كرونيك زوجتي ( تونسية) حلمي&شيماء. The Moon

الجزء 37

شيماء : الو
حلمي :شيماء الحمدلله كي انت لاباس
شيماء:هه علاش متقلق تطلعش نسيت سبة ما قلتهاليش
حلمي :امان سامحني وينك انتي تو خليلي نجي نروح بيك
شيماء : علاش تطلب في السماح و وين ياخي باش نروح؟
حلمي : انا عرفت لحكاية لكل سامحني و قلي وينك خنجيك
شيماء:احنا ما عنا علاش باش نحكو كل شي وفا مبيناتنا
حلمي :شيماء لا يعيشك اسمعني نعرف الي ظلمتك اما لكن انا عرفت لحقيقة
شيماء : و انا زادا اكتشفت حقيقتك عرفتك على اصلك هذاك علاه انا باش نمشي و ما عادش ترا وجهي ، صحيح حبيتك و حترمتك لكن انتي ما طلعتش في المستوى و ظلمتني ، عمري ماني باش نسامحك على الي عملتهولي .
علقت و هو بقا مبهم كلامها لكل صحيح هو غلط  غلطة كبيرة السبب فيها هي قلة ثيقتو اما وين باش تمشي و تخليه حياتو بلا بيها ما تعني شي لازمو يلقاها و ما يخليهاش تمشي عليه و هو تو يحاول يصلح الي عملو
اسامة : حلمي ...يا حلمي شبيك تي تكلم ويني و شقتلك
حلمي : لازمني نمشي نلوج عليها عاوني يا اسامة ما نحبش نخسرها
اسامة : باهي باهي هدي روحك و هي نشوفو في دارك بالكشي مشات تهز في دبشها
حلمي يزرب : اي اي كلامك صحيح
اسامة جبدها من ايدها : هيا يا اية شبيك واقفة ازرب
خرجو بزربة و هو  على اعصابو وصلو قدام الدار هبط يجري لوج في البيوت لكل ما لقاهاش و زيد ما لقاش دبشها
خلط عليه اسامة  : اا ويني لقيتهاش
حلمي قعد : لا ما لقيتهاش زح وين عندها تمشي يا ربي عاوني
اسامة خمم شوي و بعد تكلم : دار بوها اي هيا قوم بقات كان هذيكا
خرجو و هو عندو امل صغير في انو يلقاها
وصل قدام دارهم نزل و دق الباب ستنا شوي و خرج بوها
حلمي : سلام عمي بلاهي شيماء ما جاتش لهوني
فريد عطاه كف لا يقرا لا يكتب: كنت نسخايلك راجل وثقت فيك و عطيتك بنتي لكن انت ما طلعتش في المستوى
حلمي : نعرف نعرف اما ناديهالي نحب نحكي معاها امان قلها تخرج
فريد : و شكون قلك الي هيا لهنا هه شيماء مشات افرح عاد ، غمض عينيه و دمعة سالت من وجيعة الي يحس بيها في قلبو .
في بلاصة اخرى وصلت للمطار و هي شادة ولدها في حضنها و اسلام بجنبها دخلت و قعدت فوق كرسي تصتنا في موعد الطيارة متاعها
اسلام: تعرف الي هو عمل حالة و بقا يفركس عليك من بلاصة لبلاصة
شيماء لفتتلو راسها : السبب؟
اسلام : انو عرف روحو غالط
شيماء : اما انا سايي تو قررت و وفا  كلامك ماهو باش يبدل شي
الموظفة :الى جميع المسافرين عبر طائرة نيو يورك التوجه الى الطائرة في غضون خمسة دقائق نحن على وشك الاقلاع
وقفت شيماء ودعت اسلام و بعد ركبت في الطيارة،قعدت بجنب الشباك تكات عليه براسها و ولدها في يديها تذكرت حاجة
~فلاش باك ~
كانت راقدة على سدرو و يتفرجو في TV
شيماء : حلمي
حلمي:مم
شيماء: حلمي
حلمي : مممم
شيماء : حلميي
حلمي خزرلها : انعم يا روح حلمي اشكي شبيك
شيماء : تو بعد ما عرفنا جنس البيباي و طلع وليد شنو باش نسموه
حلمي :ههه نسموه على راي اية
شيماء : و شنو هو راي اية اكا لبهيمة ماو اسميها كيفها
حلمي : قتلك نسموه لعاتي و كي تجيب هي بنية نسموها مبروكة و نعرسولهم شقولك
شيماء:هههههه ملا كعبة تي نحكي بجدي عاد شنو نسموه عندك اسم في مخك
حلمي : اي عجبني اسم اسر و انتي
شيماء : مزلت ما خممتش
حلمي : مالا اسكت و تفرج لفيلم ضيعناه
شيماء : باهي باهي هاني باش نتبع
~باك ~
شيماء :صحيح منيش باش نسامحك اما حبك باش يبقا في قلبي و باش نخلي ولدي اسر ذكرى منك .غمضت عينيها وقت الطيارة ولت في السماء و هذيك كانت بداية لحياتها من جديد

******************************
عيد مبارك و كل عام و انتم بألف خير ❤❤