كرونيك زوجتي ( تونسية) حلمي&شيماء. The Moon

الجزء 3

كي هزت راسها بقت باهتة في الراجل الي

قدامها و بعد فاقت من لبهتا متاعها و هبطت

راسها اما كانت  تخزرلو من تحت لتحت و

تحكي مع روحها :تو هذا ما لقاش شكون

تاخذو و جا ليا انا والله احوال زين و عين

شه شه ملا زين كان ناخذو تو نسكر عليه في

الدار ويلا نعملو نقاب خير .هيا قاعدة سارحة

و تحكي مع روحها ، تكلم بوه : تو احنا نعرفو

بعضنا يا فريد و عنا سنيين ربي صحاب اما

لولاد ما يعرفوش بعضهم و انا نقول علاش ما

نخلهمش وحدهم يتعرفو ،شيماء وقت سمعتو

اش قال كان جات قدامها سكين راي دغرتو

في لحظتها، ايا خرجو و بقاو هوما ساكتين و

هي راسها ما هزاتوش تكلم هو :شوف انا من

تو نحب نكون صريح معاك انا كان باش

نعرس بيك راو باش والديا هوماوخطاروك و نحبهم يكونو فرحانين مي رد بالك

تخمم في حب ويلا صغار رد بالك ،كان تقبل

تعرس بيا راك باش تعيش اعز عيشة و ما تلقا

مني كان الخير و انت تعيش حياتك و ما

ندخلش فيك و انا كيف كيف  انا قتلك الي

عندي و تو انتي قلي شنو قررت ،هي كانت

مصدومة بكلامو مي باش ما تبينش ضحكت

و تكلمت : هههه ملا صدفة هاني انا زادا

كيفك كان باش نعرس بيك راو ماخذا في

الخاطر يا بابا يمشيش فيبالك على سواد

عينيك .هو :هاك طلعت تنجم تحكي لا علينا

ما قتليش انتي تو موافقة ويلا لا و لو إنو

زايد نسأل فيك اما ميسالش .هي : قول والله

مالا رايي ماهوش مهم شو انتي ظاهر فيك

تتمقصص و راك مزلت مريت شي مني كان

لاحترام  لحد الان و صحيح انا وافقت و كل

خاطر رضاية امي و بويا كهو .هو : باهي
تفاهمنا
رجعو الجماعة بحذاهم و قالولهم الي هوما

موافقين تفاهم يعملو خطبة عائلية بعد جمعة

و العرس بعد 15  يوم صحيح شيماء ماهيش

حابة الزربا هاذي و حبت ترفض اما كي

شافت الفرحة على وجوه والديها سكتت و

قررت تضحي و تردلهم شوي من فضلهم

عليها ،تعشاو و سهرو شوي و تو قريب نص

ليل و هي قاعدة فوق الفرش و تخمم مي

قص عليها تلفونها الي يطلب هزت

هي :الو؟
هو :ياخي تهز على الي يجي و في اي وقت

هي: شكون معايا ؟

هو: إجنون حسب رايك شكون

هي :صار هو انتي هي ماو لاباس تقلق فيا في

هالوقت ياخي ما تعرفش الي العباد راقدا

هو :شو نحب نقلك الي انا نكره لحس برشا و

طولة اللسان معناها تعود تنحيهم خاطر انا
فيسع فيسع نشعل
هي :تشعل بالقاز ويلا بالحطب ،سايس روحك

لا يترشقلك عرق انا هاذي طبيعتي و منيش

منحيتها و امورك تشعل ويلا تلهب و تو قلي
علاه طلبتني ؟
هو : اللهم الصبر باهي طلبتك باش نقلك الي

امي تسئل كيفاه تحب الصياغة

هي : نحبها نحاس باهي

هو : الحق فيا انا و المرة الجاية عاود طول

لسانك معيا تو تشوف شنو نعمل 😠،و علق

عليها و هي من كثرت ما نبرة صوتو تخوف
.
تربثت و بعد شوي بدلت دبشها و تغطت و

غمضت عينيها ،دقيقة ما تعدتش و يا لطيف

فزت كجنون و بدات تسأل في روحها

هي :ياخي .......
Stop
💥💥💥💥💥💥💥💥💥💥💥💥