كرونيك زوجتي ( تونسية) حلمي&شيماء. The Moon

بارت 40

حاطة راسها على شباك الطيارة الدموع هابطة من عينيها و اسر بجنبها ، ايمن حجزلهم في رحلة ماشية لتونس في الليل و هي مكانش عندها حتى خيار و تو هاي راكبة في الطيارة و راجعة لبلاد الي خرجت منها عندها مدة طويلة
اسر : شيماء شبيك تبكي ملي ركبنا
شيماء: شي اسكت حتى نوصلو
اسر: باهي علقليلة وين ماشيين نحب نعرف
شيماء: اسر عيش ولدي نقص من حسك و يزي من الاسئلة تو كي نوصلو تعرف
مد يديه مسحلها دموعها :باهي اسكت و معادش تبكي نوعدك ما عادش نسألك حتى نوصلو
شيماء:ولدي الراجل يعرف يحكي ايجا عندي
تحملتو و رجعت تخزر من الشباك و قلبها نار على بوها و تدعي يكون لاباس .
في السبيطار العايلة لكل ملمومة و قاعدين قدام البيت الي هو فيها
اسامة:و الله سخفتني اكا لمرا زح شو كيفاش حالتها ملي سمعت و هي باش تقتل روحها بالبكا
سيف: ربي يصبرها و نشالله هو يخرج لاباس
حلمي : اسامة قول لامي تروح بيها و هز الجماعة زادا و انا تو نبقا هوني
اسامة: باهي اما انا نبقا معاك
حلمي: برا الساعة روح بيهم
مشالهم اسامة و حاول يخليهم يروحو اما شي قالو ما نمشوش
حلمي شد يد خولة: يا طا و الله راو ماهو باهي لصحتك برا روح هاني انا بحذاه
خولة : يا وليدي و الله باش نموت نحب نبقا بحذاه يكفيني نشوفو من بعيد برك
حلمي: باهي برا ارقد في بيت
خولة : هاا ما نحبش ابعدوني
رجع حلمي قعد بحذا لولاد
سيف: ويا والله حوال حالتها تسخف
اسامة: ياخي هو عمل اكسيدون و بعد كي جابوه دخل لبيت العمليات و شصار بعدها
سيف : فاق  عيط لطا خولة دخلت حكت معاه  شوي و خرجت بعدها حالتو تأزمت و الطبيب منع الزيارة 
حلمي: ربي يستر
سيف : هيا تجو نعملو قهوة
اسامة: وقتو ياخي
حلمي: اي اسامة عندو الحق
قدام السبيطار هبطت من التكسي و اسر شادلها يديها
اسر:شيماء
شيماء: باهي شوف احنا تو ماشيين نشوفو عزيزك يعني بابا باهي ؟
اس فرح : ياا برسمي و اخيرا
شيماء: نحبك تكون رايض عيش ولدي مكانش نروح بيك
اسر : انا اصلا اعقل واحد على وجه الارض

شيماء تبسمت و دخلت لقسم الارشادات سألتهم على بيت بوها
شيماء: اختي بلاهي فما راجل عمل حادثة ليوم الصباح
الموظفة: فما 3 حالات تنجم تقلي الاسم
شيماء: فريد****
الموظفة شافت في السجل: وي مدام في الغرفة 301 في الطابق 3 دور
على ايدك ليمين تو تلقا الاسونسور
شيماء: مارسي عيش اختى
مشات على الجانب ليمين و طلعت في الاسونسور  للطابق 3 وصلت تحل الباب و خرجت تلفتت على الجيهة ليسار شافت امها و حماتها و العايلة الكل و بما فيهم هو  فيقها اسر كي تكلم
اسر: شبيك وقفت ياخي وصلنا
شيماء: ايا هانا وصلنا كون متربي
اسر:باهي شيماء تهنى
حلمي كان يحكي مع اسامة و متلفت للجيهة لخرى اما سكت كي سمع صوت يعرفو و حافرو في ذهنو
شيماء: امي لاباس
خولة تحملت شيماء و اية زادا
اميمة: شيماء!!
تلفت حلمي يلقاها هي حبيبتو و مرتو
هزت راسها جات العين في العين كان باش يجري و يتحملها و يفرغ وحشو فيها اما قاطعهم صوت الطبيب
الطبيب: يا جماعة المريض ماعادش عندو برشا وقت و يحب يشوف بنتو،شيماء ويني
شيماء قربتلو: انا انا شيماء
******************************