضحك
شيماء: يا جماعة ويني تطا خاطر معادش بكري 23:50
جا بو حلمي :كنت نكلم فيهم هام في الثنية
اميمة:عدك بيها جت
بقاو يحكو شوي و بعد سمعو حس كرهبة
شيماء:كرهبة شكون هاذي
حلمي:اصبر تو تعرف يا روحي
دخل بو و ام شيماء و سعاد و في الاخر دخل ايمن
شيماء تحملتو :ايمون وينك شنو احوالك
ايمن :حمدلله و انت
شيماء:ههه هاك تشوف و انت وقتاش جيت
ايمن: جيت ليوم
شيماء : احسن ما عملت .
حلمي:ففف
قربتلو:شبيك
حلمي:موش لازم تعنفو راو يكفي تسلم عليه من بعيد
شيماء:ههه غاير
حلمي:باهي يزي من الضحك .
سعاد: شفما ياخي شبيها هكا الدار ياخي عيد ميلاد شكون اليوم ويلا فما شكون باش يعرس
قربلها بو حلمي و باسها من راسها :كل عام و انت حية بألف خير  معايا و منورتلي داري
سيف: الله الله
اسامة صفر:زيدها زيدها مزالت تتنفس
حلمي: اسامةةة
اية: ههه صحيت مليه كان هكاكة
باركولها لكل و عطوها كادوات
شيماء:ايا ويني خبزة القاطو
حلمي: احكي معانا بإحترام يعسشك احنا الي طيبناها راو
اميمة في وذن اية:حضري اكا البيتزا على ما ياتي
اية:هههه
جابو خبزت القاطو
شيماء:و الله ظاهرا تشهي عالخر
حلمي:عيشك عزيزتي
قصت سعاد خبزة الڨاطو و مدت لراجلها اول واحد ذاق منها و بزق
سعاد :شبيك
راجلها: ذوق تو تعرف
ذاقت منها هي و بزقت
سعاد:هز طيش ملا يديات عليك
حلمي:برا طيش يا سيف ماي فكرتك
سيف : برا انت يا اسامة ماك انت زينتها
اسامة :اما حلمي هو الي طيبها
حلمي:باهي هاني ماشي
اية:هاو عنا بيتزا نجيبها خير من القاطو المالح
شيماء:هههه احسن حل
هزو خبزت الڨاطو طيشوها و جابو لبيتزا قصموها و كلوها . في اخر السهرية بقاو في البلكون  يلعبو و يحكو
حلمي :عزيزتي تحب ترقد
شيماء: لا
حلمي:شبيك تخزرلي
شيماء:كيفاش ظهرتلك اول ما قابلتني
حلمي:اول ما ريتك قلت هاذي طفلة عاقلة
بعد كي حكيت معاك يا لطيف ملا لسان عليك
شيماء: هذيكا طبيعتي ههه
حلمي :تتذكر وقت حتيطلي الفلفل الاكحل في القهوة
شيماء:ههه و انت خوفتني عليك برشا وقتها تتفكر
حلمي لزها ليه :يخليك ليا و في حياتي
شيماء ضحكت : ههه مشتهية حاجة
لمعت عينيه : كيف متع لمرة ليفاتت ؟
شيماء: لا العيد موش ديما المرة هاذي ماكلة
حلمي : لا لا انت و الماكلة نتفكر اخر مرة هبطت لوسط لبلاد و ساقيا حفت
شيماء: هههه حتى انا نفدلك
حلمي:انت فرحانة تو
شيماء:نحبك
حلمي:و انا نحبك زادا
شيماء:نحبك برشا
حلمي:انا اكثر يا مرتي
اسر: يا بابا وقتاش نولي كيفك
حلمي : انا خاطيني اسئل عمك مول المول
اسر: عمي ياخي وقتاه تعرسلي  ببنتك
اسامة: كي تكبر  و تولي راجل
اسر: وعد تاخذهالي ؟
اسامة ضحك : وعد ناخذهالك.

و لهنا تكون الكرونيك وفات  نشوفكم مع حاجة اخرى و نشالله تكون عجبتكم ❤😘