اسلام :باهي و كي يكبش في الحكاية و يعرف
الي هو حي
شيماء طاحتلها دمعا :لا تهنا ماهوش باش
يلوج هو اصلا ما كانش يحب عليه هه
اية مسحتلها دموها :باهي ما عادش تبكي و
قلي شنو باش تعمل بعد
شيماء :باش نكلم شكون و باش نخرج من هنا
اسلام :باهي كلمو و انا تو هاني في بيرويا كي
يجي عيطلي
اية :باهي باهي برا على روحك
خرج اسلام و اية طلبت حلمي تلقاه مسكر
ياخي طلبت اسامة نوقز نوقز و في الاخر هز
اسامة :اهلا بنور حياتي
اية :اهلا اسامة بلاهي حاجتي بيك
اسامة :طول حاجتك بيا باهي يا سيدي
اتفضل
اية :تعرفش حلمي وينو
اسامة :ههه هاو مزال في الدار ياخي نسا الي
هو معرس ويلا شنو
اية :اسمعني برا قلو الي شيماء في السبيطار
و حالتها ما تطمنش
اسامة شنو سبيطار علاش شبيها شصارلها
اية :برا قلو و جيبو و اسمع ما تقولش
للجماعة حتى ترتاح
اسامة :باهي درجين و نوصلو
علقت و تلفتت لشيماء :قلك درجين و نوصل
شيماء :برا قول لاسلام و ابقا لبرا و رد بالك
لسانك يزرف
خرجت اية قالت لاسلام و بقات في كرسي
تستنا زادت شوي و تلقاهم جايين حتى وقفو
قدامها
اسامة :ويني يا اية لاباس
اية و تغرز لحلمي بغش :ماهيش لاباس لتو ما
فاقت
حلمي :محسوب الله لا فاقت
اية :احترم روحك و اعرف شنو تخرج شنو
تخرج من فمك
حلمي :اسامة شوف مرتك شبيها
اسلام جاء :مرحبا مسيو
تلفت حلمي وقت شافو قدامو هجم عليه
فشخلو وجهو مشا اسامة بعدو عليه
حلمي :ماكش راجل حتى لهنا جيتها و الله لا
تحشمها لا انتي لا هي
اسلام :احترم روحك يا سيد و احنا تو في
مستشفى محترمة اعرف كيفاه تتصرف لمرة
هاذي ما تكلمتش اما لمرة جاية ما تلوم كان
روحك
اسامة :باهي خويا سمحنا تنجمش تقلنا على
حالة لمريضة
اسلام:وضعها مستقر مي الصغير طاح و ما
عادتش تنجم تجيب صغار من شدة الضرر الي
لحق بيها
اسامة :اما ضرر خويا ظاهر فيك غالط ثبت
يعيشك
اسلام :لا مثبت و تو سامحوني عندي ما نعمل
مشا اسلام و اسامة تلفت لحلمي :ياخي ماكش
حزين ماكش مصدوم مرتك لداخل تصارع في
الموت و ولدك مات و هو مزال ما شاف شي
في الدنيا
حلمي :اسامة انتي ماكش فاهم شي معناها ما
تحكمش قبل ما تعرف لحكاية و هيا تو
نروحو
اية :ماكش باش تشوف مرتك. حالتها
حلمي :لا ما نحبش
شداتو من ايدو قرباتو للبلار
اية :لا لازمك تشوف عمايلك لوين وصلتها و
يجي نهار و تندم على اللي عملتو
حلمي بقا يشوفلها و الخيوط راكبا فيها و بعد
مشا خرج
اسامة :عزيزتي هيا نروحو بدل دبشك و ارتاح
شوي و تو نرجعو
اية :لا ما نحبش نخليها وحدها
اسامة :فيسع فيسع نمشو و نجو
اية :باهي
أنت تقرأ
كرونيك زوجتي ( تونسية) حلمي&شيماء. The Moon
Romanceممنوع النقل ************************************ تزوجها لإرضاء والديه بعد طلاقه من زوجته التي مزال يحبها .🤵👰 هي تزوجته جراء ضغط والديها و للتخفيف عنهم .ليشاء القدر ان تقع في حبه لتحاول بكل الطرق لتجعله يحبها .👩❤👩 حلمي&شيماء اسامة&اية سيف...
